Lɔmukalu 2:9 - Ala Ya Salatikan Kula Kitabu

⁹ Adamaden suu suu yi koyon kɛla, tɔlɔya ni kunnagbeya le kɛtɔ wo tii minala, ka damina Jahudiyalu ma ka taa sii siboloma gbɛlɛ mɔɔlu la.

Lɔmukalu 2:9 ပူးပေါင်းရင်းမြစ်များ

Matiyu 16:26

Ni mɔɔ ka dunuɲa bɛ sɔlɔn ka bɔnɔ a nii la, nafa mindɛ le yi wo la? Mɔɔ yi se mindɛ dila k'i nii kunmaka?

Luka 24:47

ani aa samakan ka bɛn mɔɔlu dajoo mafalinko ma aiya julumbulu lɔkotoko lɔ, wo la ka kan ka se siboloma bɛ ma a tɔɔ lɔ, ka damina Jelusalɛmu ma.

Kɛkolu 11:18

Ai ka kuma wo mɛn mingɛ, ai k'aiya sɔsɔyali dabila ka Ala tanu, ai vɛɛ: «Tuɲa le, Ala vɛ diɲa a ma ko siboloma gbɛlɛ mɔɔlu fana y'ai dajoo mafalin, fɔsa ai yi niimaya sɔlɔn.»

Kɛkolu 13:26

«M̀ badenmalu, Ibulahima bɔzɔnnu ni Alaɲasiyanɲɛmɔɔlu bɛ, Ala na kisiko kuma min lanala ǹu le ma.

Kɛkolu 20:21

Ǹ tɛɛ Jahudiyalu ni siboloma bɛ lalila ko ai y'ai jɛlɛ lasei Ala ma, ka limaniya mɔ Tii Isa ma.

Kɛkolu 26:20

Ǹ ka Damasekalu le kawani kunfɔlɔ le, wo kɔ, Jelusalɛmu ni Jude koovi bɛ, ani siboloma gbɛlɛlu. Ǹ ko ai bɛ y'ai dajoo mafalin k'ai fannɔsei Ala ma, k'ai kɛkolu kɛ minu bɛnnin ai dajoo mafalinko ma.

Kɛkolu 28:17

Tele sawa timin kɔ, Pɔli ka Jahudiya ɲamɔɔlu kili. Ai ka na k'ai ladɛn mingɛ, a vɛɛ ai yɛ: «M̀ badenmalu, m̀ ma koyon kɛ maa mɔɔlu la, niwotɛ ka mɔ bemanu ya laanalu mafɔ. Wo bɛ n'a kɛ, ai ka m̀ mina Jelusalɛmu ka ǹ don Lɔmukalu bolo.

Kɛkolu 28:28

Pɔli k'a dɔ la kuma wo kɔkan, a vɛɛ: «Ài y'a lɔn ko Ala ya kisiko la vɛ se siboloma gbɛlɛ mɔɔlu ma. Wolu do kɛtɔ ai tolomalɔla a la!»

Kɛkolu 3:26

Wo lɔ, Ala na aa bɔiden tala k'a lana ài ma kunfɔlɔ le, fɔsa a yi balaka don ài lɔ, k'ài kelenkelenna bɛ bɔ àiya siya yonnu kɔkan.»

Lɔmukalu 1:16

Ǹ tɛ maloyala Samakan Kein ya ko lɔ, kamasɔlɔn Ala ya seetiiya le wo le min yi nala kisiko le Isa malimaniyamɔɔlu bɛ yɛ, ka damina Jahudiyalu ma ani siboloma gbɛlɛ mɔɔlu fana.

Lɔmukalu 10:12

Wo lɔ saa, wotɛbɔli tɛ Jahudiyalu ni siboloma gbɛlɛ mɔɔlu wotɛ butu, kamasɔlɔn Tii kelen ne yi bɛ kunna, a do y'aa nɛɛma dila a tɔɔ kiliba bɛ le ma kosɛvɛ.

Lɔmukalu 2:10

Kɛɛ do, mɔɔ suu suu yi koɲuma kɛla, magbiliyali ni buɲali ni josolajii le kɛtɔ kɛla wo tii ta le, ka damina Jahudiyalu ma ka taa sii siboloma gbɛlɛ mɔɔlu la.

Lɔmukalu 8:35

Mindɛ le yi se mɔ fɛ tɛɛla Masa Tɔɔmasenin ya kanundeya la? Tɔlɔya, niwotɛ hangili ɲaami? Jangata, niwotɛ kɔɔn? Feeyabɔtanya, niwotɛ masuwako, niwotɛ siyamifan?

Lɔmukalu 9:24

Hali ǹu minu kilinin Ala bolo, mɔ bɛ kilinin tɛ ka bɔ Jahudiyalu tɛma dein, mafɔ siboloma gbɛlɛ mɔɔlu fana.

Galatiyakalu 3:28

Wotɛbɔli tɛ Jahudiya ni siboloma gbɛlɛ mɔɔlu wotɛ, niwotɛ jɔn ni hɔlɔlu, niwotɛ kɛ́ ni mosolu, kamasɔlɔn ài bɛ yi kelen ne le Masa Tɔɔmasenin Isa ya kafonɲɔɔya lɔ.

Kɔlɔsikalu 3:11

Wo le y'a ma, wotɛbɔli tɛ butu Gɛlɛkika ni Jahudiyalu wotɛ, niwotɛ mɔɔ makɛnɛkɛnin ani mɔɔ makɛnɛkɛbalilu, niwotɛ tuukɔlɔmɔɔ ni siboloma ɲamakabalilu, niwotɛ jɔn ani hɔlɔlu, wo foi tɛ jatela. Min yi jatela, wo le Masa Tɔɔmasenin ne dein, a do yi bɛ le josokun nɔ.

2 Tɛsalonikakalu 1:6

A yi ko telenin ne le Ala ɲakɔlɔ k'ài ta sala ài tɔlɔyabalu lɔ tɔlɔya le,

1 Piyɛli 4:17

Kiti waate vɛ se, a do daminatɔ Ala ya bonnamɔɔlu le ma. Ni a daminatɔ ǹu gbu le ma, wo vɛ kɛla, mɔɔ wolu ya ko labantɔ di minu yi kolobaliya kɛla Ala ya Samakan Kein na?