Lɔmukalu 3:2 - Ala Ya Salatikan Kula Kitabu

² Tuɲa le, wo nafa walanin boloɲa bɛ le ma! A kunfɔlɔ le, Ala na aa samakan kalifala Jahudiyalu le la.

Lɔmukalu 3:2 ပူးပေါင်းရင်းမြစ်များ

Yohana 5:39

Ài yi kitabulu mafɛlɛnna kosɛvɛ, kamasɔlɔn a ài kɔnɔ ko ài kɛtɔ niimaya banbali sɔlɔnna wolu le fɛ, k'a talan kitabu wolu gbu le yi seleya dila ka bɛn m̀ ma.

Kɛkolu 7:38

Ale le tɛɛ jama ba fɛ fuwa lɔ, ani mɛlɛka min tɛɛ kumala a fɛ Sinai tini kɔkan, ani a tɛɛ mɔ bemanu fɛ. A do ka niimaya kumalu sɔlɔn k'ai lase mɔ ma.

Lɔmukalu 1:2

Samakan Kein wo le lahedi tanin Ala bolo ka ta waate jaan ma aa kelalu fɛ lɔhɔlɔma kitabulu kɔnɔ.

Lɔmukalu 2:18

I do ka Ala sawo lɔn ka koyon ni koɲuma wotɛbɔ lɔn, kamasɔlɔn i kalanyine seliyako la.

Lɔmukalu 3:1

Wo lɔ saa, nafa mindɛ le yi Jahudiyaya la? Tɔnɔ suu mindɛ le yi kɛnɛkɛko la?

Lɔmukalu 3:3

Kɛɛ ni ai dɔlu ka kɛ lanandeyabali le do? Jalasa wo le kɛtɔ Ala ya lanandeya tiɲala?

Lɔmukalu 9:4

Bani Isilanka le ai le, Ala na minu kɛla a jɛlɛkanu dennu le, ka aa magbiliyali jiya ai la, ka salatikannu ta ale ni ailu wotɛ, ani ka aa seliya di ai ma. Ai do vɛ batokɛɲa bɛlɛbɛlɛ sɔlɔn, ani Ala ya lahedilu.

1 Kolɛntikalu 9:17

Ni ǹ tɛɛ baale min kɛ ka bɛn ǹ jɛlɛkanu sawo le ma, ǹ jii tɛɛ kɛle a tɔnɔ sɔlɔnko ma. Kɛɛ ni ǹ'a kɛla diyanigbeya bolo le ma, wo vɛ kɛla, a yi ǹ kundoni ne le min kalifanin ǹ na.

2 Kolɛntikalu 5:19

Kamasɔlɔn Ala tɛɛ baalela Masa Tɔɔmasenin nɔ ka ale ni dunuɲamɔɔlu wotɛbɛn. A ma aiya julumbulu jate wo kɔ. A do ka wotɛbɛn samakan wo kalifa mɔ la.

Galatiyakalu 2:7

Kɛɛ ailu gbu k'a ɲaye ko Ala le na baale kalifala ǹ na ko ǹ'i Samakan Kein lase siboloma gbɛlɛ mɔɔlu ma, iwo a na baale kalifala Piyɛli la teme ko k'a lase Jahudiyalu ma.

1 Timote 6:20

Ile Timote, ko minu kalifanin i la, i yi wolu ladalo kobɛn. I i jɛlɛ matanga kuma fuunnu ma minu ni Ala ya siya bɛnnin tɛ i ɲɔɔ ma, ani sɔsɔyali kolon, mɔɔ dɔlu y'a fɔla min ma filibandeya boloma ko lɔnni.

Hebululu 5:12

Ài tɛɛ ka kan ka kɛ kalanmɔɔlu le butu waate min nɔ, kɛɛ hali bi ài mako yi kalanmɔɔ la, min y'ài kalan Ala ya kojiyanin kunfɔlɔlu la kɔtunun. Ài mako yi sinji le la, dɔnnifen lɔjanin tɛ!

1 Piyɛli 4:11

Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!

Ko Lankɛnɛmayanin 19:10

Wo fɔ mɛlɛka bolo, ǹ ka m̀ bilin a sen kɔlɔ a batoko lɔ. Kɛɛ a do vɛɛ ǹ yɛ: «I kà wo kɛ dɛ! Bɔiden ne ǹ ne fana le iwo ile, ani i badenma minu bolo kɛnin Isa ya seleyakan na. I yi Ala le bato dein!» Kamasɔlɔn Isa ya seleyakan ne yi kelalu lɔla kelaya lasenko la.

Ko Lankɛnɛmayanin 22:6

Wo bɛ kɔ, mɛlɛka k'a fɔ ǹ yɛ, a vɛɛ: «Minu sɛvɛ, kamasɔlɔn kuma minu yi lanaya kuma ni tuɲa le le. Mɔ Tii Ala min aa kelayakuma donna kelalu da, wo le na aa mɛlɛka lataala aa bɔidennu ma ka ko wolu jiya ai la, minu natɔ kɛla jona.»