Lɔmukalu 4:15 - Ala Ya Salatikan Kula Kitabu

¹⁵ Kamasɔlɔn seliya yi nala Ala ya mɔnɛya le le, kɛɛ ni seliya ma kɛ je, seliya tiɲako tɛnala kɛla je.

Lɔmukalu 4:15 ပူးပေါင်းရင်းမြစ်များ

Yohana 15:22

Ni ǹ tɛɛ ma na ka kuma ai fɛ, ai kɛkolu tɛɛ tɛ jate julumbu le, kɛɛ tandainɔ yi ne, jo tɛ ai bolo k'ai kumanɔbɔ ka bɛn aiya julumbu tako ma.

Yohana 3:36

Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Lɔmukalu 1:17

Kamasɔlɔn Samakan Kein y'a jiyala ko Ala yi mɔɔlu jatela telenmande le a ɲakɔlɔ boloɲa min ne ma. A da yi minala limaniya le ma dein, a do la yi banna limaniya le ma, iwo a sɛvɛnin teme kitabu kɔnɔ, ko: «Mɔɔ telennin kɛtɔ niimaya kɛla limaniya bolo le ma.»

Lɔmukalu 5:13

Tuɲa le, jani seliya la tɛɛ jii Nabi Musa ma, julumbuko tɛɛ dunuɲa butu. Kɛɛ julumbu tɛ jatela ni seliya ma kɛ je.

1 Kolɛntikalu 15:56

Saya dimin yi bɔla julumbu le lɔ, ado julumbu fanga yi bɔla seliya le lɔ.

Galatiyakalu 3:10

Mɔɔ minu bolomalanin seliya latelenko ma, wolu bɛ daanyine. Kamasɔlɔn a sɛvɛnin kitabu kɔnɔ, ko: «Mɔɔ minu tɛ ko bɛ latelenna minu sɛvɛnin seliya kitabu kɔnɔ, wolu bɛ daanyine.»

Galatiyakalu 3:19

Wo lɔ saa, seliya kun yi mindɛ le? Seliya wo ka kafon Ala ya lahedi kɔkan ka kɛ mɔɔlu jobaliyala, haan fɔɔ Ibulahima bɔzɔn tɛɛ na, min ya lahedi tanin. Ado seliya wo lajiinin mɛlɛkalu le bolo Nabi Musa ma, min tɛɛ mɔɔluwotɛmɔɔ le.

Ɛfɛsikalu 5:6

Ài kà diɲa mɔɔ mɔɔ y'ài lafili kuma kolonnu le, kamasɔlɔn ko suu wolu le y'a kɛla, Ala ya mɔnɛya yi nala a kumakan labatobalilu kanma.

Kɔlɔsikalu 3:6

Ko wolu le do kɛtɔ a kɛla, Ala ya mɔnɛya natɔ a kumakan labatobalilu kanma.

1 Yohana 3:4

Ni mɔɔ mɔɔ ka to julumbu tala, wo tii yi Ala ya seliya le tiɲala, kamasɔlɔn julumbu tako yi seliya tiɲako le le.

Ko Lankɛnɛmayanin 19:15

Siyamifan damaanin tɛɛ bɔla a da, a kɛtɔ dunuɲa sibolomalu halakila min ne. A do kɛtɔ kuntiiya kɛla ai kunna nɛɛ bele le, ani ka lɛzɛn mɔnninu lɔdɔndɔn ai jibɔya lɔ, min taanin kɛla Seebɛtii Ala ya mɔnɛya le.