Lɔmukalu 5:11 - Ala Ya Salatikan Kula Kitabu

¹¹ K'a dɔ la wo kɔkan, m'i sawala Ala ya kafonɲɔɔya lɔ, kamasɔlɔn ale ni ǹu wotɛ vɛ bɛn mɔ Tii Masa Tɔɔmasenin Isa sabu la.

Lɔmukalu 5:11 ပူးပေါင်းရင်းမြစ်များ

Luka 1:46

Wo kɛ, Mɔyamu vɛɛ: «Ǹ'i ǹ Tii buɲala ǹ josokun nɔ,

Yohana 1:12

Kɛɛ mɔɔ minu k'ai bolo sii a kɔlɔ ka limaniya a ma, a ka see di wolu bɛ ma k'ai kɛ Ala den ne.

Lɔmukalu 11:15

Ala k'i ban Bani Isilankalu lɔ mingɛ, wo ka kɛ sabu le ale ni dunuɲamɔɔlu wotɛ ka bɛn. Wo ma, ni Ala k'a bolo sii ai kɔlɔ kɔtunun, wo tɛnala kɛla iwo fuleni v'i wuli ka bɔ saya lɔ?

Lɔmukalu 2:17

Kɛɛ ile do? I y'a fɔla i jɛlɛ ma ko Jahudiya, k'i bolomala Nabi Musa ya seliya ma, ani k'i waso ko Ala ta le i le.

Lɔmukalu 5:1

Mɔ vɛ jate telenmande le Ala ɲakɔlɔ limaniya fɛ, wo lɔ, josolajii vɛ don ǹu ni Ala wotɛ mɔ Tii Masa Tɔɔmasenin Isa sabu la.

Lɔmukalu 5:10

Ala juu le tɛɛ mɔ le, kɛɛ a na ale ni ǹu wotɛbɛnna a Denkɛ ya saya le fɛ. Komi mɔ wotɛ vɛ bɛn butu, a lagbɛyine feu ko mɔ kɛtɔ kisila a Denkɛ ya niimaya le fɛ.

Lɔmukalu 5:3

K'a dɔ la wo kɔkan, m'i sawala hali maa tɔlɔyalu lɔ, kamasɔlɔn mɔ k'a lɔn ko tɔlɔya yi nala sawali le le.

Lɔmukalu 8:23

A do dan tɛ dannifen wolu kelen ne, mafɔ ǹu minu vɛ Nii Sɛnɛyanin sɔlɔn iwo sɛnɛfen den kunfɔlɔ. M'i mɔ wunɛla mɔ kɔnɔ ka to lon wo makɔnɔna, Ala kɛtɔ mɔ kɛla a jɛlɛkanu dennu le lon min na, ka mɔ falikolo kunmaka tɛtɛ.

Lɔmukalu 9:10

A do ma dan wo ma, mafɔ a ka kɛ Lebeka fana yɛ wo boloɲa kelen ne ma, a na filaninnu kɔnɔ tala mɔ bema Isiyaka la waate min nɔ.

1 Kolɛntikalu 10:16

M'i balika bɔla Ala yɛ duwawu jiyafɛ min ya ko lɔ, mɔ vɛ kɛla mɔ minna wo lɔ, jalasa wo tɛ mɔ dɛnko le le Masa Tɔɔmasenin jeli la? M'i bulu min lɔkalikalila, mɔ vɛ kɛla wo dɔnna, jalasa wo tɛ mɔ dɛnko le le Masa Tɔɔmasenin falikolo la?

2 Kolɛntikalu 8:19

K'a dɔ la wo kɔkan, limaniyajamalu gbu le n'a jiyala k'a kɛ mɔ taamaɲɔɔ le, mɔ vɛ taala niilifen ɲuma wo le, m'i min kɛla mɔ Tii gbu buɲako le lɔ, ani k'a jiya ko m'ai madɛmɛnko le lɔ.

Galatiyakalu 4:9

Ài do vɛ Ala lɔn butu, niwotɛ Ala gbu vɛ ài lɔn aa mɔɔlu le. Mindɛ lɔ ài y'a fɛ k'ài kɔsei dunuɲa niimani fangandan kundannu ma k'ài kɛ wolu ya jɔnnu le kɔtunun?

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Filipikalu 3:1

Ka ǹa kuma laban m̀ badenmalu, ài yi sawa mɔ Tii ya kafonɲɔɔya lɔ. Ǹ tɛɛ vɛ kuma minu sɛvɛ ài ma sɔ, ka seikɔ wolu ma, wo tɛ ǹ ɲana ko le. Wo do kɛtɔ ài matangala.

Filipikalu 3:3

Ǹu koni yi mɔɔ makɛnɛkɛnin bɛlɛbɛlɛ le le, ǹu minu yi Ala batola ka bɛn a Nii Sɛnɛyanin ma, ka mɔ ɲalɔkɛnɛya Masa Tɔɔmasenin Isa ya kafonɲɔɔya lɔ, ani ǹu minu bolomalanin tɛ mɔ jɛlɛkanu falikolo ya kolu ma.

Filipikalu 4:4

Ài yi sawa mɔ Tii ya kafonɲɔɔya lɔ. Ǹ'a fɔla yi ne kɔtunun, ài yi sawa!

Kɔlɔsikalu 2:6

Komi ài vɛ ài bolo sii Masa Tɔɔmasenin Isa kɔlɔ k'a kɛ ài Tii le, wo ma, ài yi kɛ taamana aa kafonɲɔɔya lɔ,

1 Piyɛli 1:8

Ài ma Isa ye ba bene, kɛɛ ài y'a kanula. Ài do ɲa t'a la yi ne, kɛɛ ài limaniyanin a ma. Wo ma, àiya kɔnɔlɔdiya magbiliyaɲa jate ɲa tɛ se fɔla,