Lɔmukalu 16:25 - Ala Ya Salatikan Kula Kitabu

²⁵ Tanuli yi Ala yɛ, a see yi min yɛ k'ài lasawati limaniya lɔ iwo ǹ na kawanili kɛla teme ǹa Samakan Kein nɔ ka bɛn Masa Tɔɔmasenin Isa ma. Ala ya gbonoko le wo le, a na min doonna waate timinninu kɔlɔ,

Lɔmukalu 16:25 ပူးပေါင်းရင်းမြစ်များ

Matiyu 13:17

Ǹ'i tuɲa fɔ ài yɛ, ài ɲa yi ko minu yena yi ne, kela ni telenmande siyama tɛɛ a fɛ ka wolu ye, kɛɛ ai do ma ai ye. Ài do tolo yi ko minu mɛnna, ai tɛɛ a fɛ ka wolu mɛn, kɛɛ ai do ma ai mɛn.»

Matiyu 13:35

A k'a kɛ ten fɔsa kuma min fɔnin kela bolo, wo ma yi fa teme, ko: «Ǹ kumatɔ sanalu lɔ. Ko minu doonnin ka ta dunuɲa dan waate ma, ǹ kɛtɔ wolu le fɔla.»

Matiyu 20:7

Ai do vɛɛ a yɛ: ‹Mɔɔ ma mɔ ta baaleko lɔ.› Wo lɔ, gbeletii vɛɛ ai yɛ: ‹Àilu fana yi taa baalekɛya lɔ ǹa gbele lɔ.›

Kɛkolu 20:32

«Tandainɔ yi ne, ǹ'ài kalifala Ala le la ani aa nɛɛma kuma, wo min yi se k'ài lasawati ani ka balayi di ài ma, min ladalonin aa mɔɔ lasɛnɛyaninnu yɛ.

Kɛkolu 9:20

A ka taa telemanin ka kawanili damina Jahudiyalu ya Aladalibonnu la, ka to a fɔla ai yɛ ko Isa yi Ala Denkɛ le le.

Lɔmukalu 11:25

M̀ badenmalu, jani ài y'ài jɛlɛ jate hangilima le, ǹ'a fɛ ài yi kɛ gbonoko min kalama: Bani Isilankalu fan kelen kunnɔ vɛ gbeleya, haan fɔɔ siboloma gbɛlɛ mɔɔlu jate dafanin yi don Ala ya masaya lɔ.

Lɔmukalu 14:4

I i jɛlɛ yena mɔɔ suu mindɛ le k'a fɔ ko i yi dɔ ya bɔiden kiti? Ni a lɔnin ka to niwotɛ k'a ben, aa kuntii kunko le wo le. A do lɔnin kɛtɔ tola, kamasɔlɔn a see yi mɔ Tii yɛ k'a lalɔnin to.

Lɔmukalu 2:16

Wo bɛ la kɛtɔ nkɛnɛmayala kititɛɛlon, Ala vɛ adamadennu kɔnɔlɔkolu kiti tɛɛla Masa Tɔɔmasenin Isa sabu la, iwo a fɔnin teme Samakan Kein nɔ, ǹ'i min lasena.

1 Kolɛntikalu 1:23

Kɛɛ Masa Tɔɔmasenin gbaanko kɔlɔman ma, m'i wo le kawanili kɛla. Wo do kɛnin kunnɔtɛɛko le le Jahudiyalu ɲakɔlɔ, ani ka kɛ kofuun ne siboloma gbɛlɛ mɔɔlu ɲakɔlɔ.

1 Kolɛntikalu 2:7

Ǹu do yi Ala ya hangilimaya le lasena, min kɛnin aa gbonoko doonnin ne, a na min latɛɛla jani dunuɲa tɛɛ dan maa magbiliyali sɔlɔnko lɔ.

1 Kolɛntikalu 4:1

Wo le y'a ma, fɔ ài yi mɔ jate Masa Tɔɔmasenin ya bɔidennu le, Ala ya gbonokolu kalifanin minu la.

2 Kolɛntikalu 4:3

Ni do maa Samakan Kein lagbɛnin tɛ mɔɔ minu ɲana, wo vɛ kɛla, a lagbɛnin tɛ halakibatɔlu le ɲana.

2 Kolɛntikalu 4:5

Mɔ tɛ kawanili kɛla ka bɛn mɔ jɛlɛ ma, mafɔ Masa Tɔɔmasenin Isa ya Tiiya. Ado mɔ vɛ mɔ jɛlɛ kɛ àiya jɔn ne ka bɛn Isa ya ko ma.

