Lɔmukalu 2:13 - Ala Ya Salatikan Kula Kitabu

¹³ Kamasɔlɔn mɔɔ minu yi seliya lamɛnna dein, Ala tɛ wolu jatela telenmande le, mafɔ minu yi seliya latelenna.

Lɔmukalu 2:13 ပူးပေါင်းရင်းမြစ်များ

Luka 18:14

Isa vɛɛ: «Ǹ'a fɔ ài yɛ, niisɔɔnminaba ka taa luu ma, k'a talan Ala v'a jate telenmande le, kɛɛ wo ɲɔɔzii ma kɛ dɔ wo yɛ. Kamasɔlɔn mɔɔ mɔɔ v'a fannɔbuɲala, wo tii ma yi jiile. Kɛɛ ni mɔɔ min k'a fanmajii, wo tii kɔlɔ yi tale.»

Luka 8:21

A do k'ai javi, a vɛɛ: «Mɔɔ mɔɔ vɛ Ala kumakan mɛnna k'a labato, wolu le m̀ ba ni ǹ dɔɔkɛlu le.»

Yohana 13:17

Ni ài ka ko minu lɔn ani k'ai kɛ, ài kɛtɔ duwawuden ne le.

Kɛkolu 13:39

Ado ni mɔɔ minu ka limaniya a ma, wolu bɛ la yi fɛlɛle k'ai bɔ aiya julumbu bɛ ma, k'a talan Nabi Musa ya seliya ma se ài lafɛlɛla.

Lɔmukalu 10:5

Mɔɔ yi se jatela telenmande le seliya fɛ teme, Nabi Musa na ko dɔ sɛvɛla ka bɛn wo ma, a vɛɛ: «Ni mɔɔ min ka jamali minu latelen, wo tii ma kɛtɔ niimaya kɛla ka bɛn wolu le ma.»

Lɔmukalu 2:25

Tuɲa le, nafa yi kɛnɛkɛko la ni i ka seliya latelen. Kɛɛ ni i ka seliya tiɲa, iya kɛnɛkɛnin vɛ kɛ kɛnɛkɛbaliya le.

Lɔmukalu 3:20

Wo le n'a kɛla, mɔɔ mɔɔ tɛnala jatela telenmande le Ala ɲakɔlɔ ka bɛn seliya latelenko ma, kamasɔlɔn julumbu lɔnko yi nala seliya le fɛ.

Lɔmukalu 3:23

kamasɔlɔn bɛ vɛ julumbu ta k'ai fo Ala ya magbiliyali la,

Lɔmukalu 3:30

Komi Ala yi kelen ne le, wo lɔ, a kɛtɔ Jahudiyalu jatela telenmande le limaniya le fɛ, ani siboloma gbɛlɛ mɔɔlu fana.

1 Kolɛntikalu 4:4

Ǹe do josolɔgbɛyine ka bɛn ǹa baale ma, kɛɛ wo bɛ n'a kɛ, wo tɛnala kɛla ǹ joko le. Min yi ǹa kiti tɛɛla, wo le mɔ Tii gbu le.

Galatiyakalu 2:16

Kɛɛ wo bɛ n'a kɛ, mɔ k'a lɔn ne ko mɔɔ tɛ se jatela telenmande le Ala ɲakɔlɔ ka bɛn seliya latelenko ma, kɛɛ wo yi kɛla ka bɛn limaniya le ma Masa Tɔɔmasenin Isa ma. Wo le y'a kɛla, ǹu fana vɛ limaniya Masa Tɔɔmasenin Isa ma, fɔsa m'i kɛ telenmande le Ala ɲakɔlɔ ka bɛn maa limaniya ma, kɛɛ seliya latelenko tɛ. Kamasɔlɔn mɔɔ mɔɔ tɛnala kɛla telenmande le Ala ɲakɔlɔ ka bɛn seliya latelenko ma.

Galatiyakalu 5:4

Àilu minu yi telenmandeya ɲininna ka bɛn seliya latelenko ma, ài vɛ falan Masa Tɔɔmasenin na k'ài fo Ala ya nɛɛma la.

Janguba 1:27

Diina siya min sɛnɛyanin mɔ Fa Ala ɲakɔlɔ, fɛɛ pa tɛ min na, wo le k'i jando failanilu ni kɛsamosolu lɔ aiya tɔlɔya waate lɔ, ani k'i jɛlɛ matanga dunuɲa kokɔsɔnin bɛ ma.

1 Yohana 2:29

Ni ài k'a lɔn ko telenmande le a le, wo lɔ, ài yi la a la ko mɔɔ min yi taamana telenmandeya lɔ, wo tii vɛ sɔlɔn kula kɛ a bolo.

1 Yohana 3:7

Ǹ dennu, ài kà diɲa mɔɔ mɔɔ y'ài lafili. Mɔɔ min yi taamana telenmandeya lɔ, wo tii telenyine iwo Isa gbu telennin teme.