Lɔmukalu 4:11 - Ala Ya Salatikan Kula Kitabu

¹¹ A do ka kɛnɛkɛ nɔ tɔɔmase sɔlɔn min k'a jiya ko Ala tɛɛ v'a jate telenmande le aa kɛnɛkɛbaliya lɔ ka bɛn aa limaniya le ma. Wo boloɲa kelen ma, Ibulahima kɛnin mɔɔ bɛ le bema le minu jatenin telenmande le Ala bolo ka bɛn aiya limaniya ma a ma, hali ai ka to kɛnɛkɛbaliya lɔ.

Lɔmukalu 4:11 ပူးပေါင်းရင်းမြစ်များ

Matiyu 16:16

Simɔn Piyɛli k'a javi, a vɛɛ: «Ile le Masa Tɔɔmasenin ne, ani Ɲɛnɛmayatii Ala Denkɛ.»

Matiyu 8:11

Ǹ'a fɔ ài yɛ, haijɛnɛ masaya waate lɔ, mɔɔ siyama kɛtɔ bɔla dunuɲa fan bɛ lɔ, ka na ai sii feetikɛya lɔ Nabi Ibulahima ni Isiyaka ni Janguba tɔɔfɛ.

Luka 19:9

Wo fɔ Zakiya bolo, Isa vɛɛ a yɛ: «Bi kisiko vɛ se bon min na, kamasɔlɔn kɛ́ min fana yi Nabi Ibulahima bɔzɔn dɔ le le.

Yohana 3:33

Ni mɔɔ min do k'a bolo sii aa seleyakan kɔlɔ, wo tii v'a jiya ko Ala le tuɲande le.

Yohana 3:36

Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Yohana 6:35

Isa do vɛɛ ai yɛ: «Ǹe le niimaya bulu le. Ni mɔɔ mɔɔ si ka na m̀ ma, kɔɔn tɛnala wo tii minala butu. Ni mɔɔ mɔɔ do ka limaniya m̀ ma, minkɛlɔɔ tɛnala wo tii minala butu.

Yohana 6:40

Kamasɔlɔn ǹ Fa sawo le min ne, ko mɔɔ minu bɛ ɲa lɔnin a Denkɛ lɔ ka limaniya a ma, wolu bɛ yi niimaya banbali sɔlɔn, ǹe do kɛtɔ ai lawulila ka bɔ saya lɔ dunuɲa laban lon.»

Yohana 6:47

Ǹ'i tuɲa fɔ ài yɛ, ni mɔɔ mɔɔ ka limaniya, niimaya banbali yi wo tii le yɛ.

Yohana 8:33

Ai ka Isa javi, ai vɛɛ: «Ǹu yi Nabi Ibulahima bɔzɔn ne le. Mɔ do ma kɛ ba mɔɔ suu suu ya jɔn ne bene. I y'a fɔla di wo lɔ ko: ‹Ài lafɛlɛtɔ›? »

Lɔmukalu 10:11

A sɛvɛnin kitabu kɔnɔ, ko: «Ni mɔɔ mɔɔ ka limaniya a ma, wo tii tɛnala maloyala.»

Lɔmukalu 10:4

Kamasɔlɔn Masa Tɔɔmasenin vɛ seliya dafa, fɔsa a malimaniyamɔɔlu bɛ yi kɛ telenmande le Ala ɲakɔlɔ.

Lɔmukalu 10:6

Kɛɛ mɔɔ yi se jatela telenmande le limaniya fɛ teme, a sɛvɛnin kitabu kɔnɔ ka bɛn wo ma, ko: «I kà a fɔ i josokun nɔ, i vɛɛ: ‹Jene kɛtɔ jɛlɛla ka taa haijɛnɛ?› (Wo kɔlɔ le ko a yi Masa Tɔɔmasenin lajii.)

Lɔmukalu 3:22

Wo le k'a fɔ ko Ala yi mɔɔlu kɛla telenmande le ka bɛn limaniya le ma Masa Tɔɔmasenin Isa ma. Wotɛbɔli tɛ je,

Lɔmukalu 3:26

A na wo kɛla aa telenmandeya jiyako le lɔ waate min nɔ, ani k'a jiya ko telenmande le a le, a do yi mɔɔlu jatela telenmande le minu limaniyanin Isa ma.

Lɔmukalu 3:30

Komi Ala yi kelen ne le, wo lɔ, a kɛtɔ Jahudiyalu jatela telenmande le limaniya le fɛ, ani siboloma gbɛlɛ mɔɔlu fana.

