Lɔmukalu 3:10 - Ala Ya Salatikan Kula Kitabu

¹⁰ A sɛvɛnin kitabu kɔnɔ tan ne, ko: «Mɔɔ foi telennin tɛ, hali mɔɔ den kelen gbu!

Lɔmukalu 3:10 ပူးပေါင်းရင်းမြစ်များ

Matiyu 15:19

Kamasɔlɔn miliya yon bɛ yi bɔla mɔɔ kɔnɔ le lɔ, ani a josokun nɔ: mɔɔfaako, jalonya, kanukɛko, suɲali, faɲafɔ seleya, ani tɔɔtiɲali.

Malɛkɛ 10:18

Isa k'a javi, a vɛɛ: «Mindɛ y'a kɛla vɛ i y'a fɔla m̀ ma ko ‹kalanmɔɔ ɲuma›? Mɔɔ suu suu ɲumayanin tɛ fɔ Ala kelenpesa.

Lɔmukalu 11:8

A sɛvɛnin tan ne kitabu kɔnɔ, ko: «Ala vɛ ai hangili magbasi. Haan ka na sii bi la, ai tɛ se yeni kɛla ai ɲa la, ai do tɛ se ko mɛnna ai tolo la.»

Lɔmukalu 3:11

Mɔɔ foi tɛ ko ɲayena, ani ai suu suu tɛ Ala ɲininna!

Lɔmukalu 3:23

kamasɔlɔn bɛ vɛ julumbu ta k'ai fo Ala ya magbiliyali la,

Lɔmukalu 3:4

Ɛnɛn dɛ! Fɔ m'a lɔn Ala yi tuɲande le le, hali ni adamaden bɛ tɛɛ kɛ faɲafɔba le. A do sɛvɛnin tan ne kitabu kɔnɔ, ko: «Jo yi di i ma i kumakannu lɔ, i do yi see sɔlɔn iya kiti lɔ.»

Tite 3:3

Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.

1 Piyɛli 1:16

Kamasɔlɔn Ala n'a fɔla kitabu kɔnɔ, ko: «Ài yi sɛnɛya, kamasɔlɔn ǹ sɛnɛyayine.»

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»

Ko Lankɛnɛmayanin 22:15

Kɛɛ jɛlɛlakɔsɔmɔɔlu kɛtɔ tola so kɔma, wolu ni subalu ni kanukɛbalu, ani mɔɔfaabalu ni joosɔbalu, ani mɔɔ minu yi faɲafɔko ladiyaɲɛla ka to faɲa fɔla kudein.