Lɔmukalu 16:18 - Ala Ya Salatikan Kula Kitabu

¹⁸ Mɔɔ suu wolu tɛ baalela mɔ Tii Masa Tɔɔmasenin yɛ, mafɔ ai kɔnɔgbolo. Ai do yi kuma madiyanin ne fɔla ka mɔɔlu matɔɔ fuun fɔsa ai yi koɲayebalilu manɛɛ.

Lɔmukalu 16:18 ပူးပေါင်းရင်းမြစ်များ

Matiyu 24:11

Faɲafɔ kela siyama wulitɔ ka mɔɔ siyama lafili.

Matiyu 24:24

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Matiyu 6:24

«Jɔn tɛ se baale kɛla jɔnfa fila yɛ waate kelen nɔ. Ni wo ka kɛ, jɔn kɛtɔ a dɔ lagbeyaɲɛla, k'a dɔ kanu. A do fasatɔ a dɔ ma, k'i ban a dɔ lɔ. Wo lɔ, ài tɛ se kɛla Ala ya jɔn ne k'ài kɛ wɔli fana ya jɔn ne waate kelen nɔ.»

Matiyu 7:15

«Ài y'ài jando ài jɛlɛ lɔ faɲafɔ kelalu ya ko lɔ. Ai y'ai jɛlɛ kɛla iwo saalu ka na ài ma, k'a talan soofali le ai le.

Yohana 12:26

Ni mɔɔ min y'a fɛ ka baale kɛ ǹ yɛ, fɔ wo tii yi bila ǹ kɔ, ado m̀'ɛ kɛla tɛɛminja, ǹa bɔiden fana kɛtɔ je le. Ni mɔɔ min ka baale kɛ ǹ yɛ, ǹ Fa kɛtɔ wo tii buɲala.»

Lɔmukalu 14:18

Mɔɔ min yi baalela Masa Tɔɔmasenin yɛ boloɲa min ma, wo tii ya ko diyayine Ala yɛ. A do yi tanuli sɔlɔnne mɔɔlu bolo.

Lɔmukalu 16:19

Kɛɛ àilu koni, bɛ k'a lɔn ài yi Samakan Kein labatola teme. Wo lɔ, ǹ sawanin àiya ko lɔ. Kɛɛ ǹ'a fɛ le ài yi kɛ hangilima le koɲuma lɔ, ani k'ài fɛ bɔ koyon na.

2 Kolɛntikalu 11:3

Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ.

2 Kolɛntikalu 2:17

Mɔ do kɛnin tɛ iwo dɔ mɔɔ siyama minu yi Ala kumakan kɛla julayafen ne, mafɔ mɔɔ sɔvɛ le mɔ le, minu yi kumala Ala ɲakɔlɔ Masa Tɔɔmasenin ya see lɔ, iwo mɔɔ minu kelanin Ala bolo.

2 Kolɛntikalu 4:2

Ǹu koni v'i ban maloyakolu ma minu yi kɛla divi lɔ. Mɔ do tɛ gbanaya kɛla, kumatɛ ka Ala kumakan jɛlɛma. Mafɔ, m'i tuɲa le fɔla k'a lagbɛ, fɔsa bɛ y'a jate ai jɛlɛ kɔnɔ m'i mɔɔ suu min ne Ala ɲakɔlɔ.

Galatiyakalu 1:10

Jalasa ǹ'i adamadennu ya matɔɔli le ɲininna yi ne, baa Ala ta? Jalasa ǹ'a fɛ ǹa ko yi diya mɔɔlu le yɛ? Ni ǹ tɛɛ a fɛ ǹa ko yi diya mɔɔlu yɛ kɔtunun, ǹ tɛɛ tɛnala kɛla Masa Tɔɔmasenin ya bɔiden ne.

Filipikalu 2:21

Dɔ wolu gbalanin ai jɛlɛkanu nafakolu le le. Ai gbalanin tɛ Masa Tɔɔmasenin Isa ya kolu le.

