Lɔmukalu 3:25 - Ala Ya Salatikan Kula Kitabu

²⁵ Ala na ale le bɔla julumbu lɔkoto salaka le ka bɛn a jeli bɔnko ma, min yi se sɔlɔnna limaniya boloma. Wo ka kɛ Ala ya telenmandeya jiyako le lɔ, kamasɔlɔn kɔlɔkɔlɔ le, a tɛɛ a ɲa lagbanna mɔɔlu ya julumbulu kunna ka bɛn aa sawali ma.

Lɔmukalu 3:25 ပူးပေါင်းရင်းမြစ်များ

Yohana 6:47

Ǹ'i tuɲa fɔ ài yɛ, ni mɔɔ mɔɔ ka limaniya, niimaya banbali yi wo tii le yɛ.

Kɛkolu 14:16

Waate dɔlu vɛ timin, Ala ka siboloma bɛ to je, ai bɛ ka taa ai ta siya kɔkan.

Kɛkolu 15:18

min lɔnnin m̀ bolo kɔlɔkɔlɔ le.› »

Kɛkolu 17:30

Waate lɔ, Ala ma aiya kolɔnbaliya jate ko le, kɛɛ tandainɔ, a yi mɔɔ bɛ jamalila fan bɛ lɔ ko ai yi tube.

Kɛkolu 2:23

Kɛɛ ka bɛn Ala ya latɛɛ ni lɔnni ma, ài k'a mina k'a don koyonkɛbalu bolo, fɔsa ài y'a gbaan kɔlɔman ma ka faa.

Kɛkolu 3:18

Kɛɛ Ala na aa kuma mafala boloɲa min ne ma, min fɔnin kelalu bɛ bolo, ko aa Masa Tɔɔmasenin kɛtɔ tɔlɔya masɔlɔnna.

Kɛkolu 4:28

I tɛɛ vɛ ko min bɛ latɛɛ iya seetiiya ni i sawo lɔ, ai ka wo bɛ kɛ.

Lɔmukalu 2:4

Niwotɛ, i jɔyine Ala ya ɲumaya ba ma, ani aa sɔniyali ni aa sawali? Jalasa i m'a lɔn ko Ala ya ɲumaya le ka kan ka kɛ sabu le i i jɛlɛ lasei a ma?

Lɔmukalu 3:26

A na wo kɛla aa telenmandeya jiyako le lɔ waate min nɔ, ani k'a jiya ko telenmande le a le, a do yi mɔɔlu jatela telenmande le minu limaniyanin Isa ma.

Lɔmukalu 5:1

Mɔ vɛ jate telenmande le Ala ɲakɔlɔ limaniya fɛ, wo lɔ, josolajii vɛ don ǹu ni Ala wotɛ mɔ Tii Masa Tɔɔmasenin Isa sabu la.

Lɔmukalu 5:11

K'a dɔ la wo kɔkan, m'i sawala Ala ya kafonɲɔɔya lɔ, kamasɔlɔn ale ni ǹu wotɛ vɛ bɛn mɔ Tii Masa Tɔɔmasenin Isa sabu la.

Lɔmukalu 5:18

Wo lɔ saa, iwo julumbu taya kelen na kɛla sabu le teme ka mɔɔ bɛ jobaliya, wo boloɲa kelen ma, kɛko telennin kelen vɛ kɛ telenmandeya ni niimaya sabu le mɔɔ bɛ yɛ.

Lɔmukalu 5:9

Wo lɔ saa, komi mɔ vɛ jate telenmande le butu Isa jeli bɔnko fɛ, a lagbɛyine feu ko a kɛtɔ mɔ lakisila ka mɔ bɔ Ala ya mɔnɛya kɔlɔ.

1 Kolɛntikalu 5:7

Wo le y'a ma, ài yi koyonkɛba wo gbɛn ài tɛma, k'ài jɛlɛ lasɛnɛya fɔsa ài yi kɛ mɔɔ kula le, iwo ǹu Jahudiyalu yi bululafununsɛɛ kɔlɔ labɔla teme maa bonnu la ka dɛɛ kula ladan, sɛɛ tɛ min na. Kamasɔlɔn Masa Tɔɔmasenin min taanin kɛla maa Timinkunna Selilon saa bolan ne, wo vɛ kɛ salaka le.

2 Kolɛntikalu 5:21

Masa Tɔɔmasenin ma julumbu foi ta, kɛɛ Ala na maa julumbu doni lala ale le kun, fɔsa m'i kɛ telenmande le Ala ɲakɔlɔ aa kafonɲɔɔya lɔ.

