Lɔmukalu 4:16 - Ala Ya Salatikan Kula Kitabu

¹⁶ Wo le y'a ma, lahedi wo jusiinin limaniya le kɔkan, fɔsa Ibulahima bɔzɔnnu bɛ yi la a la ko ai y'a sɔlɔnne ka bɛn Ala ya nɛɛma ma. A tɛ seliya latelenbalu ta le dein, mafɔ a yi mɔɔlu le ta le minu limaniyanin Ala ma iwo Ibulahima n'a kɛla teme, min yi mɔ bɛ bema le.

Lɔmukalu 4:16 ပူးပေါင်းရင်းမြစ်များ

Luka 19:9

Wo fɔ Zakiya bolo, Isa vɛɛ a yɛ: «Bi kisiko vɛ se bon min na, kamasɔlɔn kɛ́ min fana yi Nabi Ibulahima bɔzɔn dɔ le le.

Lɔmukalu 15:8

Ǹ'a fɔ ài yɛ, Masa Tɔɔmasenin na kɛla Jahudiyalu ya bɔiden ne Ala ya lahedilu dafako le lɔ, a na minu tala ai bemanu yɛ, fɔsa a a jiya ko Ala yi tuɲande le le.

Lɔmukalu 3:22

Wo le k'a fɔ ko Ala yi mɔɔlu kɛla telenmande le ka bɛn limaniya le ma Masa Tɔɔmasenin Isa ma. Wotɛbɔli tɛ je,

Lɔmukalu 3:30

Komi Ala yi kelen ne le, wo lɔ, a kɛtɔ Jahudiyalu jatela telenmande le limaniya le fɛ, ani siboloma gbɛlɛ mɔɔlu fana.

Lɔmukalu 4:11

A do ka kɛnɛkɛ nɔ tɔɔmase sɔlɔn min k'a jiya ko Ala tɛɛ v'a jate telenmande le aa kɛnɛkɛbaliya lɔ ka bɛn aa limaniya le ma. Wo boloɲa kelen ma, Ibulahima kɛnin mɔɔ bɛ le bema le minu jatenin telenmande le Ala bolo ka bɛn aiya limaniya ma a ma, hali ai ka to kɛnɛkɛbaliya lɔ.

Lɔmukalu 5:1

Mɔ vɛ jate telenmande le Ala ɲakɔlɔ limaniya fɛ, wo lɔ, josolajii vɛ don ǹu ni Ala wotɛ mɔ Tii Masa Tɔɔmasenin Isa sabu la.

Lɔmukalu 9:8

Wo kɔlɔ le ko den minu sɔlɔnnin adamadenya sabu la, wolu tɛ jatela Ala den ne. Kɛɛ minu do sɔlɔnnin ka bɛn Ala ya lahedi ma, wolu le jatela a den bɛlɛbɛlɛ le.

Galatiyakalu 3:14

A na mɔ kunmakala fɔsa Nabi Ibulahima balaka yi la siboloma gbɛlɛ mɔɔlu kɔkan Masa Tɔɔmasenin Isa sabu la, ani ǹu gbu yi Nii Sɛnɛyanin sɔlɔn limaniya fɛ, min lahedi tanin Ala bolo.

Galatiyakalu 3:16

Ado Ala ka lahedi ta Nabi Ibulahima ni a bɔzɔn ne yɛ. Wo lɔ, a sɛvɛnin tɛ kitabu kɔnɔ ko: «a bɔzɔnnu,» ka kɛ iwo mɔɔ siyama, mafɔ a sɛvɛnin ko: «a bɔzɔn,» min taanin kɛla Masa Tɔɔmasenin ne.

Galatiyakalu 3:22

Kɛɛ a sɛvɛnin kitabu kɔnɔ ko dunuɲa bɛ yi julumbu ya fanga le kɔlɔ. Wo le y'a ma, Ala na ko min lahedi tala, wo yi dile limaniyamɔɔlu ma ka bɛn aiya limaniya ma Masa Tɔɔmasenin Isa ma.

Ɛfɛsikalu 2:5

Wo ma, hali mɔ sanin tɛɛ kɛ ka bɛn maa hakɛlu ma, Ala na niimaya dila mɔ ni Masa Tɔɔmasenin ma kelen ne. Ài do kisinin ka bɛn Ala ya nɛɛma le ma.

Ɛfɛsikalu 2:8

Kamasɔlɔn ài na kisila Ala ya nɛɛma lɔ limaniya le fɛ. Àilu gbu senko tɛ wo le dɛ, mafɔ Ala ya sɔli.

Tite 3:7

fɔsa m'i kɛ telenmande le Ala ɲakɔlɔ ka bɛn aa nɛɛma ma, ka mɔ fɛ bila niimaya banbali sɔlɔnko la, m'i mɔ jeisii le.

2 Piyɛli 1:10

Wo le y'a ma, m̀ badenmalu, Ala n'ài kilila k'ài ta ko min kanma, ài y'ài lɔgbeleya k'a dɔ la wo kɔkan. Ni ài do ka wo kɛ, ài sen tɛnala tuula tuun k'ài ben.