Lɔmukalu 2:12 - Ala Ya Salatikan Kula Kitabu

¹² Wo le y'a ma, mɔɔ minu yi julumbu tala k'a talan ai ma kɛ Nabi Musa ya seliyako kalama, wolu kɛtɔ halakila. Kɛɛ aiya kiti tɛnala tɛɛla ka bɛn seliya wo ma. Mɔɔ minu do yi julumbu tala, k'a talan ai yi seliya wo kalama, wolu ya kiti kɛtɔ tɛɛla ka bɛn seliya wo le ma.

Lɔmukalu 2:12 ပူးပေါင်းရင်းမြစ်များ

Matiyu 11:22

Wo le y'a ma, ǹ'a fɔla ài yɛ, kititɛɛlon, Tilika ni Sidɔnkalu ya kiti kɛtɔ nɔyala ka timin ài ta la.

Matiyu 11:24

Ǹ'a fɔ ài yɛ, kititɛɛlon, Sɔdɔmu mɔɔ yonnu ya kiti kɛtɔ nɔyala ka timin ài ta la.»

Yohana 19:11

Isa k'a javi, a vɛɛ: «See foi tɛ i yɛ ǹ kan, fɔ Ala na min dila i ma. Wo lɔ, mɔɔ min na ǹ donna i bolo, wo ya julumbu buɲanin vɛ i ta le.»

Kɛkolu 2:23

Kɛɛ ka bɛn Ala ya latɛɛ ni lɔnni ma, ài k'a mina k'a don koyonkɛbalu bolo, fɔsa ài y'a gbaan kɔlɔman ma ka faa.

Lɔmukalu 1:32

Mɔɔ wolu k'a lɔn feu ko Ala na ko min latɛɛla telenmandeya bolo le ma ko mɔɔ minu yi ko suu wolu kɛla, wolu ni faali le kaannin. Kɛɛ wo bɛ n'a kɛ, ai yi ko wolu kɛla ka ban ka dɔlu fana sɛmɛdon ko suu wolu kɛko lɔ.

Lɔmukalu 4:15

Kamasɔlɔn seliya yi nala Ala ya mɔnɛya le le, kɛɛ ni seliya ma kɛ je, seliya tiɲako tɛnala kɛla je.

Lɔmukalu 8:3

Ka bɛn mɔ falikolo ya fangandanya ma, Nabi Musa ya seliya tɛɛ ma se ko min kɛla mɔ yɛ, Ala gbu le na wo kɛla. A na a jɛlɛkanu Denkɛ lanala dunuɲa adamaden julumbutɔlu sawula lɔ, fɔsa a tɛɛ julumbu fanga tiɲa ale jɛlɛ falikolo ya salaka le.

1 Kolɛntikalu 9:21

Wo boloɲa kelen ma, m̀'ɛ kɛla siboloma gbɛlɛ mɔɔlu tɛma, Nabi Musa ya seliya tɛ minu bolo, ǹ'i ǹ jɛlɛ kɛla iwo mɔɔ min tɛ seliya kɔlɔ, fɔsa ǹ'i se ai masɔlɔnna teme. A tɛ k'a fɔ ko ǹ tɛ Ala ya seliya labatola, kamasɔlɔn ǹ'i Masa Tɔɔmasenin ya seliya le kɔlɔ.

Galatiyakalu 3:10

Mɔɔ minu bolomalanin seliya latelenko ma, wolu bɛ daanyine. Kamasɔlɔn a sɛvɛnin kitabu kɔnɔ, ko: «Mɔɔ minu tɛ ko bɛ latelenna minu sɛvɛnin seliya kitabu kɔnɔ, wolu bɛ daanyine.»

Galatiyakalu 3:22

Kɛɛ a sɛvɛnin kitabu kɔnɔ ko dunuɲa bɛ yi julumbu ya fanga le kɔlɔ. Wo le y'a ma, Ala na ko min lahedi tala, wo yi dile limaniyamɔɔlu ma ka bɛn aiya limaniya ma Masa Tɔɔmasenin Isa ma.

Janguba 2:10

Ni mɔɔ min ka seliya lakunnin latelen, kɛɛ ni a ka koli a kelenpesa lɔ, wo vɛ kɛla, a vɛ jobaliya a bɛ lɔ.