Ɛfɛsikalu 1:7

Mɔ do kunmakanin a jeli bɔnko le fɛ, ani maa hakɛlu lɔ vɛ koto ka bɛn aa nɛɛma dafanin ne ma,

Ɛfɛsikalu 2:13

Kɛɛ komi ài yi Masa Tɔɔmasenin Isa ya kafonɲɔɔya lɔ butu, wo lɔ, àilu minu majaannin tɛɛ Ala la sɔ, ài ma vɛ sulunya a la ka bɛn Masa Tɔɔmasenin jeli bɔnko le ma.

1 Timote 1:15

Kuma min yi tuɲa le le, bɛ ka kan k'a bolo sii min kɔlɔ feu: Masa Tɔɔmasenin Isa nanin dunuɲa kɔnɔ julumbutɔlu lakisiko le lɔ, ado ǹ taanin kɛla wolu bɛ lɔ mɔɔ kɛwon ne le.

Hebululu 10:4

kamasɔlɔn tola jeli niwotɛ bani jeli tɛ se julumbulu banna feu!

Hebululu 11:14

Mɔɔ minu yi kuma suu wo fɔla, wolu y'a jiyala k'a lagbɛ ko ai yi faso le ɲininna ai jɛlɛ yɛ.

Hebululu 11:17

Ibulahima lɔ ka suma Ala bolo waate min nɔ, aa limaniya le ka kɛ sabu le, a ka diɲa Isiyaka bɔko ma salaka le. Lahedi tanin ale min yɛ, a tɛɛ a denkɛ kelenpesa bɔ bolo le ma salaka le,

Hebululu 11:7

Sedina Nuho ya limaniya le na kɛla sabu le, a la ka sovi mingɛ ka bɛn ko natɔlu ma minu tɛɛ ma ye ba, a ka kulunba ladan Alaɲasiyanɲɛ boloma aa bonnamɔɔlu lakisiko lɔ. Aa limaniya ka kɛ dunuɲa jobaliya sabu le, a do ka telenmandeya wo sɔlɔn min yi nala limaniya fɛ.

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

Hebululu 9:5

Mɛlɛka sawula nɔɔlɔnilu, ai y'a fɔla minu ma ko Selubɛn, wolu tɛɛ kesu wo kɔkan k'ai kawa bilin kesu datuun kunma, julumbulu lɔ tɛɛ kotola tɛɛminja. Kɛɛ mɔ tɛ se ko min bɛ ɲafɔla yi ne butu.

1 Yohana 1:10

Ni mɔ k'a fɔ ko mɔ ma julumbu ta, mɔ vɛ Ala kɛ faɲafɔba le, a do kumakan tɛ mɔ josokun nɔ.

1 Yohana 2:2

Ale le na kɛla julumbu lɔkoto salaka le mɔ yɛ. A do ma dan maa julumbulu ma dein, mafɔ dunuɲamɔɔlu bɛ ta.

1 Yohana 4:10

Kanundeya bɛlɛbɛlɛ le min ne: A tɛ k'a fɔ ko mɔ na Ala kanula, kɛɛ ale le na mɔ kanula ka a Denkɛ lana, k'a kɛ maa julumbulu lɔkoto salaka le.

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.

Ko Lankɛnɛmayanin 13:8

Dunuɲamɔɔlu bɛ kɛtɔ soofali batola, mɔɔ minu tɔɔ sɛvɛnin tɛ niimaya kitabu kɔnɔ ka ta dunuɲa dan waate ma, min yi Saa Bolan ta le, ai ka min faa.

Ko Lankɛnɛmayanin 20:15

Ado mɔɔ mɔɔ tɔɔ sɛvɛnin tɛɛ ma talan niimaya kitabu kɔnɔ, wo tii la ka fili taa diɲa ba lɔ.

Ko Lankɛnɛmayanin 5:9

Ai do vɛ baiti kula dɔ lala, ai vɛɛ: «Ka kafa mina, ani k'a tɔɔmaselu bɔ a ma, ile ni wo kaanyine. Kamasɔlɔn i kannatɛɛyine tɛɛ, ado ka bɛn i jeli bɔnko ma, i vɛ mɔɔlu kunmaka Ala yɛ, ka bɔ dunuɲa kabila bɛ lɔ, ani kan bɛ, ani siboloma bɛ, ani jamana bɛ.