Lɔmukalu 5:12 - Ala Ya Salatikan Kula Kitabu

¹² Wo ma, julumbu donnin dunuɲa mɔɔ kelen ne sabu la, ado julumbu nanin saya le le. Wo le n'a kɛla, saya vɛ se mɔɔ bɛ ma, kamasɔlɔn bɛ vɛ kɛ julumbutɔ le.

Lɔmukalu 5:12 ပူးပေါင်းရင်းမြစ်များ

Lɔmukalu 3:23

kamasɔlɔn bɛ vɛ julumbu ta k'ai fo Ala ya magbiliyali la,

Lɔmukalu 5:18

Wo lɔ saa, iwo julumbu taya kelen na kɛla sabu le teme ka mɔɔ bɛ jobaliya, wo boloɲa kelen ma, kɛko telennin kelen vɛ kɛ telenmandeya ni niimaya sabu le mɔɔ bɛ yɛ.

Lɔmukalu 5:19

Kɛ́ kelen ya kolobaliya na kɛla sabu le ka mɔɔ siyama kɛ julumbutɔ le. Wo boloɲa kelen ma, ka bɛn kɛ́ kelen ya kannabatoli ma, mɔɔ siyama jatetɔ telenmande le le.

Lɔmukalu 5:21

Julumbu na fanga sɔlɔnna ka bɛn saya le ma. Wo boloɲa kelen ma, Ala ya nɛɛma yi fanga sɔlɔnna ka bɛn telenmandeya le ma, min yi nala niimaya banbali le mɔ Tii Masa Tɔɔmasenin Isa sabu la.

Lɔmukalu 6:21

Kɛɛ do, ài na nafa mindɛ le sɔlɔnna ài kɛko wolu la, minu maloya ài la bi? Kamasɔlɔn wolu laban yi saya le le.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

1 Kolɛntikalu 15:56

Saya dimin yi bɔla julumbu le lɔ, ado julumbu fanga yi bɔla seliya le lɔ.

Ɛfɛsikalu 2:3

Tuɲa le, mɔ bɛ tɛɛ taamana siya kelen wo le kɔkan kɔlɔman ne, mɔ vɛ kolu kɛla ka bɛn mɔ falikolo niikanukolu ma. Ko min lɔɔ tɛɛ vɛ kɛla mɔ falikolo ni mɔ miliya la, mɔ tɛɛ wo le kɛla. Ka bɛn mɔ dajoo minu ma, mɔ tɛɛ vɛ don Ala ya mɔnɛya kɔlɔ, iwo adamaden tɔlu.

Janguba 1:15

Ado niikanuko vɛ kɔnɔ tala, a yi moila julumbu le la. Julumbu do vɛ buɲala, a yi moila saya le la.

Janguba 3:2

Mɔ bɛ le la yi filila ko siyama lɔ. Ni mɔɔ min tɛ filila a dalakan nɔ feu, wo tii yi mɔɔ dafanin ne le, min yi se a jɛlɛkanu falikolo makolola ko bɛ lɔ.