Lɔmukalu 2:8 - Ala Ya Salatikan Kula Kitabu

⁸ Kɛɛ do, mɔɔ minu gbalanin ai jɛlɛ kunko le ani minu tɛ tuɲandeya labatola, mafɔ ka telenbaliya labato, Ala ya mɔnɛya ni aa josolakuna wulitɔ mɔɔ suu wolu le kanma.

Lɔmukalu 2:8 ပူးပေါင်းရင်းမြစ်များ

Lɔmukalu 1:18

Ala tonin haijɛnɛ ka aa mɔnɛya jiya ka bɛn adamadennu ya julumbu ni koyon bɛ ma, minu yi tuɲa doonna aiya koyonkɛ sabu la.

Lɔmukalu 10:16

Kɛɛ mɔɔ bɛ ma ai bolo sii Samakan Kein kɔlɔ. Wo le n'a kɛla, Nabi Ezayi n'a fɔla, a vɛɛ: «Ǹ Tii, jene vɛ limaniya maa kawanili ma?»

Lɔmukalu 15:18

Ado ǹ tɛnala m̀ wakalila ka ko ko fɔ, mafɔ Masa Tɔɔmasenin na minu kɛla ǹ nɔ ka siboloma gbɛlɛ mɔɔlu kolo Ala yɛ ǹ kumakan ni ǹ kɛkolu fɛ,

Lɔmukalu 6:17

M'i balika bɔla Ala yɛ, kamasɔlɔn àilu minu tɛɛ julumbu ya jɔn ne kɔlɔman ne, ài vɛ kalan min latelen ài josokun bɛ la, min dinin ai ma.

Lɔmukalu 9:22

Wo boloɲa kelen ma, a lɔɔ tɛɛ Ala la ka aa mɔnɛya jiya, ani ka aa seetiiya lankɛnɛmaya. Kɛɛ a mɔnɛnin mɔɔ minu kanma, minu lɔbɛnnin tɛɛ halakiko lɔ, a na wolu ya ko minala a ma sawali boloma.

1 Kolɛntikalu 11:16

Ni mɔɔ dɔ y'a fɛ ka sɔsɔyali kɛ ka bɛn ko wo ma, laana gbɛlɛ tɛ mɔ bolo, kumatɛ Ala ya limaniyajamalu ma.

2 Kolɛntikalu 12:20

M̀'ɛ siyan k'a fɔ ko ni ǹ ka taa ài fɛlɔ, ǹ kɛtɔ ài talanna boloɲa dɔ ma min tɛnala bɛnna m̀ ma. Ado àilu fana kɛtɔ ǹ yena boloɲa dɔ ma min tɛnala bɛnna ài ma. M̀'ɛ siyan k'a fɔ ko ǹ kɛtɔ sɔsɔyali talanna ài tɛma, ani keleya ni josobɔ ni jɛlɛlafisaya ni tɔɔtiɲali ni mafɔli ni fannɔbaya ani sɔɔnsɔɔn.

Galatiyakalu 5:20

joosɔko, subaya, lagbeyaɲɛ, sɔsɔyali, keleya, josobaya, ɲangbeya, bɛnbaliya, falanɲɔɔya,

Filipikalu 1:17

Kɛɛ dɔ wolu tɛ Masa Tɔɔmasenin ya ko lasena josolɔgbɛya lɔ, mafɔ jɛlɛlafisaya. Ai y'ai milila ko a dɔ yi la ǹa tɔlɔya kɔkan kaso la.

Filipikalu 2:3

Ài kà ko ko si kɛ jɛlɛlafisaya boloma niwotɛ fannɔbaya, mafɔ ài y'ài fanmajii ka dɔlu ta iwo ai fisayanin vɛ ài le.

2 Tɛsalonikakalu 1:8

A do kɛtɔ nala taamɛnɛn ne ka Alalɔnbalilu jangata, ani mɔɔ minu yi kolobaliya kɛla mɔ Tii Isa ya Samakan Kein na.

Tite 3:9

Kɛɛ i k'i fɛ bila sɔsɔyali fuunnu la, ani jilijaa ɲafɔkolu, ani ko minu yi mɔɔlu falanna i ɲɔɔ ma, ani kɛlɛkɛkolu ka bɛn Nabi Musa ya seliya ma. Kamasɔlɔn nafa tɛ kofuun wo suu suu la.

Hebululu 10:27

mafɔ ka to kiti makɔnɔna siyan boloma, ani taa jamannin min kɛtɔ Ala juulu halakila.

Hebululu 11:8

Nabi Ibulahima ya limaniya le na kɛla sabu le, Ala k'a kili waate min nɔ ko a yi taa jamana dɔ lɔ min natɔ kɛla a kɛɛ le kɔfɛ, a ka Ala kumakan labato. A do ka siya mina ka taa, k'a talan a tɛɛ ma a taaya lɔn.

Hebululu 5:9

Aa ko da ka fa mingɛ boloɲa min ma, a ka kɛ habadan kisiko sabu le a kannabatobalu bɛ yɛ,

Janguba 3:14

Kɛɛ ni keleya yon ni jɛlɛlafisaya ka kɛ ài josokun nɔ, wo vɛ kɛla, ài kà ài waso k'ài ban tuɲa lɔ.

Janguba 3:16

Kamasɔlɔn keleya ni jɛlɛlafisaya vɛ kɛla tɛɛminja, sɔsɔyali ni koyon suu bɛ yi talanna wo le ja.

1 Piyɛli 3:1

Wo boloɲa kelen ma, àilu mosolu y'ài fanmajii ài kɛ́nu yɛ, fɔsa ni a dɔlu kolonin ma kɛ Ala kumakan yɛ, hali ni kuma ma fɔ ài bolo, ài taamaɲa yi kɛ sabu le k'ài kɛ́nu latube,

1 Piyɛli 4:17

Kiti waate vɛ se, a do daminatɔ Ala ya bonnamɔɔlu le ma. Ni a daminatɔ ǹu gbu le ma, wo vɛ kɛla, mɔɔ wolu ya ko labantɔ di minu yi kolobaliya kɛla Ala ya Samakan Kein na?

Ko Lankɛnɛmayanin 14:10

wo vɛ kɛla, wo tii la yi minne Ala ya gbɛ la, min taanin kɛla aa mɔnɛya le, min ɲaamibali kɛtɔ kɛla aa mɔnɛya jiyafɛ kɔnɔ. Wo tii kɛtɔ jangatala taa ni timiliki kawa ɲɛninninu tɛma lɔhɔlɔma mɛlɛkalu ni Saa Bolan ɲakɔlɔ.

Ko Lankɛnɛmayanin 16:19

So ba lɔ ka tala sawa le, ado dɔ jamanalu ya so babalu ka halaki fana. Ala hangili ma bɔ Babilɔn so ba lɔ, mafɔ k'a lamin aa jiyafɛ kɔnɔ gbɛ la, min taanin kɛla aa mɔnɛya ba le.