Lɔmukalu 5:14 - Ala Ya Salatikan Kula Kitabu

¹⁴ Kɛɛ wo bɛ n'a kɛ, ka ta mɔ bema Adama ya waate ma ka na sii Nabi Musa ya waate la, saya fanga le tɛɛ adamaden bɛ kunna, hali minu tɛɛ ma julumbu ta iwo Adama n'a kɛla teme ka Ala ya seliya tiɲa. Mɔɔ min tɛɛ ka kan ka na, mɔ bema Adama kɛnin wo misali le le.

Lɔmukalu 5:14 ပူးပေါင်းရင်းမြစ်များ

Lɔmukalu 5:12

Wo ma, julumbu donnin dunuɲa mɔɔ kelen ne sabu la, ado julumbu nanin saya le le. Wo le n'a kɛla, saya vɛ se mɔɔ bɛ ma, kamasɔlɔn bɛ vɛ kɛ julumbutɔ le.

Lɔmukalu 5:17

Ado ni saya fanga na siila bɛ kunna ka bɛn kɛ́ kelen ya julumbu taya kelen ma, a lagbɛyine feu ko mɔɔ minu yi Ala ya nɛɛma ba ni aa telenmandeya sɔli sɔlɔnna, wolu kɛtɔ masaya kɛla niimaya lɔ kɛ́ kelen ne sabu la, min kɛnin Masa Tɔɔmasenin Isa le.

Lɔmukalu 5:21

Julumbu na fanga sɔlɔnna ka bɛn saya le ma. Wo boloɲa kelen ma, Ala ya nɛɛma yi fanga sɔlɔnna ka bɛn telenmandeya le ma, min yi nala niimaya banbali le mɔ Tii Masa Tɔɔmasenin Isa sabu la.

Lɔmukalu 8:20

Kamasɔlɔn dannifennu bɛ la ka don nafandanya kɔlɔ. Wo ma kɛ ailu gbu sawonanko le, mafɔ ale sawonanko, ale min n'ai ladonna je. Kɛɛ wo bɛ n'a kɛ, jeisii yi je bene,

Lɔmukalu 8:22

Mɔ k'a lɔn ne ko haan fɔɔ ka na sii bi la, dannifen bɛ y'ai wunɛla i ɲɔɔ le, iwo moso min yi tin nɔ.

1 Kolɛntikalu 15:22

Ado mɔɔ bɛ kɛtɔ sala mɔ bema Adama ya kafonɲɔɔya lɔ teme, wo boloɲa kelen ma, niimaya kɛtɔ dila mɔɔ bɛ ma ten ne minu yi Masa Tɔɔmasenin ya kafonɲɔɔya lɔ.

1 Kolɛntikalu 15:45

Wo le n'a kɛla, a sɛvɛnin kitabu kɔnɔ, ko: «Mɔɔ kunfɔlɔ, min taanin kɛla Adama le, wo ka kɛ niimafen ne.» Kɛɛ Adama laban ka kɛ Nii le le, min yi niimaya dila.

Hebululu 9:27

A latɛɛnin mɔɔlu ma teme ko ai yi sa siɲa kelen ne dein, wo kɔ, ka taa ai lɔ kititɛɛya lɔ,