Lɔmukalu 15:18 - Ala Ya Salatikan Kula Kitabu

¹⁸ Ado ǹ tɛnala m̀ wakalila ka ko ko fɔ, mafɔ Masa Tɔɔmasenin na minu kɛla ǹ nɔ ka siboloma gbɛlɛ mɔɔlu kolo Ala yɛ ǹ kumakan ni ǹ kɛkolu fɛ,

Lɔmukalu 15:18 ပူးပေါင်းရင်းမြစ်များ

Matiyu 25:16

Bɔiden min ka sanu gbana kɛmɛ loolu (500) sɔlɔn, wo vɛ taala k'a lɔjulaya telemanin. A do ka kɛmɛ loolu gbɛlɛ (500) sɔlɔn a tɔnɔ le.

Malɛkɛ 16:20

Keladennu ka bɔ je ka taa Samakan Kein lase fan bɛ lɔ. Mɔ Kuntii k'ai madɛmɛn baale wo la, ka kawananko see di ai ma, k'a jiya ko kuma wo yi tuɲa le le.

Kɛkolu 14:27

Ai senin Antiyɔsi, ai ka limaniyajama ladɛn ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ, ani a na limaniya siya lakala teme siboloma gbɛlɛ mɔɔlu yɛ.

Kɛkolu 15:12

Jama bɛ jedennin ka to k'ai tolomalɔ Baanabasi ni Pɔli la, wolu vɛ dandɛɛli kɛla ka bɛn tɔɔmase ni kawanankolu ma, Ala na minu kɛla ai fɛ siboloma gbɛlɛ mɔɔlu tɛma.

Kɛkolu 15:4

Ai ka se mingɛ Jelusalɛmu, limaniyajama ni keladennu ni ɲamɔɔlu k'ai bolo sii ai kɔlɔ. Pɔli nu do ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ.

Kɛkolu 21:19

Pɔli k'ai fo ka dandɛɛli kɛ ai yɛ ka bɛn ko bɛ ma, Ala tɛɛ vɛ minu kɛ siboloma gbɛlɛ mɔɔlu tɛma ka bɛn aa baale ma.

Kɛkolu 26:20

Ǹ ka Damasekalu le kawani kunfɔlɔ le, wo kɔ, Jelusalɛmu ni Jude koovi bɛ, ani siboloma gbɛlɛlu. Ǹ ko ai bɛ y'ai dajoo mafalin k'ai fannɔsei Ala ma, k'ai kɛkolu kɛ minu bɛnnin ai dajoo mafalinko ma.

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

Lɔmukalu 16:26

kɛɛ a vɛ bɔ gbɛ la yi ne kelalu ya kitabulu fɛ. Ado ka bɛn Habadan Ala ya jamali ma, gbonoko min vɛ lɔn siboloma bɛ bolo, fɔsa ai yi kolo a yɛ limaniya boloma.

Lɔmukalu 6:17

M'i balika bɔla Ala yɛ, kamasɔlɔn àilu minu tɛɛ julumbu ya jɔn ne kɔlɔman ne, ài vɛ kalan min latelen ài josokun bɛ la, min dinin ai ma.

2 Kolɛntikalu 11:31

Ala min yi mɔ Tii Isa Fa le, tanuli yi min yɛ kudein, ale le k'a lɔn ko ǹ tɛ faɲa fɔla.

2 Kolɛntikalu 12:6

Hali ni ǹ tɛɛ ka kɛ a fɛ ka ǹ jɛlɛ matɔɔ, ǹ tɛɛ tɛnala kɛla hangilindan ne, kamasɔlɔn ǹ tɛɛ nala kɛla tuɲafɔba le le. Kɛɛ m̀'ɛ m̀ ban wo kɛko ma, fɔsa mɔɔ suu suu kana ǹ jate mɔɔ gbɛlɛ le, ni a tɛ min yena ǹ na ani ka min mɛn ǹ da.

2 Kolɛntikalu 3:5

A tɛ k'a fɔ ko a see yi mɔ yɛ ka baale suu wo kɛ mɔ jɛlɛ yɛ, kɛɛ maa see bɛ yi bɔla Ala le lɔ.

2 Kolɛntikalu 6:1

Komi Ala baalekɛɲɔɔ le mɔ le, wo lɔ, m'a fɔla ài yɛ k'a magbeleya ko ài na nɛɛma min sɔlɔnna Ala bolo, ài kà diɲa wo yi kɛ kofuun ne.

Galatiyakalu 2:8

Kamasɔlɔn Ala min na Piyɛli kɛla keladen ne Jahudiyalu tɛma, ale Ala kelen ne na ǹe fana kɛla keladen ne siboloma gbɛlɛ mɔɔlu tɛma.

Kɔlɔsikalu 3:17

Ài vɛ ko ko si kɛla, ani ài vɛ kuma suu suu fɔla, ài yi wo bɛ kɛ mɔ Tii Isa tɔɔ lɔ ka balika bɔ mɔ Fa Ala yɛ ale Isa fɛ.

2 Tɛsalonikakalu 2:17

wolu y'ài josolajii, ka see di ài ma koɲuma suu bɛ dɔ kɛko lɔ, ài kɛkolu ni ài kumakannu lɔ.

Hebululu 11:8

Nabi Ibulahima ya limaniya le na kɛla sabu le, Ala k'a kili waate min nɔ ko a yi taa jamana dɔ lɔ min natɔ kɛla a kɛɛ le kɔfɛ, a ka Ala kumakan labato. A do ka siya mina ka taa, k'a talan a tɛɛ ma a taaya lɔn.

Hebululu 5:9

Aa ko da ka fa mingɛ boloɲa min ma, a ka kɛ habadan kisiko sabu le a kannabatobalu bɛ yɛ,

Janguba 1:22

Ài yi kɛ Ala kumakan labatobalu le. Ài do kà kɛ a lamɛnba le dein, k'ài jɛlɛ lafili wo le.

1 Yohana 3:18

Ǹ dennu, maa ɲɔɔkanuko kà dan dalɔkuma ma dein. Fɔ a yi kɛ kanundeya bɛlɛbɛlɛ le le, min yi lɔnna mɔ kɛkolu fɛ.

Jude 1:9

Hali mɛlɛka kuntiiba Mingailu gbu m'a wakali ka Soitana jobaliya lafeyalikan ne, ai tɛɛ i ɲɔɔ sɔsɔla waate min nɔ ka bɛn Nabi Musa fuleni ya ko ma, mafɔ a vɛɛ: «Ǹ Tii i latɔn!»