Lɔmukalu 2:6 - Ala Ya Salatikan Kula Kitabu

⁶ A do kɛtɔ mɔɔ kelenkelenna bɛ salala ka bɛn ai kɛkolu le ma.

Lɔmukalu 2:6 ပူးပေါင်းရင်းမြစ်များ

Matiyu 16:27

Kamasɔlɔn Mɔɔnivin Tanin kɛtɔ nala aa mɛlɛkalu fɛ, a Fa aa magbiliyali lɔ. Wo vɛ kɛla, a kɛtɔ mɔɔ kelenkelenna bɛ salala ka bɛn ai kɛkolu ma.

Lɔmukalu 14:22

Limaniya min y'i bolo ka bɛn ko minu ma, wo yi to ile ni Ala wotɛ. Ni mɔɔ min ka ko dɔ jate koɲuma le, ni wo tii miliya tɛ a kɛlɛla a kɛko lɔ, wo tii ma yi duwawuden ne le.

1 Kolɛntikalu 3:8

Mɔɔ min yi fen sɛnɛna ani min y'a sɔla ji la, wolu kaanyine. Ai kelenkelenna bɛ kɛtɔ ai sala sɔlɔnna ka bɛn aiya baale le ma.

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

2 Kolɛntikalu 11:15

Wo lɔ saa, ni Soitana ya bɔidennu k'ai jɛlɛ kɛ iwo bɔiden telenmandelu, kawananko tɛ wo le. Ado ai laban kɛtɔ bɛnna ai kɛkolu le ma.

2 Kolɛntikalu 5:10

Kamasɔlɔn, fɔ mɔ kelenkelenna bɛ yi mɔ kun labɔ Masa Tɔɔmasenin ɲakɔlɔ kititɛɛya lɔ, fɔsa mɔ na ko ko si kɛla dunuɲa mɔ falikolo lɔ, koɲuma o, koyon o, m'i wo sala sɔlɔn.

2 Timote 4:14

Alɛzandele min yi siyaki le, wo na koyon siyama le kɛla ǹ na. Mɔ Tii do kɛtɔ a salala ka bɛn a kɛko wolu ma.

Ko Lankɛnɛmayanin 2:23

Ado ǹ kɛtɔ a dennu faala. Wo vɛ kɛla, limaniyajamalu bɛ kɛtɔ a lɔnna ko ǹe le yi mɔɔ bɛ josokun ni ai kɔnɔlɔkolu lasaala, ado ǹ kɛtɔ ài kelenkelenna bɛ salala ka bɛn ài kɛkolu le ma.

Ko Lankɛnɛmayanin 20:12

Wo kɛ, ǹ ka fulenilu ye, fandanni ni seetiilu bɛ, ai lɔnin vɛ masayasiifen ɲakɔlɔ. Ado kitabu dɔlu da ka ka. Kitabu dɔgbɛlɛ da ka ka kɔtunun, min tɛɛ niimaya kitabu le. Fulenilu ya kiti ka tɛɛ ka bɛn ai kɛkolu ma, minu sɛvɛnin tɛɛ kitabu wolu kɔnɔ.

Ko Lankɛnɛmayanin 22:12

Isa vɛɛ: «A ye, ǹ natɔ jona, mɔɔ bɛ sala vɛ m̀ bolo, fɔsa ǹ'i mɔɔ kelenkelenna bɛ sala ka bɛn ai kɛkolu ma.