Lɔmukalu 2:16 - Ala Ya Salatikan Kula Kitabu

¹⁶ Wo bɛ la kɛtɔ nkɛnɛmayala kititɛɛlon, Ala vɛ adamadennu kɔnɔlɔkolu kiti tɛɛla Masa Tɔɔmasenin Isa sabu la, iwo a fɔnin teme Samakan Kein nɔ, ǹ'i min lasena.

Lɔmukalu 2:16 ပူးပေါင်းရင်းမြစ်များ

Matiyu 16:27

Kamasɔlɔn Mɔɔnivin Tanin kɛtɔ nala aa mɛlɛkalu fɛ, a Fa aa magbiliyali lɔ. Wo vɛ kɛla, a kɛtɔ mɔɔ kelenkelenna bɛ salala ka bɛn ai kɛkolu ma.

Luka 8:17

Ko doonnin suu suu tɛ je, min la tɛnala nkɛnɛmayala, kumatɛ gbonoko ma min tɛnala bɔla gbɛ la.

Yohana 12:48

Ni mɔɔ min k'i ban ǹ nɔ, a do m'a bolo sii ǹ kumakan kɔlɔ, ko yi je min kɛtɔ a kitila, wo le ǹ kumakan ne, ǹ na min fɔla. Wo gbugbu le kɛtɔ a kitila dunuɲa laban lon.

Kɛkolu 10:42

Ado Isa ka mɔ lɔ kawanilila ani ka seleya di ko Ala v'a lasii k'a kɛ kititɛɛba le niima ni fulenilu bɛ kunna.

Kɛkolu 17:31

Kamasɔlɔn lon dɔ latɛɛnin a bolo, a kɛtɔ dunuɲamɔɔlu bɛ ya kiti tɛɛla lon min na telenmandeya boloma aa kɛ́ tanin sabu la. A do na wo lagbɛla bɛ yɛ ka bɛn a lawuliko ma ka bɔ saya lɔ.»

Lɔmukalu 16:25

Tanuli yi Ala yɛ, a see yi min yɛ k'ài lasawati limaniya lɔ iwo ǹ na kawanili kɛla teme ǹa Samakan Kein nɔ ka bɛn Masa Tɔɔmasenin Isa ma. Ala ya gbonoko le wo le, a na min doonna waate timinninu kɔlɔ,

Lɔmukalu 2:5

Kɛɛ ka bɛn iya josokunja ni i dajoo mafalinbaliya ma, i y'a dɔ le lala iya kolatɔn kɔkan kudein ka bɛn Ala ya mɔnɛya lonba ma, aa kiti telenninu la kɛtɔ nkɛnɛmayala waate min nɔ.

Lɔmukalu 3:6

Ɛnɛn dɛ! Ni Ala tɛɛ ma kɛ telenmande le, a tɛɛ se dunuɲa kitila di wo lɔ?

1 Kolɛntikalu 15:1

M̀ badenmalu, ǹ'a fɛ ài y'ài hangili to Samakan Kein nɔ, ǹ na min lasena ài ma, ài n'ài bolo siila min kɔlɔ k'ài bolo kɛ a la kpekpe.

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

2 Kolɛntikalu 5:10

Kamasɔlɔn, fɔ mɔ kelenkelenna bɛ yi mɔ kun labɔ Masa Tɔɔmasenin ɲakɔlɔ kititɛɛya lɔ, fɔsa mɔ na ko ko si kɛla dunuɲa mɔ falikolo lɔ, koɲuma o, koyon o, m'i wo sala sɔlɔn.

Galatiyakalu 1:11

M̀ badenmalu, ǹ'a fɛ ài y'a lɔn ko ǹ na Samakan Kein min lasena ài ma, wo ma bɔ adamaden bolo.

1 Timote 1:11

Kalan min bɛnnin Samakan Kein ne ma, min yi Tanulitii Ala nɔɔlɔ jiyala, a na min kalifala ǹ na.

2 Timote 2:8

I hangili yi to Masa Tɔɔmasenin Isa lɔ, Dawuda bɔzɔn, min lawulinin ka bɔ saya lɔ, iwo ǹ'i Samakan Kein kawanili kɛla teme,

2 Timote 4:1

Ka bɛn Masa Tɔɔmasenin lankɛnɛmayako ni aa masaya ma, ǹ'i jamalila Ala ɲakɔlɔ, ani Masa Tɔɔmasenin Isa min kɛtɔ niimalu ni fulenilu bɛ ya kiti tɛɛla, ǹ ko:

2 Timote 4:8

Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

Hebululu 9:27

A latɛɛnin mɔɔlu ma teme ko ai yi sa siɲa kelen ne dein, wo kɔ, ka taa ai lɔ kititɛɛya lɔ,

1 Piyɛli 4:5

Kɛɛ ai kɛtɔ dandɛɛli kɛla wo yɛ min lɔbɛnnin niimalu ni fulenilu bɛ ya kititɛɛko lɔ.

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.