Lɔmukalu 2:5 - Ala Ya Salatikan Kula Kitabu

⁵ Kɛɛ ka bɛn iya josokunja ni i dajoo mafalinbaliya ma, i y'a dɔ le lala iya kolatɔn kɔkan kudein ka bɛn Ala ya mɔnɛya lonba ma, aa kiti telenninu la kɛtɔ nkɛnɛmayala waate min nɔ.

Lɔmukalu 2:5 ပူးပေါင်းရင်းမြစ်များ

Lɔmukalu 1:18

Ala tonin haijɛnɛ ka aa mɔnɛya jiya ka bɛn adamadennu ya julumbu ni koyon bɛ ma, minu yi tuɲa doonna aiya koyonkɛ sabu la.

Lɔmukalu 11:25

M̀ badenmalu, jani ài y'ài jɛlɛ jate hangilima le, ǹ'a fɛ ài yi kɛ gbonoko min kalama: Bani Isilankalu fan kelen kunnɔ vɛ gbeleya, haan fɔɔ siboloma gbɛlɛ mɔɔlu jate dafanin yi don Ala ya masaya lɔ.

Lɔmukalu 9:22

Wo boloɲa kelen ma, a lɔɔ tɛɛ Ala la ka aa mɔnɛya jiya, ani ka aa seetiiya lankɛnɛmaya. Kɛɛ a mɔnɛnin mɔɔ minu kanma, minu lɔbɛnnin tɛɛ halakiko lɔ, a na wolu ya ko minala a ma sawali boloma.

2 Kolɛntikalu 5:10

Kamasɔlɔn, fɔ mɔ kelenkelenna bɛ yi mɔ kun labɔ Masa Tɔɔmasenin ɲakɔlɔ kititɛɛya lɔ, fɔsa mɔ na ko ko si kɛla dunuɲa mɔ falikolo lɔ, koɲuma o, koyon o, m'i wo sala sɔlɔn.

2 Tɛsalonikakalu 1:5

Ado Ala kɛtɔ jangata wo kɛla sabu le ka aa kiti telennin lagbɛ, fɔsa ài yi kɛ mɔɔlu le minu ni aa masaya donko lɔkaannin, ài yi tɔlɔya masɔlɔnna ka bɛn min ma.

Hebululu 3:13

Kɛɛ do, ài yi to i ɲɔɔ sɛmɛdonna lon bɛ, damanda mɔɔ yi se a fɔla «bi», fɔsa julumbu kana ài suu suu manɛɛ k'ài josokun ja.

Hebululu 3:15

A sɛvɛnin kitabu kɔnɔ tan ne, ko: «Ni ài ka Ala kumakan mɛn bi, ài k'ài josokun ja, iwo ài bemanu ka kɛ teme ai mulutu waate lɔ.»

Hebululu 4:7

Wo le n'a kɛla, waate jaan timinnin kɔ, Ala ka lon dɔ latɛɛ kula kɛ k'a fɔ a ma ko: «bi», ka wo lase Masakɛ Dawuda fɛ iwo a sɛvɛnin teme kɔlɔman ne, ko: «Ni ài ka Ala kumakan mɛn bi, ài k'ài josokun ja.»

Janguba 5:3

Soon vɛ àiya sanu ni wɔligbɛlu mina. Soon wo le kɛtɔ sele le ài kanma k'ài falisoo tiɲa iwo taa. Ài vɛ nafololu ladɛn ài jɛlɛ yɛ waate laban min nɔ.

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.

2 Piyɛli 3:7

Kɛɛ m'i sangbolo ni duukolo minu yena yi ne, wolu ladalonin Ala kumakan kelen wo le sabu la, fɔsa ai yi ɲɛnin taa bolo. Ai do ladalotɔle haan fɔɔ kititɛɛlon yi se, Alaɲasiyanɲɛbalilu kɛtɔ halakila lon min na.

Jude 1:6

Ado mɛlɛka minu ma diɲa ka to ai lɔyalu lɔ mafɔ ka bɔ ai makɛya bɛlɛbɛlɛ lɔ, wolu silinin habadan jɔlɔkɔ le le divi fin mainmain nɔ, haan fɔɔ kititɛɛ lonba yi se.

Ko Lankɛnɛmayanin 2:21

M̀'ɛ waate di a ma fɔsa a a dajoo mafalin, kɛɛ do, a ma diɲa ka aa kanukɛko dabila.

Ko Lankɛnɛmayanin 6:17

Kamasɔlɔn aiya mɔnɛ lonba vɛ se, ado jene yi se k'i lɔ wo ɲa?»