Filipikalu 3:19

Mɔɔ wolu labantɔ halaki le ma. Aiya noomaya le ai tii le. Ai y'ai jɛlɛ matɔɔla ka bɛn ai lamaloyakolu le ma, ado ai nii lanin dunuɲakolu le kɔkan.

Kɔlɔsikalu 2:4

Ǹ'i min fɔla ài yɛ yi ne fɔsa mɔɔ mɔɔ kana ài majuwaya kuma madiyaninnu le.

Kɔlɔsikalu 3:24

Kamasɔlɔn ài k'a lɔn ne ko mɔ Tii yi balayi minu ladalola a jɛlɛkanu mɔɔlu yɛ, ài kɛtɔ wolu le sɔlɔnna ka kɛ ài sala le. Ài do yi mɔ Tii Masa Tɔɔmasenin Isa ya bɔidenya le la.

2 Tɛsalonikakalu 2:10

ani ka telenbaliya suu bɛ dɔ kɛ ka halakibatɔlu lafili, minu m'ai bolo sii tuɲa kɔlɔ ka tuɲa ladiyaɲɛ min tɛɛ ai lakisi.

1 Timote 6:5

ani kɛlɛ banbalilu mɔɔ hangili tiɲaninnu tɛma, minu dɛsɛnin tuɲa la. Wolu le y'ai milila ko Ala ya siya lataamanko yi nafolo ɲinin siya le le.

Janguba 1:1

Ǹe Janguba min yi Ala ni mɔ Tii Masa Tɔɔmasenin Isa ya jɔn ne, ǹ'i sɛvɛli min lataala Bani Isilanka kabila tan ni fila (12) le ma, minu jɛzɛnnin dunuɲa fan bɛ lɔ. Ǹ'ài fola.

2 Piyɛli 2:3

Kalanmɔɔ wolu kɛtɔ ài tɔɲɔla natabaya boloma aiya faɲafɔ kumalu le. Kɛɛ ka ta waate jaan ma, aiya kiti vɛ ban tɛɛla, ado ai halaki waate kunnɔjaannin tɛ butu.

Jude 1:1

Ǹe Jude, min yi Masa Tɔɔmasenin Isa ya bɔiden ne ani Janguba badenma, ǹ'i lɛtɛlɛ min sɛvɛla mɔ Fa Ala ya mɔɔ kilininnu le ma, a yi minu kanula, ani k'ai ladalo Masa Tɔɔmasenin Isa yɛ.

Jude 1:12

Ài vɛ ài ladɛnna badenmaya boloma feetikɛko lɔ, mɔɔ wolu yi nala tiɲali le le ài tɛma, ai vɛ tolon kɛla ài fɛ malobaliya boloma. Saakunnasiiba le ai le minu gbalanin ai jɛlɛkanu ko le dein, ka saalu to je. Ai do kɛyine iwo sanbiliya minu yi taala fɔɲɛ fɛ, sanji tɛ minu lɔ. Ai kɛyine kɔtunun iwo kɔlɔman minu tɛ ai denna hali ai den waate ka kɛ, ani kɔlɔman minu ju bɔnnin duu lɔ ka sa feu.

Jude 1:16

Faɲafɔ kalanmɔɔ wolu yi kunnɔkumafɔbalu le le, ani wasabali, minu bilanin ai jɛlɛkanu niikanuko yonnu kɔ. Ai do y'ai wasola kuma babalu le le, ka mɔɔlu matɔɔ fuun nafa sɔlɔnko lɔ.

Ko Lankɛnɛmayanin 1:1

Ko minu lankɛnɛmayanin Masa Tɔɔmasenin Isa bolo, wolu le ne. Ala na minu dila a ma, ko a ai jiya aa bɔidennu la ka bɛn ko minu natɔ kɛla jona. Isa na aa mɛlɛka lanala ǹe aa bɔiden Yohana le ma, ka ǹ lalɔnni ko wolu la.