Lɔmukalu 16:19 - Ala Ya Salatikan Kula Kitabu

¹⁹ Kɛɛ àilu koni, bɛ k'a lɔn ài yi Samakan Kein labatola teme. Wo lɔ, ǹ sawanin àiya ko lɔ. Kɛɛ ǹ'a fɛ le ài yi kɛ hangilima le koɲuma lɔ, ani k'ài fɛ bɔ koyon na.

Lɔmukalu 16:19 ပူးပေါင်းရင်းမြစ်များ

Matiyu 10:16

«Ǹ'ài kelayala ka kɛ iwo saa minu bilanin soofalilu tɛma. Wo ma, ài hangili yi sii, iwo sa hangili siinin teme. Ài kɛko ma yi fa, iwo poponi mafanin teme.

Luka 10:3

Ài yi taa vɛ! Ǹ'ài lataala iwo saa denni minu bilanin soofalilu tɛma.

Lɔmukalu 1:8

Ǹ'i balika bɔla ǹ Tii Ala yɛ kunfɔlɔ le bene ài bɛ ya ko lɔ Masa Tɔɔmasenin Isa fɛ, kamasɔlɔn àiya limaniyako la yi sena dunuɲa fan bɛ lɔ.

1 Kolɛntikalu 14:20

M̀ badenmalu, ài hangili kà kɛ iwo dennilu. Koyon ta fannɔ, ài yi kɛ iwo denɲanin, kɛɛ hangilimaya ta fannɔ, ài yi kɛ kɛmɔbalu le.

Ɛfɛsikalu 5:17

Wo ma, ài kà kɛ hangilindan ne, mafɔ ài y'ài lɔja ka mɔ Tii sawo lɔn.

Filipikalu 1:9

Ǹ'i Ala dalila ài yɛ fɔsa àiya ɲɔɔkanu yi to walala lɔnni ni koɲaye dafanin boloma,

Filipikalu 2:15

fɔsa ài yi kɛ mɔɔ sɛnɛyanin ni jalakibali le, ani Ala dennu, fɛɛ tɛ minu la, minu siinin bi mɔɔ filinin ni kɔnɔlɔgbolu tɛma. Ài yi kɛ dunuɲamɔɔlu tɛma iwo lolonilu yi mɛnɛnna teme divi lɔ,

Kɔlɔsikalu 3:16

Masa Tɔɔmasenin kumakan yi sawati ài tɛma boloɲa bɛ ma, ài v'i ɲɔɔ kalanna k'i ɲɔɔ lali hangilimaya bɛ la, ani ka Zabuli kitabu dɔngililu la, ani baiti ni dɔngililu Nii Sɛnɛyanin yi minu dila, ka balika bɔ Ala yɛ ài josokun bɛ le.