Lɔmukalu 15:26 - Ala Ya Salatikan Kula Kitabu

²⁶ Kamasɔlɔn limaniyajama minu yi Masaduwani ni Akayi koovilu lɔ, wolu n'a latɛɛla sawa boloma ko ai y'ai bolo ladɛn bolokolonnu yɛ Jelusalɛmu mumininnu tɛma.

Lɔmukalu 15:26 ပူးပေါင်းရင်းမြစ်များ

Matiyu 25:40

Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

Matiyu 26:11

Bolokolonnu totɔ ài tɛma waate bɛ, kɛɛ ǹe do tɛnala tola ài tɛma waate bɛ.

Luka 14:13

Kɛɛ ni i do ka feeti dɔnni lɔbɛn, i yi fandannilu kili, ani namalanilu, ani senkelennilu, ani ɲagbɛlu.

Luka 6:20

Isa k'i ɲa kaa a kɔbiladennu lɔ k'a fɔ ai yɛ, a vɛɛ: «Duwawuden ne àilu fandannilu le, kamasɔlɔn ài fɛ yi Ala ya masaya la.

Kɛkolu 16:12

Mɔ ka bɔ je ka taa Lɔmukalu ya so dɔ la, min tɔɔ yi ko Filipi, min yi Maseduwani koovi fan kelen so ba dɔ le. Mɔ ka tele dana kɛ je.

Kɛkolu 16:9

Wo lon su lɔ, Ala ka ko dɔ lajɛlɛ Pɔli ɲa ma. A do ka Maseduwanika kɛ́ dɔ lɔnin ye, wo v'a madiyala, a vɛɛ: «Na i yi mɔ madɛmɛn Maseduwani koovi lɔ.»

Kɛkolu 18:12

Kɛɛ Galiyo tɛɛ Akayi jamanatiiya la waate min nɔ, Jahudiyalu k'ai ladɛn k'i wuli Pɔli kanma. Ai do k'a mina ka taa a le kititɛɛya lɔ.

Kɛkolu 19:21

Ko wolu bɛ timinnin, Pɔli k'a latɛɛ ko a yi Maseduwani ni Akayi koovilu lɔtimin ka taa Jelusalɛmu. A do vɛɛ: «M̀'ɛ sena Jelusalɛmu, wo kɔ, fɔ ǹ'i se Lɔmu fana.»

Kɛkolu 9:13

Ananiya do vɛɛ: «Ɛɛ, ǹ Tii! M̀'ɛ a mɛn mɔɔ siyama da ko kɛ́ min vɛ koyon siyama kɛ iya mumininnu la Jelusalɛmu.

1 Kolɛntikalu 16:15

Ài k'a lɔn ko Sitɛfanasi ya bonnamɔɔlu le na Isa ya siya lataamana kunfɔlɔ le Akayi koovi lɔ, ani k'ai tɛsili mumininnu madɛmɛnko la. Wo lɔ, m̀ badenmalu, ǹ'ài madiyala,

1 Kolɛntikalu 16:5

M̀'ɛ banna Masaduwani koovi lɔtiminna, ǹ kɛtɔ nala ka bɔ ài ma, kamasɔlɔn ǹ'a fɛ ǹ'i Masaduwani le lɔtimin kunfɔlɔ le.

2 Kolɛntikalu 1:16

Ǹ tɛɛ taala Masaduwani koovi lɔ waate min nɔ, a lɔɔ tɛɛ ǹ na ka taa bɔ ài ma, ka ban ka bɔ Masaduwani ka na ài fɛlɔ kɔtunun. Ni wo tɛɛ ka kɛ, ài tɛɛ sene ka m̀ makolaɲiafen di m̀ ma ka ǹ lase Jude koovi lɔ.

2 Kolɛntikalu 11:9

Ǹ tɛɛ ài fɛlɔ waate min nɔ, m̀ mako tɛɛ fen na, wo bɛ n'a kɛ, m̀ ma kɛ mɔɔ kundoni ne. Kamasɔlɔn mɔ badenma minu ka na m̀ ma ka bɔ Masaduwani, wolu le ka m̀ makolu laɲia. Wo ma, m̀ ma diɲa ka ǹ doni sii ài kun boloɲa suu suu ma. A do kɛtɔ ten ne kɔtunun.

