Lɔmukalu 3:27 - Ala Ya Salatikan Kula Kitabu

²⁷ Mindɛ le tonin mɔ bolo butu, k'a fɔ ko m'i mɔ waso wo la? Foi! Jalasa m'i sene ka mɔ waso ka bɛn maa seliya latelenko ma? Ɛnɛn dɛ! Mafɔ, limaniya dein!

Lɔmukalu 3:27 ပူးပေါင်းရင်းမြစ်များ

Malɛkɛ 16:16

Ni mɔɔ min ka limaniya k'a mako ji kɔlɔ, wo tii yi kisile. Kɛɛ do, ni mɔɔ min ma limaniya, wo tii jobaliyatɔle feu.

Yohana 3:36

Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Lɔmukalu 10:5

Mɔɔ yi se jatela telenmande le seliya fɛ teme, Nabi Musa na ko dɔ sɛvɛla ka bɛn wo ma, a vɛɛ: «Ni mɔɔ min ka jamali minu latelen, wo tii ma kɛtɔ niimaya kɛla ka bɛn wolu le ma.»

Lɔmukalu 11:6

Ni Ala ya mɔɔtako yi kɛla ka bɛn aa nɛɛma le ma, wo vɛ kɛla, mɔɔ kɛkolu sabu tɛ butu. Niwotɛ, aa nɛɛma tɛnala kɛla nɛɛma bɛlɛbɛlɛ le butu.

Lɔmukalu 2:17

Kɛɛ ile do? I y'a fɔla i jɛlɛ ma ko Jahudiya, k'i bolomala Nabi Musa ya seliya ma, ani k'i waso ko Ala ta le i le.

Lɔmukalu 2:23

I i jɛlɛ matɔɔla seliya lɔnko lɔ, k'a talan i yi Ala dɔɔyala ka bɛn aa seliyatiɲako ma.

Lɔmukalu 3:19

Mɔ do k'a lɔn ne ko Nabi Musa ya seliya yi min min si fɔla, a yi wolu le fɔla mɔɔlu yɛ minu yi seliya wo kɔlɔ, fɔsa mɔɔ bɛ da la yi tuun, ani dunuɲa bɛ lakafonnin yi don Ala ya kiti kɔlɔ.

Lɔmukalu 3:26

A na wo kɛla aa telenmandeya jiyako le lɔ waate min nɔ, ani k'a jiya ko telenmande le a le, a do yi mɔɔlu jatela telenmande le minu limaniyanin Isa ma.

Lɔmukalu 4:2

Ni Ibulahima tɛɛ vɛ jate telenmande le ka bɛn a kɛkolu ma, a tɛɛ sene a wasola, kɛɛ a tɛɛ tɛ se wo kɛla Ala ɲakɔlɔ.

Lɔmukalu 7:21

Ǹ'i seliya min yena baalela ǹ nɔ, wo le ne: Ni ǹ'a fɛ ka kokein kɛ, koyon ne yi nala ǹ ɲakɔlɔ.

Lɔmukalu 7:23

Kɛɛ wo bɛ n'a kɛ, ǹ'i seliya dɔgbɛlɛ le yena baalela ǹ falikolo fannu lɔ, min yi ǹ kɛlɛla m̀ miliya lɔ ka bɛn seliya latelenko ma. Seliya wo vɛ ǹ kɛ julumbu ya jɔn ne le, min lasawatinin ǹ falikolo fannu lɔ.

Lɔmukalu 7:25

Tanuli yi Ala yɛ, ale min yi wo kɛla mɔ Tii Masa Tɔɔmasenin Isa sabu la. Ǹ'i boloɲa min ne ma butu: Ǹ'i Ala ya seliya ya jɔn ne le m̀ miliya lɔ, kɛɛ ǹ'i julumbu ya seliya ya jɔn ne le ǹ falikolo lɔ.

Lɔmukalu 8:2

Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

Lɔmukalu 9:11

Jani filaninnu tɛɛ sɔlɔn, k'a talan ai tɛɛ ma koɲuma kɛ ba bene, niwotɛ koyon, Ala ka kolu labaale fɔsa aa mɔɔtako jusiinin yi to aa kolatɛɛnin kɔkan. A do jusiinin tɛ mɔɔ kɛkolu kɔkan, mafɔ ale min yi mɔɔlu kilila.

Lɔmukalu 9:31

Kɛɛ Bani Isilanka minu tɛɛ telenmandeya ɲininna seliya latelenko fɛ, wolu ka polo a ma.

Lɔmukalu 9:32

Mindɛ lɔ? Kamasɔlɔn Bani Isilankalu tɛɛ tɛ a ɲininna limaniya boloma, mafɔ k'ai bolomala ai jɛlɛkanu kɛkolu ma. Ai sen tuunin kawakulun ne la min yi mɔɔ labenna,

1 Kolɛntikalu 4:7

Kamasɔlɔn jene n'ài lafisala dɔlu le? Fen mindɛ le ài bolo, ni a dinin tɛ ài ma? Ni a diyine ài ma, mindɛ lɔ ài y'ài wasola k'a kɛ iwo a dinin tɛ ài ma?

Galatiyakalu 2:16

Kɛɛ wo bɛ n'a kɛ, mɔ k'a lɔn ne ko mɔɔ tɛ se jatela telenmande le Ala ɲakɔlɔ ka bɛn seliya latelenko ma, kɛɛ wo yi kɛla ka bɛn limaniya le ma Masa Tɔɔmasenin Isa ma. Wo le y'a kɛla, ǹu fana vɛ limaniya Masa Tɔɔmasenin Isa ma, fɔsa m'i kɛ telenmande le Ala ɲakɔlɔ ka bɛn maa limaniya ma, kɛɛ seliya latelenko tɛ. Kamasɔlɔn mɔɔ mɔɔ tɛnala kɛla telenmande le Ala ɲakɔlɔ ka bɛn seliya latelenko ma.

Galatiyakalu 3:22

Kɛɛ a sɛvɛnin kitabu kɔnɔ ko dunuɲa bɛ yi julumbu ya fanga le kɔlɔ. Wo le y'a ma, Ala na ko min lahedi tala, wo yi dile limaniyamɔɔlu ma ka bɛn aiya limaniya ma Masa Tɔɔmasenin Isa ma.