Lɔmukalu 4:10

Wo kɛnin waate mindɛ? Wo kɛnin jani Ibulahima makɛnɛ tɛɛ kɛ, baa wo kɔla? Tuɲa le, a ma kɛ aa kɛnɛkɛko kɔla, mafɔ aa kɛnɛkɛbaliya waate lɔ.

Lɔmukalu 9:30

M'i mindɛ le fɔ wo lɔ butu? Siboloma gbɛlɛ mɔɔ minu tɛɛ tɛ telenmandeya ɲininna, wolu vɛ telenmandeya sɔlɔn, telenmandeya min yi sɔlɔnna limaniya fɛ.

Lɔmukalu 9:33

iwo a sɛvɛnin kitabu kɔnɔ teme, ko: «Ài y'a ye, m̀'ɛ sen tuu kawakulun dɔ bila Ziyɔn so kɔnɔ, min kɛtɔ kɛla sabu le ka mɔɔlu laben. Kɛɛ do, ni mɔɔ mɔɔ ka limaniya a ma, wo tii tɛnala maloyala.»

Lɔmukalu 9:6

A tɛ k'a fɔ ko Ala kumakan koliyine, kamasɔlɔn mɔɔ minu bɛ yi bema Isilan bɔzɔn ne, wolu bɛ tɛ Bani Isilanka bɛlɛbɛlɛ le.

2 Kolɛntikalu 1:22

ka tɔɔmase bila mɔ ma, ani ka Nii Sɛnɛyanin don mɔ josokun nɔ iwo tɔima ka bɛn koɲuma natɔlu ma.

Galatiyakalu 3:22

Kɛɛ a sɛvɛnin kitabu kɔnɔ ko dunuɲa bɛ yi julumbu ya fanga le kɔlɔ. Wo le y'a ma, Ala na ko min lahedi tala, wo yi dile limaniyamɔɔlu ma ka bɛn aiya limaniya ma Masa Tɔɔmasenin Isa ma.

Galatiyakalu 3:29

Ni ài ka kɛ Masa Tɔɔmasenin ta le, wo vɛ kɛla, Ibulahima bɔzɔn ne ài le. Ado Ala na lahedi min tala Ibulahima yɛ, ài y'ài ta sɔlɔnne lahedi wo lɔ.

Galatiyakalu 3:7

Wo lɔ saa, ài y'a lɔn ko mɔɔ minu vɛ limaniya Ala ma, wolu yi Ibulahima bɔzɔn ne le.

Galatiyakalu 5:5

Ǹu koni jei siinin k'a fɔ ko Ala kɛtɔ mɔ jatela telenmande le, ado Nii Sɛnɛyanin yi mɔ madɛmɛnna ka wo le makɔnɔ limaniya boloma.

Galatiyakalu 6:16

Hɛlɛ ni hena yi kɛ mɔɔ bɛ yɛ minu yi siya min lataamana, ani Ala ya Bani Isilankalu.

Ɛfɛsikalu 1:13

Àilu fana vɛ limaniya ale Isa ma, ài na tuɲa kuma mɛnna waate min nɔ, min taanin kɛla Samakan Kein ne ka bɛn àiya kisiko ma. Wo lɔ, Ala na Nii Sɛnɛyanin min ya lahedi tala, a na wo lajiila ài kɔkan ka wo kɛ tɔɔmase le,

Ɛfɛsikalu 4:30

Ài kà Ala Nii Sɛnɛyanin josomakasi, ale min yi tɔɔmase le ài ma ka bɛn ài kunmaka lon ma.

Filipikalu 3:9

ka ǹ kafonnin to a kɔkan. Ǹ tɛ m̀ bolomalala ǹe gbu ya telenmandeya ma min yi sɔlɔnna seliya latelenko fɛ, mafɔ m̀'ɛ a dɔgbɛlɛ sɔlɔn min yi nala limaniya fɛ Masa Tɔɔmasenin ma, wo le Ala ya telenmandeya le min jusiinin limaniya kɔkan.

Hebululu 11:7

Sedina Nuho ya limaniya le na kɛla sabu le, a la ka sovi mingɛ ka bɛn ko natɔlu ma minu tɛɛ ma ye ba, a ka kulunba ladan Alaɲasiyanɲɛ boloma aa bonnamɔɔlu lakisiko lɔ. Aa limaniya ka kɛ dunuɲa jobaliya sabu le, a do ka telenmandeya wo sɔlɔn min yi nala limaniya fɛ.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

Ko Lankɛnɛmayanin 9:4

Ai do ka jamali sɔlɔn ko ai kà binnu halaki duukolo kɔkan, niwotɛ filabulu kɛnɛlu, niwotɛ jili suu suu, mafɔ adamadennu dein, Ala ya tɔɔmase tɛɛ tɛ minu ten na.