2 Kolɛntikalu 2:13

Kɛɛ ǹ josolajiinin tɛɛ tɛ, kamasɔlɔn m̀ ma m̀ badenma Tite talan je. Wo lɔ, ǹ k'ai diɲa ɲinin ka bɔ je ka taa se Masaduwani koovi lɔ.

2 Kolɛntikalu 7:5

Kamasɔlɔn ka ta mɔ senin vɛ Masaduwani, mɔ ma laha ba bene, mafɔ mɔ na gbalo le sɔlɔnna fan bɛ lɔ. Mɔɔlu tɛɛ mɔ sɔsɔla, ado siyan tɛɛ mɔ josokun nɔ.

2 Kolɛntikalu 9:12

Kamasɔlɔn ài yi baale min kɛla niilifen wolu le, wo tɛnala danna mumininnu mako laɲiako la dein, mafɔ a kɛtɔ sabu le le mɔɔ siyama kɛtɔ balika bɔla Ala yɛ kosɛvɛ.

2 Kolɛntikalu 9:2

Kamasɔlɔn ǹ k'a lɔn wo miliya ɲuma le ài la, ado ǹ'ài matɔɔla Masaduwanikalu ɲakɔlɔ ka bɛn wo ma. Ǹ n'a fɔla ai yɛ, ǹ ko, ka ta salon ma, àilu Akayikalu vɛ ài lɔbɛn madɛmɛliko wo lɔ. Ài sɔnjanin ko wo le teme, wo vɛ mɔɔ siyama lɔsun madɛmɛliko lɔ.

2 Kolɛntikalu 9:4

Niwotɛ, ni mɔɔ dɔlu ka na ǹ fɛ ka bɔ Masaduwani k'a ye ko ài lɔbɛnnin tɛ, m'i maloyale, kumatɛ àilu ma, kamasɔlɔn mɔ layine ài la kosɛvɛ.

Filipikalu 4:15

Àilu Filipikalu gbu k'a lɔn ne ko ka ta ǹ ka Samakan Kein lase damina m̀ bɔ waate lɔ Masaduwani koovi lɔ, ka bɔ àilu kelenpesa kɔ, limaniyajama dɔgbɛlɛ ma kafon ǹ kɔkan ka ǹa baale nafa sɔlɔn, ani ka m̀ madɛmɛn ai bolofen ne.

1 Tɛsalonikakalu 1:7

Wo boloɲa ma, ài vɛ kɛ misali le limaniyamɔɔlu bɛ yɛ, minu siinin Masaduwani ni Akayi koovi lɔ.

1 Tɛsalonikakalu 1:8

Ài do vɛ kɛ sabu le, mɔ Tii kumakan vɛ jɛzɛn Masaduwani ni Akayi fan bɛ lɔ. Kɛɛ a do ma dan dingila wolu ma dein. Ài limaniyanin Ala ma teme, wo mangan vɛ jɛzɛn fan bɛ lɔ, ado mɔ mako tɛ wo fɔko la butu.

1 Tɛsalonikakalu 4:10

Tuɲa le, ài yi wo le kɛla ài badenmalu bɛ yɛ Masaduwani koovi fan bɛ lɔ. Kɛɛ m'a fɔla ài yɛ k'a magbeleya ko ài y'a dɔ la kanundeya wo kɔkan kudein.

1 Timote 1:3

Iwo ǹ n'a fɔla i yɛ k'a magbeleya teme ǹ taa waate Masaduwani koovi lɔ, fɔ i yi to Ɛfɛsi so kɔnɔ fɔsa i yi mɔɔ dɔlu jamali k'a fɔ ko ai yi faɲafɔ kalanko dabila.

Filemɔn 1:5

kamasɔlɔn ǹ'iya kanundeya mangutu mɛnna mumininnu bɛ yɛ, ani iya limaniya mɔ Tii Isa ma.