Lɔmukalu 2:1 - Ala Ya Salatikan Kula Kitabu

¹ Wo lɔ saa, ile adamaden, ni i ka dɔlu kiti, kumanɔbɔ dailu t'i bolo, hali ni i ka kɛ mɔɔ suu suu le. Kamasɔlɔn ni i ka dɔlu kiti, i i jɛlɛ le jobaliyala wo le, kamasɔlɔn ile gbu yi ko suu wolu le kɛla.

Lɔmukalu 2:1 ပူးပေါင်းရင်းမြစ်များ

Luka 12:14

Isa do vɛɛ a yɛ: «Ǹ tɔva, jene na ǹ kɛla àiya kititɛɛba le, niwotɛ àiya kɛɛ lɔtalaba le?»

Luka 19:22

Masakɛ do vɛɛ a yɛ: ‹Ile bɔiden kɛwon! Ǹ kɛtɔ i jobaliyala ka bɛn i jɛlɛkanu dalakan ne ma. I tɛɛ k'a lɔn ǹa ko gbeleyayine, ani ko ǹ'i fen ne tala, m̀ ma min bila je, ani ko ǹ'i malo kalila, m̀ ma min sɛnɛ.

Luka 6:37

«Ài k'ài mɔɔɲɔɔlu ya kiti tɛɛ, fɔsa Ala kana àilu gbu kiti. Ài do k'ài mɔɔɲɔɔlu jobaliya, fɔsa Ala kana àilu gbu jobaliya. Ài y'ài mɔɔɲɔɔlu makoto, Ala fana kɛtɔ àilu gbu makotola.

Lɔmukalu 14:22

Limaniya min y'i bolo ka bɛn ko minu ma, wo yi to ile ni Ala wotɛ. Ni mɔɔ min ka ko dɔ jate koɲuma le, ni wo tii miliya tɛ a kɛlɛla a kɛko lɔ, wo tii ma yi duwawuden ne le.

Lɔmukalu 2:2

Mɔ do k'a lɔn ko Ala jo le ko suu wolu kɛbalu latɔnko le.

Lɔmukalu 2:3

Ile adamaden min yi ko suu wolu kɛbalu kitila k'a talan ile gbu sen yi ko wolu lɔ, jalasa a y'i kɔnɔ ko Ala ya kolatɔn polotɔle i ma?

Lɔmukalu 3:9

A yi di vɛ? Jalasa ǹu Jahudiyalu fisayanin ka timin dɔ mɔɔlu la? Wo tɛ dɛ! M̀'ɛ ban a lagbɛla ko Jahudiyalu ni siboloma gbɛlɛ mɔɔlu bɛ yi julumbu ya fanga le kɔlɔ.

Lɔmukalu 9:20

Kɛɛ ile adamaden, i i jɛlɛ yena mɔɔ mindɛ le k'a fɔ ko i yi Ala sɔsɔ? Jalasa bɔɔdaa yi sene k'a fɔ daaladanba yɛ, a vɛɛ: «Mindɛ lɔ i na ǹ ladanna tan?»

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

1 Kolɛntikalu 7:16

Kamasɔlɔn ile moso, i y'a lɔnna di, ni i yi sene i kɛ́ lakisila? Ile kɛ́, i y'a lɔnna di, ni i yi sene i moso lakisila?

Janguba 2:20

Ile hangilindan! I y'a fɛ a la yi gbɛ i yɛ ko nafa tɛ limaniya la ni a tɛ mɔɔ lɔla kɛko ɲumalu la?

Janguba 4:11

M̀ badenmalu, ài kà kuma yon fɔ i ɲɔɔ ma. Mɔɔ min vɛ kuma yon fɔla a badenma ma niwotɛ ka a kiti, wo tii yi kuma yon fɔla Ala ya seliya le ma ka a kiti. Ni mɔɔ min vɛ seliya kitila, wo tii t'a latelenna, mafɔ k'a jɛlɛ kɛ kititɛɛba le a kunna.