Lɔmukalu 3:4 - Ala Ya Salatikan Kula Kitabu

⁴ Ɛnɛn dɛ! Fɔ m'a lɔn Ala yi tuɲande le le, hali ni adamaden bɛ tɛɛ kɛ faɲafɔba le. A do sɛvɛnin tan ne kitabu kɔnɔ, ko: «Jo yi di i ma i kumakannu lɔ, i do yi see sɔlɔn iya kiti lɔ.»

Lɔmukalu 3:4 ပူးပေါင်းရင်းမြစ်များ

Matiyu 11:19

Mɔɔnivin Tanin fana vɛ na. A yi dɔnni kɛla k'i min. Wo le y'a kɛla, ai y'a fɔla ko nooma ni gbɛtɔ le a le. Ko a yi niisɔɔnminabalu ni julumbutɔlu le kɛla a tɔva le. Wo bɛ n'a kɛ, mɔɔ min yi taamana Ala ya hangilimaya lɔ, wo tii kɛkolu kɛtɔ a jiyala ko a yi siya bɛlɛ le kɔkan.»

Luka 20:16

A kɛtɔ nala ka gbelekunnasiiba wolu halaki, ka ban ka gbele kalifa mɔɔ gbɛlɛlu la.» Wo mɛn mɔɔlu bolo, ai do vɛɛ: «Ala mɔ talan wo ma!»

Yohana 3:33

Ni mɔɔ min do k'a bolo sii aa seleyakan kɔlɔ, wo tii v'a jiya ko Ala le tuɲande le.

Lɔmukalu 11:1

Wo lɔ saa, ǹ'i ɲiningali kɛla, ǹ ko: Jalasa Ala v'i ban aa mɔɔlu lɔ? Wo tɛ dɛ! Kamasɔlɔn ǹe gbu taanin kɛla Bani Isilanka le le, bema Ibulahima bɔzɔn koni, ado Bɛnjamin kabiladen ne ǹ ne.

Lɔmukalu 11:11

Wo ma yi ne, ǹ'i ɲiningali kɛla, ǹ ko: Bani Isilankalu sen ka tuu mingɛ, jalasa ai ma se ai wulila butu? Wo tɛ dɛ! Mafɔ, ai filiko le na kɛla sabu le kisiko vɛ se siboloma gbɛlɛ mɔɔlu ma, fɔsa keleya yi Bani Isilankalu mina.

Lɔmukalu 3:31

Jalasa wo kɔlɔ le ko Nabi Musa ya seliya vɛ kɛ kofuun ne ka bɛn limaniya min ma? Wo tɛ dɛ! Mafɔ, m'i seliya wo lasawatila.

Lɔmukalu 6:15

A yi di vɛ? Fɔ m'i kɛ julumbu tala kamasɔlɔn mɔ tɛ seliya kɔlɔ butu, mafɔ Ala ya nɛɛma? Wo tɛ dɛ!

Lɔmukalu 6:2

Ɛnɛn dɛ! Julumbu ta fanfɛla lɔ, mɔ vɛ sa ka bɔ wo kɔlɔ. Wo lɔ saa, m'i se ka maa dunuɲalɔtɛɛ kɛ julumbutɔya lɔ di?

Lɔmukalu 7:13

Jalasa wo kɔlɔ le ko kokein ne na saya lanala m̀ ma? Wo tɛ dɛ! Julumbu le kɛnin wo sabu le, kamasɔlɔn a na seliya kein wo le labaalela ka saya lana m̀ ma, fɔsa julumbu kɛɲa gbugbu la yi nkɛnɛmaya. Ado ka bɛn jamali ma, julumbu ya kɛwonya yi jiya le la bɛlɛbɛlɛ kɛ.

Lɔmukalu 7:7

M'i mindɛ le fɔ butu? Jalasa m'a fɔ ko seliya gbu yi julumbuko le le? Wo tɛ dɛ! Kɛɛ ni seliyako tɛɛ tɛ, ǹ tɛɛ tɛnala julumbuko lɔnna. Ǹ tɛɛ tɛnala natako lɔnna ni a tɛɛ ma sɛvɛ seliya kitabu kɔnɔ, ko: «Ài kà ài nata la ài mɔɔɲɔɔ bolofen kɔkan.»

Lɔmukalu 9:14

M'i mindɛ fɔ wo lɔ? Jalasa Ala telennin tɛ? Wo tɛ dɛ!

1 Kolɛntikalu 6:15

Ài m'a lɔn ko ài falikolo yi Masa Tɔɔmasenin falikolo fan dɔ le le? Jalasa ǹ'i Masa Tɔɔmasenin falikolo fan dɔ ta ka wo kafon sungulunba kɔkan? Wo tɛ bɛn feu!

2 Kolɛntikalu 1:18

Damanda Ala yi lanande le le, a yi ǹ sele le k'a fɔ ko ǹ na min fɔla ài yɛ, wo ma kɛ «aan» ni «ɛnɛn» ko le.

Galatiyakalu 2:17

Kɛɛ ni ǹu y'a fɛ ka telenmandeya ɲinin Masa Tɔɔmasenin sabu la, ni wo ka talan ǹu Jahudiyalu fana vɛ ye julumbutɔ le, jalasa wo y'a jiyale k'a fɔ ko Masa Tɔɔmasenin le na mɔ lɔla julumbu tala? Wo tɛ dɛ!

Galatiyakalu 2:21

Ǹ tɛ m̀ banna Ala ya nɛɛma lɔ, kamasɔlɔn ni mɔɔ tɛɛ sene ka kɛ telenmande le Ala ɲakɔlɔ seliya latelenko fɛ, wo vɛ kɛla, Masa Tɔɔmasenin sayine fuun!

Galatiyakalu 6:14

Ǹe koni, ǹ tɛnala ǹ jɛlɛ matɔɔla ko ko si lɔ, mafɔ mɔ Tii Masa Tɔɔmasenin Isa gbaanko kɔlɔman ma dein. Ka bɛn wo ma, dunuɲa kɛnin ǹ ɲana fen sanin ne le, ado ǹe fana yi fen sanin ne le dunuɲa ɲana.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

Tite 1:2

fɔsa niimaya banbali jeisii yi kɛ ai bolo, tuɲande Ala na min lahedi tala jani dunuɲa tɛɛ dan.

Hebululu 6:18

Ka bɛn ko fila minu ma, minu ma tɛ se falinna feu, Ala do tɛ se faɲa fɔla minu lɔ, ko wolu le sabu la, ǹu minu kun kalifanin a la, mɔ sɛmɛ vɛ don kosɛvɛ, ka mɔ bolo kɛ jeisii la kpekpe, min lamalanin mɔ ɲa.

1 Yohana 5:10

Ni mɔɔ min ka limaniya Ala Denkɛ ma, wo tii yi Ala ya seleyakan wo ladalola a josokun nɔ. Kɛɛ do, ni mɔɔ min ma limaniya Ala ma, wo tii vɛ Ala kɛ faɲafɔba le, kamasɔlɔn a ma limaniya seleyakan wo ma, Ala na min dila ka bɛn a Denkɛ ma.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

Ko Lankɛnɛmayanin 3:7

«A sɛvɛ k'a lataa limaniyajama ya mɛlɛka ma min yi Filadɛfiya so kɔnɔ, i vɛɛ: ‹A ye, min sɛnɛyanin, min yi tuɲande le, Masakɛ Dawuda ya koɲii yi min bolo, min vɛ da lakala, mɔɔ foi tɛ se a datuunna, ani min vɛ da latuunna, mɔɔ foi tɛ se a lakala, wo kan ne min ne: