Lɔmukalu 2:14 - Ala Ya Salatikan Kula Kitabu

¹⁴ Siboloma gbɛlɛ mɔɔ minu ma Nabi Musa ya seliya sɔlɔn, ni wolu dɔlu ka kɛ seliya latelenna ai jɛlɛ yɛ, wo y'a jiya le la ko seliya wo y'ai josokun ne lɔ, hali ni seliya wo ma kɛ ai bolo.

Lɔmukalu 2:14 ပူးပေါင်းရင်းမြစ်များ

Kɛkolu 10:35

Siboloma bɛ lɔ, ni mɔɔ minu ka siyan Ala ɲa ka kotelenninu kɛ, a a bolo siila wolu bɛ le kɔlɔ.

Kɛkolu 14:16

Waate dɔlu vɛ timin, Ala ka siboloma bɛ to je, ai bɛ ka taa ai ta siya kɔkan.

Kɛkolu 17:30

Waate lɔ, Ala ma aiya kolɔnbaliya jate ko le, kɛɛ tandainɔ, a yi mɔɔ bɛ jamalila fan bɛ lɔ ko ai yi tube.

Lɔmukalu 1:32

Mɔɔ wolu k'a lɔn feu ko Ala na ko min latɛɛla telenmandeya bolo le ma ko mɔɔ minu yi ko suu wolu kɛla, wolu ni faali le kaannin. Kɛɛ wo bɛ n'a kɛ, ai yi ko wolu kɛla ka ban ka dɔlu fana sɛmɛdon ko suu wolu kɛko lɔ.

Lɔmukalu 2:12

Wo le y'a ma, mɔɔ minu yi julumbu tala k'a talan ai ma kɛ Nabi Musa ya seliyako kalama, wolu kɛtɔ halakila. Kɛɛ aiya kiti tɛnala tɛɛla ka bɛn seliya wo ma. Mɔɔ minu do yi julumbu tala, k'a talan ai yi seliya wo kalama, wolu ya kiti kɛtɔ tɛɛla ka bɛn seliya wo le ma.

Lɔmukalu 2:15

Ai kɛkolu y'a jiyala ko seliya yi mɔɔ lɔla ko minu la, wolu sɛvɛnin ai josokun ne lɔ. Ai miliya fana kɛnin wo sele le le. Waate dɔlu lɔ, ai miliya y'ai jɛlɛ jobaliyala, ado waate dɔlu lɔ, ai miliya y'ai jɛlɛ jo.

Lɔmukalu 2:27

Wo vɛ kɛla, kɛ́ kɛnɛkɛbali min yi seliya siya lataamana, wo le kɛtɔ ile jobaliyala ka bɛn iya seliya tiɲako ma, k'a talan seliya kitabu i bolo ani i makɛnɛkɛnin.

1 Kolɛntikalu 11:14

Hali dunuɲakolu kɛɲa gbu, wo y'ài lalɔnnila ko ni kɛ́ kunsi ka jaanya, wo y'a lamaloyako le le,

1 Kolɛntikalu 9:21

Wo boloɲa kelen ma, m̀'ɛ kɛla siboloma gbɛlɛ mɔɔlu tɛma, Nabi Musa ya seliya tɛ minu bolo, ǹ'i ǹ jɛlɛ kɛla iwo mɔɔ min tɛ seliya kɔlɔ, fɔsa ǹ'i se ai masɔlɔnna teme. A tɛ k'a fɔ ko ǹ tɛ Ala ya seliya labatola, kamasɔlɔn ǹ'i Masa Tɔɔmasenin ya seliya le kɔlɔ.

Ɛfɛsikalu 2:12

Wo waate lɔ, àilu ni Masa Tɔɔmasenin wotɛ falanyine tɛɛ. Lona le tɛɛ ài le, minu fɛ tɛɛ tɛ Bani Isilankalu la. Ala na ko minu lahedi tala aa mɔɔlu yɛ aa salatikannu lɔ, ài sen tɛɛ tɛ wo dɔ lɔ. Ài tɛɛ ten ne dunuɲa, jeisii foi tɛɛ tɛ ài la, ado Ala tɛɛ tɛ ài fɛ.

Ɛfɛsikalu 2:3

Tuɲa le, mɔ bɛ tɛɛ taamana siya kelen wo le kɔkan kɔlɔman ne, mɔ vɛ kolu kɛla ka bɛn mɔ falikolo niikanukolu ma. Ko min lɔɔ tɛɛ vɛ kɛla mɔ falikolo ni mɔ miliya la, mɔ tɛɛ wo le kɛla. Ka bɛn mɔ dajoo minu ma, mɔ tɛɛ vɛ don Ala ya mɔnɛya kɔlɔ, iwo adamaden tɔlu.

Filipikalu 4:8

Ka ǹa kuma laban m̀ badenmalu, ǹ'a fɛ ài yi kɛ ài milila ko minu ma, wolu le ne: ko minu yi tuɲa le, magbiliyalikolu, kotelenninu, kosɛnɛyaninnu, kokeinnu, kobɛnninu, ani ko minu ni matɔɔli kaannin.