Lɔmukalu 3:5 - Ala Ya Salatikan Kula Kitabu

⁵ Kɛɛ ni maa telenbaliya vɛ kɛla sabu le ka Ala ya telenmandeya lagbɛ, m'i mindɛ le fɔ wo lɔ? Jalasa ǹ'i kuma mɔɔnivinya boloma k'a fɔ ko jo tɛ Ala bolo ka aa mɔnɛya lajii mɔ kanma?

Lɔmukalu 3:5 ပူးပေါင်းရင်းမြစ်များ

Lɔmukalu 12:19

Ǹ diyananmɔɔlu, ài k'ài ta sala feu, mafɔ ài y'ài ta to Ala ma. Kamasɔlɔn mɔ Tii n'a fɔla kitabu kɔnɔ, ko: «Tasalali yi ǹ ta le le, ǹ kɛtɔ tasalali kɛla.»

Lɔmukalu 2:5

Kɛɛ ka bɛn iya josokunja ni i dajoo mafalinbaliya ma, i y'a dɔ le lala iya kolatɔn kɔkan kudein ka bɛn Ala ya mɔnɛya lonba ma, aa kiti telenninu la kɛtɔ nkɛnɛmayala waate min nɔ.

Lɔmukalu 3:19

Mɔ do k'a lɔn ne ko Nabi Musa ya seliya yi min min si fɔla, a yi wolu le fɔla mɔɔlu yɛ minu yi seliya wo kɔlɔ, fɔsa mɔɔ bɛ da la yi tuun, ani dunuɲa bɛ lakafonnin yi don Ala ya kiti kɔlɔ.

Lɔmukalu 3:7

Kɛɛ do, ni ǹa faɲafɔko ka kɛ sabu le k'a dɔ la Ala ya tuɲandeya kɔkan aa magbiliyali lɔ, mindɛ lɔ a yi ǹ jobaliyala bene iwo julumbutɔ?

Lɔmukalu 4:1

Wo lɔ saa, m'i mindɛ fɔ ka bɛn Nabi Ibulahima ma, min taanin kɛla mɔ bema le ka bɛn mɔɔnivinya ta siya ma? A ka hangili mindɛ le sɔlɔn ka bɛn telenmandeya ma ka taa Ala ma?

Lɔmukalu 5:8

Kɛɛ Ala na aa kanundeya jiyala mɔ la teme, wo le ne: Ka mɔ to julumbutɔya boloma, Masa Tɔɔmasenin ka sa mɔ yɛ.

Lɔmukalu 6:1

M'i mindɛ le fɔ wo lɔ? Jalasa m'i kɛ julumbu tala fɔsa Ala ya nɛɛma yi siyaya bɛlɛbɛlɛ kɛ?

Lɔmukalu 6:19

Ǹe do yi kumala adamadenya bolo le ma ka bɛn ài falikolo ya fangandanya ma. Waate lɔ, ài n'ài falikolo fannu bilala kokɔsɔninnu ni seliyatiɲakolu ya jɔnya le lɔ, ka to a dɔ lala àiya koyonnu kɔkan kudein. Kɛɛ tandainɔ, fɔ ài y'ài falikolo fannu bɛ bila telenmandeya ya jɔnya lɔ ten ne, min laban yi sɛnɛyali le.

Lɔmukalu 7:7

M'i mindɛ le fɔ butu? Jalasa m'a fɔ ko seliya gbu yi julumbuko le le? Wo tɛ dɛ! Kɛɛ ni seliyako tɛɛ tɛ, ǹ tɛɛ tɛnala julumbuko lɔnna. Ǹ tɛɛ tɛnala natako lɔnna ni a tɛɛ ma sɛvɛ seliya kitabu kɔnɔ, ko: «Ài kà ài nata la ài mɔɔɲɔɔ bolofen kɔkan.»

Lɔmukalu 8:31

M'i mindɛ fɔ butu ka bɛn ko minu ma? Ni Ala ka kɛ mɔ fɛ, jene yi se i lɔla mɔ ɲa?

Lɔmukalu 9:30

M'i mindɛ le fɔ wo lɔ butu? Siboloma gbɛlɛ mɔɔ minu tɛɛ tɛ telenmandeya ɲininna, wolu vɛ telenmandeya sɔlɔn, telenmandeya min yi sɔlɔnna limaniya fɛ.

1 Kolɛntikalu 15:32

Ǹ na sɛɛ min kɛla Ɛfɛsi so kɔnɔ ka kɛ iwo ǹe ni soofalilu tɛɛ v'i ɲɔɔ na, ni wo kɛnin tɛɛ m̀ bolo adamadennu ya ko le lɔ dein, ǹ kɛtɔ nafa mindɛ le sɔlɔnna wo la? Ni fulenilu la tɛnala wulila ka bɔ saya lɔ, wo vɛ kɛla: «Ài m'i dɔnni kɛ k'i min, kamasɔlɔn mɔ satɔle sinin.»

1 Kolɛntikalu 9:8

Ài y'ài milila ko ǹ'i adamaden miliya le fɔla dein? Seliya kitabu fana ma wo le fɔ?

2 Kolɛntikalu 6:4

Ǹu koni y'a jiyala ko bɛ lɔ ko Ala ya bɔiden ne mɔ le. Tɔlɔya kunyine mɔ lɔ, ani gbɛlɛgbɛlɛ ni masuwakolu.

2 Kolɛntikalu 7:11

Ko minu na kɛla ài la ka bɛn àiya josomakasi ma min latɛɛnin Ala bolo, ài y'a ye: àiya kumanɔbɔ, àiya josolakuna, àiya siyan, ài sɔnjako mɔ le, ani àiya koyon latɔn. Ài v'a jiya boloɲa bɛ ma ko ài sen tɛ koyon min nɔ.

Galatiyakalu 2:18

Kamasɔlɔn ni ǹ ka seliyako lasawati, ǹ na min lɔtiɲala, wo vɛ kɛla, m̀'ɛ ǹ jɛlɛ kɛ seliya tiɲaba le.

Galatiyakalu 3:15

M̀ badenmalu, ǹ'a fɛ ka misali di ka bɛn maa laanalu le ma. Ni mɔɔ dɔ ka salatikan sɛvɛ ladan k'a to a kɔ, mɔɔ gbɛlɛ tɛ se wo tiɲala, kumatɛ k'a dɔ la wo kɔkan.

Ko Lankɛnɛmayanin 15:3

Ai tɛɛ Ala ya bɔiden Musa ya baiti lala, ani Saa Bolan ya baiti, ai vɛɛ: «Ala Seebɛtii, i kɛko bɛ makawayine ka buɲa. I kokɛɲalu telenyine, a bɛ yi tuɲa le le, ile, siboloma bɛ ya Masa.

Ko Lankɛnɛmayanin 18:20

Wo lɔ, àilu haijɛnɛdennu ni mumininnu ni keladennu ni kelalu, ài yi sawa ka bɛn a labenko ma, kamasɔlɔn Ala vɛ aa kiti tɛɛ ka bɛn koyonnu ma, a na minu kɛla ài la.»