Galatiyakalu 2:2

Ǹ ka taa je kamasɔlɔn Ala gbu tɛɛ v'a jiya ǹ na ko ǹ'i taa. Ǹ tɛɛ Samakan Kein min lasena siboloma gbɛlɛ mɔɔlu ma, ǹ ka wo dandɛɛli kɛ jama ɲamɔɔlu yɛ ai ta fan, fɔsa ǹ'i baale min na, ani ǹ tɛɛ min na kɔlɔman ne, wo kana kɛ kofuun ne.

Ɛfɛsikalu 1:9

ka mɔ lalɔnni aa kojatesii doonnin na, a tɛɛ vɛ min latɛɛ ka bɛn Masa Tɔɔmasenin ma kɔlɔkɔlɔ le.

Ɛfɛsikalu 3:11

Wo bɛ ka kɛ ka bɛn aa habadan kolatɛɛnin ne ma, a na min mafala mɔ Tii Masa Tɔɔmasenin Isa fɛ.

Ɛfɛsikalu 3:9

Ado Dannimasa Ala tɛɛ vɛ jatesiili min doon ka ta waate jaan timinninu ma, ko ǹ'i gbonoko wo lankɛnɛmaya bɛ yɛ,

Ɛfɛsikalu 6:19

Ài yi Ala dali ǹe fana yɛ, fɔsa m̀'ɛ m̀ wulila kuma kɛko lɔ, Ala yi kuma don ǹ da fɔsa ǹ'i Samakan Kein gbonoko lase josolagbeleya boloma,

Kɔlɔsikalu 2:2

Ǹ'i wo sɛɛ le la fɔsa ai sɛmɛ yi don, ani ai yi bɛn a lɔ kanundeya boloma, ka lɔnni dafanin sɔlɔn hangilimaya boloma fɔsa ai yi Ala ya gbonoko lɔn, min taanin kɛla Masa Tɔɔmasenin gbu le,

Kɔlɔsikalu 4:3

Ài yi Ala dali ǹu fana yɛ, fɔsa Ala yi da laka mɔ yɛ a kumakan lasenko lɔ ka bɛn Masa Tɔɔmasenin ya gbonoko ma. Ǹe do yi kaso le la yi ne ka bɛn wo ma.

1 Tɛsalonikakalu 3:13

Mɔ Tii y'ài joso bama fɔsa ài yi kɛ mɔɔ sɛnɛyanin ni jalakibali le mɔ Fa Ala ɲakɔlɔ, mɔ Tii Isa vɛ nala lon min na aa mumininnu bɛ fɛ.

2 Tɛsalonikakalu 2:14

Ala n'ài kilila wo le lɔ maa Samakan Kein ya kawanili sabu la, fɔsa àilu fana y'ài ta sɔlɔn mɔ Tii Masa Tɔɔmasenin Isa ya magbiliyali lɔ.

2 Tɛsalonikakalu 3:3

Kɛɛ mɔ Tii yi lanande le le, a do kɛtɔ ài lasawatila k'ài matanga Soitana ma.

2 Timote 1:9

min na mɔ lakisila, ka mɔ kili ka mɔ kɛ aa mɔɔ sɛnɛyaninnu le. Wo do ma kɛ ka bɛn mɔ kɛkolu ma, mafɔ a jɛlɛkanu ya kolatɛɛnin ma, ani aa nɛɛma min dinin mɔ ma Masa Tɔɔmasenin Isa ya kafonɲɔɔya lɔ, jani dunuɲa tɛɛ dan.

2 Timote 2:8

I hangili yi to Masa Tɔɔmasenin Isa lɔ, Dawuda bɔzɔn, min lawulinin ka bɔ saya lɔ, iwo ǹ'i Samakan Kein kawanili kɛla teme,

Tite 1:2

fɔsa niimaya banbali jeisii yi kɛ ai bolo, tuɲande Ala na min lahedi tala jani dunuɲa tɛɛ dan.

Hebululu 7:25

Wo le y'a ma, a yi sene mɔɔlu lakisila feu, minu yi timinna ale fɛ k'i madon Ala la, kamasɔlɔn a a nii la kudein k'ai masolonali mina Ala ma.

1 Piyɛli 1:20

Wo la tɛɛ vɛ tɛɛ Masa Tɔɔmasenin ma jani dunuɲa tɛɛ dan, kɛɛ a la vɛ nkɛnɛmaya waate laban min nɔ ka bɛn àilu le ma.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

Ko Lankɛnɛmayanin 10:7

Kɛɛ ni mɛlɛka wolowulanna ka a ta buulu fɛ lon min na, wo vɛ kɛla, Ala kɛtɔ aa gbonoko latɛɛnin kɛla iwo a n'a fɔla teme kelalu yɛ, aa bɔidennu.»