Lɔmukalu 4:17 - Ala Ya Salatikan Kula Kitabu

¹⁷ A do sɛvɛnin tan ne kitabu kɔnɔ, ko: «M̀'ɛ i kɛ siboloma siyama bema le.» Ibulahima yi mɔ bema le le Ala ɲakɔlɔ, a limaniyanin tɛɛ min ma, Ala min yi niimaya dila fulenilu ma, ani min yi fennu ladanna minu la tɛɛ ma dan ba.

Lɔmukalu 4:17 ပူးပေါင်းရင်းမြစ်များ

Matiyu 3:9

Ài k'ài mili ko ài bɛnyine kamasɔlɔn ài bema le Nabi Ibulahima le! Ǹ'a fɔ ài yɛ, Ala yi sene kawakulun minu jɛlɛmana k'ai kɛ Nabi Ibulahima bɔzɔnnu le.

Yohana 5:21

Kamasɔlɔn Fa yi fulenilu lawulila ka niimaya di ai ma teme, wo boloɲa kelen ma, a Denkɛ yi niimaya dila mɔɔlu ma, minu vɛ a diyala.

Yohana 5:25

Ǹ'i tuɲa fɔ ài yɛ, waate dɔ sentɔ, a do vɛ se butu, fulenilu kɛtɔ Ala Denkɛ kumakan mɛnna, ado minu vɛ a kumakan mɛnna, wolu le kɛtɔ niimaya kɛla.

Yohana 6:63

Nii Sɛnɛyanin ne yi niimaya dila, niwotɛ adamaden fanga tɛ foi ɲia. Ǹ na kuma minu fɔla ài yɛ, wolu bɔnin Nii Sɛnɛyanin ne lɔ, ai do yi niimaya dila.

Kɛkolu 15:18

min lɔnnin m̀ bolo kɔlɔkɔlɔ le.› »

Lɔmukalu 3:29

Niwotɛ, Ala yi Jahudiyalu Tii le le dein? Siboloma gbɛlɛ mɔɔlu fana Tii tɛ Ala le? Wolu fana y'a ta le le jɔ!

Lɔmukalu 4:18

Hali foi tɛɛ tɛ je butu k'a fɔ ko Ibulahima tɛɛ a jei sii min na, a ka limaniya k'a jei sii Ala la k'a fɔ ko a kɛtɔ kɛla siboloma siyama le bema le, iwo Ala n'a fɔla a yɛ teme, a vɛɛ: «I bɔzɔnnu walatɔ ten ne.»

Lɔmukalu 4:2

Ni Ibulahima tɛɛ vɛ jate telenmande le ka bɛn a kɛkolu ma, a tɛɛ sene a wasola, kɛɛ a tɛɛ tɛ se wo kɛla Ala ɲakɔlɔ.

Lɔmukalu 8:11

Ala min na Masa Tɔɔmasenin Isa lawulila ka bɔ saya lɔ, ni wo Nii Sɛnɛyanin lasawatinin ka kɛ ài lɔ, ale Ala kelen ne kɛtɔ niimaya dila ài fali satalu ma a Nii Sɛnɛyanin sabu la, min lasawatinin ài lɔ.

Lɔmukalu 9:11

Jani filaninnu tɛɛ sɔlɔn, k'a talan ai tɛɛ ma koɲuma kɛ ba bene, niwotɛ koyon, Ala ka kolu labaale fɔsa aa mɔɔtako jusiinin yi to aa kolatɛɛnin kɔkan. A do jusiinin tɛ mɔɔ kɛkolu kɔkan, mafɔ ale min yi mɔɔlu kilila.

Lɔmukalu 9:26

A fɔnin tɛɛ ai yɛ tɛɛminja, ko: ‹Ǹa mɔɔ tɛ ài le,› a yi fɔle ai ma woja gbugbu lɔ, ko: ‹Ɲɛnɛmayatii Ala dennu.› »

1 Kolɛntikalu 1:28

Dunuɲamɔɔlu yi fen minu dɔɔyala k'ai lagbeyaɲɛ ani ka jɔ ai ma, Ala na wolu le tala fɔsa fen jateninnu kana kɛ fen ne.

1 Kolɛntikalu 15:45

Wo le n'a kɛla, a sɛvɛnin kitabu kɔnɔ, ko: «Mɔɔ kunfɔlɔ, min taanin kɛla Adama le, wo ka kɛ niimafen ne.» Kɛɛ Adama laban ka kɛ Nii le le, min yi niimaya dila.

1 Timote 6:13

Ǹ'i jamalila Ala ɲakɔlɔ min yi niimaya dila fen bɛ ma, ani Masa Tɔɔmasenin Isa ɲakɔlɔ min na seleya ɲuma dila Ponsi Pilati ɲakɔlɔ:

Hebululu 11:12

Wo boloɲa ma, ka bɔ kɛ́ kelen wo lɔ min masulunyanin tɛɛ saya la, a bɔzɔn siyama ka sɔlɔn haan fɔɔ ka wala iwo loloni minu yi sanma, ani kɔɔji kawunna kiɲɛ minu dan tɛ se lɔnna.

Hebululu 11:3

Maa limaniya le kɛnin sabu le, mɔ v'a ɲaye ko Ala ka dunuɲa ladan a kumakan ne le. Wo le n'a kɛla, fen yentalu ladannin ka bɔ fen yenbalilu le lɔ.

Hebululu 11:7

Sedina Nuho ya limaniya le na kɛla sabu le, a la ka sovi mingɛ ka bɛn ko natɔlu ma minu tɛɛ ma ye ba, a ka kulunba ladan Alaɲasiyanɲɛ boloma aa bonnamɔɔlu lakisiko lɔ. Aa limaniya ka kɛ dunuɲa jobaliya sabu le, a do ka telenmandeya wo sɔlɔn min yi nala limaniya fɛ.

1 Piyɛli 2:10

Waate lɔ, Ala ya mɔɔ tɛɛ tɛ ài le, kɛɛ ài vɛ kɛ aa mɔɔ le butu. Ài do tɛɛ ma aa henandeya sɔlɔn, kɛɛ ài v'a sɔlɔn yi ne.

2 Piyɛli 3:8

Ǹ diyananmɔɔlu, ài kà jɔ tuɲa min ma, k'a fɔ ko tele kelen kɛyine iwo sanji waa kelen (1 000) mɔ Tii ɲana, ani sanji waa kelen (1 000) kɛyine iwo tele kelen.