Lɔmukalu 15:7 - Ala Ya Salatikan Kula Kitabu

⁷ Wo lɔ, ài y'ài bolo sii i ɲɔɔ kɔlɔ iwo Masa Tɔɔmasenin n'a bolo siila ài kɔlɔ teme Ala magbiliyako lɔ.

Lɔmukalu 15:7 ပူးပေါင်းရင်းမြစ်များ

Matiyu 10:40

«Ni mɔɔ min k'a bolo sii ài kɔlɔ, wo tii v'a bolo sii ǹe gbu kɔlɔ. Ni do mɔɔ min k'a bolo sii ǹ kɔlɔ, wo tii v'a bolo sii ǹ kelaba fana kɔlɔ.

Malɛkɛ 9:37

«Ni mɔɔ mɔɔ k'a bolo sii denni min ɲɔɔzii kɔlɔ ka bɛn ǹa ko ma, wo tii v'a bolo sii ǹe gbu kɔlɔ. Ni do mɔɔ min k'a bolo sii ǹ kɔlɔ, wo tii m'a bolo sii ǹe kelen kɔlɔ, mafɔ ǹ kelaba fana.»

Luka 15:2

Wo lɔ, Falisilu ni seliya kalanmɔɔlu vɛ kunnɔkumala a ma, ai vɛɛ: «Kɛ́ min y'a bolo siila julumbutɔlu kɔlɔ, ani ka dɔnni kɛ ai fɛ.»

Luka 9:48

k'a fɔ ai yɛ, a vɛɛ: «Ni mɔɔ min k'a bolo sii denni min ɲɔɔzii kɔlɔ ka bɛn ǹa ko ma, wo tii v'a bolo sii ǹe gbu kɔlɔ. Ni mɔɔ min do k'a bolo sii ǹ kɔlɔ, wo tii v'a bolo sii ǹ kelaba fana kɔlɔ. Kamasɔlɔn mɔɔ min v'a jɛlɛ dɔɔyala ài bɛ lɔ, wo tii le buɲanin ài bɛ le.»

Yohana 13:34

Ǹ'i jamali kula le dila ài ma yi ne, ǹ ko, ài ɲɔɔ kanu. Ǹ n'ài kanula teme, fɔ àilu fana y'i ɲɔɔ kanu ten ne.

Yohana 6:37

Ǹ Fa vɛ mɔɔ minu dila m̀ ma, wolu bɛ natɔle m̀ ma. Ni mɔɔ mɔɔ do ka na m̀ ma, ǹ tɛnala wo tii gbɛnna feu.

Lɔmukalu 15:9

A na wo kɛla kɔtunun fɔsa siboloma gbɛlɛ mɔɔlu yi Ala tanu ka bɛn aa henandeya ma, iwo a sɛvɛnin kitabu kɔnɔ teme, ko: «Wo le n'a kɛla, ǹ kɛtɔ i tanula siboloma gbɛlɛ mɔɔlu tɛma, ani ka baiti la i tɔɔ buɲako lɔ.»

Lɔmukalu 5:2

Ka bɛn Isa ma, mɔ fɛ vɛ kɛ nɛɛma min sɔlɔnko la limaniya sabu la, m'i nɛɛma min nɔ yi ne. Ado m'i sawala, kamasɔlɔn mɔ jei siinin Ala ya magbiliyali sɔlɔnko le la.

Ɛfɛsikalu 1:12

fɔsa ǹu minu na Masa Tɔɔmasenin kɛla mɔ jeisii le kunfɔlɔ le, m'i Ala tanu aa magbiliyali lɔ.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Kɔlɔsikalu 3:13

Ài do sɔn yi kun i ɲɔɔ nɔ, k'i ɲɔɔ makoto. Ni a dɔ ka hakɛ ta a dɔ la, ài ɲɔɔ makoto iwo mɔ Tii n'ài makotola teme.