Lɔmukalu 15:8 - Ala Ya Salatikan Kula Kitabu

⁸ Ǹ'a fɔ ài yɛ, Masa Tɔɔmasenin na kɛla Jahudiyalu ya bɔiden ne Ala ya lahedilu dafako le lɔ, a na minu tala ai bemanu yɛ, fɔsa a a jiya ko Ala yi tuɲande le le.

Lɔmukalu 15:8 ပူးပေါင်းရင်းမြစ်များ

Matiyu 15:24

Wo fɔ, Isa k'ai javi, a vɛɛ: «Ǹ kelayanin Bani Isilankalu le ma dein, minu kɛnin iwo saa tununninu.»

Matiyu 20:28

Wo boloɲa kelen ma, Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Yohana 1:11

A ka na a jɛlɛkanu mɔɔlu fɛlɔ, kɛɛ a jɛlɛkanu mɔɔlu ma ai bolo sii a kɔlɔ.

Yohana 10:16

Saa gbɛlɛlu yi m̀ bolo, minu tɛ wɛlɛ min nɔ. Fɔ ǹ'i na wolu fana le. Ai do kɛtɔ ǹ kan mɛnna. Wo vɛ kɛla, ai bɛ kɛtɔ saa kulu kelen ne le, k'ai kɛ saakunnasiiba kelen bolo.

Kɛkolu 13:46

Wo kɛ, Pɔli ni Baanabasi k'ai javi josolagbeleya boloma, ai vɛɛ: «Ala kumakan la tɛɛ ka kan ka se àilu Jahudiyalu le ma kunfɔlɔ le. Komi ài v'i ban a lɔ, ani ka jate ko niimaya banbali bɛnnin tɛ ài ma, wo le n'a mɔ ɲa tiliminna siboloma gbɛlɛlu la.

Lɔmukalu 11:22

M'i Ala ya ɲumaya ni aa faiya le yena ko min nɔ: A faiyayine aa siyabilabalu ma, kɛɛ a yi ɲumaya jiyala àilu le la, ni ài ka to aa ɲumaya kɔ. Niwotɛ, ile gbu kɛtɔ tɛɛla a la wo boloɲa kelen ne ma.

Lɔmukalu 11:30

Waate lɔ, àilu siboloma gbɛlɛ mɔɔlu tɛɛ kolobaliya le kɛla Ala la. Kɛɛ tandainɔ yi ne, àilu vɛ Ala ya henandeya sɔlɔn ka bɛn Jahudiyalu ya kolobaliya ma.

Lɔmukalu 15:16

ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

Lɔmukalu 3:26

A na wo kɛla aa telenmandeya jiyako le lɔ waate min nɔ, ani k'a jiya ko telenmande le a le, a do yi mɔɔlu jatela telenmande le minu limaniyanin Isa ma.

Lɔmukalu 3:3

Kɛɛ ni ai dɔlu ka kɛ lanandeyabali le do? Jalasa wo le kɛtɔ Ala ya lanandeya tiɲala?

Lɔmukalu 4:16

Wo le y'a ma, lahedi wo jusiinin limaniya le kɔkan, fɔsa Ibulahima bɔzɔnnu bɛ yi la a la ko ai y'a sɔlɔnne ka bɛn Ala ya nɛɛma ma. A tɛ seliya latelenbalu ta le dein, mafɔ a yi mɔɔlu le ta le minu limaniyanin Ala ma iwo Ibulahima n'a kɛla teme, min yi mɔ bɛ bema le.

1 Kolɛntikalu 1:12

N'i min fɔla yi ne, wo le min ne: A dɔ vɛɛ ko: «Ǹe yi Pɔli le fɛ.» A dɔgbɛlɛ vɛɛ ko: «Ǹe yi Apolosi le fɛ.» A dɔgbɛlɛ vɛɛ ko: «Ǹe yi Piyɛli le fɛ.» A dɔgbɛlɛ vɛɛ ko: «Ǹe yi Masa Tɔɔmasenin le fɛ.»

1 Kolɛntikalu 10:19

Ǹ'i min fɔla yi ne, jalasa wo kɔlɔ le ko joosɔsoo ni joo wolu yi fen kaalama le le?

1 Kolɛntikalu 10:29

Ǹ kan tɛ àilu gbu josokun ma, mafɔ ale min na kuma wo fɔla ài yɛ. Mindɛ lɔ mɔɔ gbɛlɛ kɛtɔ ǹ lafɛlɛko kiti tɛɛla a ta miliya le?

1 Kolɛntikalu 15:50

M̀ badenmalu, ǹ'i min fɔla yi ne, wo kɔlɔ le ko mɔ falikolo min yi bu ni jeli le, wo tɛ se donna Ala ya masaya lɔ, ado fen tiɲata fɛ tɛ se kɛla fen tiɲabali la.

2 Kolɛntikalu 1:20

Kamasɔlɔn Ala na lahedi suu suu tala, wo bɛ ma yi fala Isa le sabu la. Wo le y'a kɛla, m'a fɔla «amiina» ka bɛn ale le ma, Ala magbiliyako lɔ.

Ɛfɛsikalu 2:12

Wo waate lɔ, àilu ni Masa Tɔɔmasenin wotɛ falanyine tɛɛ. Lona le tɛɛ ài le, minu fɛ tɛɛ tɛ Bani Isilankalu la. Ala na ko minu lahedi tala aa mɔɔlu yɛ aa salatikannu lɔ, ài sen tɛɛ tɛ wo dɔ lɔ. Ài tɛɛ ten ne dunuɲa, jeisii foi tɛɛ tɛ ài la, ado Ala tɛɛ tɛ ài fɛ.