Lɔmukalu 15:16 - Ala Ya Salatikan Kula Kitabu

¹⁶ ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

Lɔmukalu 15:16 ပူးပေါင်းရင်းမြစ်များ

Kɛkolu 13:2

Lon dɔ, ai ka to mɔ Tii batola, ai vɛ sun nɔ, Nii Sɛnɛyanin ka kuma ai yɛ, a vɛɛ: «Ài yi Baanabasi ni Sawuli bila ai ta fan ǹa baalekɛko lɔ, ǹ n'ai kilila min kanma.»

Kɛkolu 20:24

Wo bɛ n'a kɛ, ǹ tɛ ǹ nunakili kulugbeleyala, a tɛ ǹ ɲana ko le. Kɛɛ min hamin yi ǹ na, wo le ǹ'i ǹa baale dafa, mɔ Tii Isa na min kalifala ǹ na. Wo le ka Samakan Kein lase ka bɛn Ala ya nɛɛma ma.

Kɛkolu 20:32

«Tandainɔ yi ne, ǹ'ài kalifala Ala le la ani aa nɛɛma kuma, wo min yi se k'ài lasawati ani ka balayi di ài ma, min ladalonin aa mɔɔ lasɛnɛyaninnu yɛ.

Kɛkolu 22:21

A do vɛɛ ǹ yɛ: ‹Taa vɛ! Ǹ kɛtɔ i lataala dingila majaan nɔ siboloma gbɛlɛ mɔɔlu fɛlɔ.› »

Kɛkolu 9:15

Kɛɛ mɔ Tii k'a javi, a vɛɛ: «Taa vɛ! Kamasɔlɔn m̀'ɛ kɛ́ wo ta k'a kɛ ǹa bɔiden ne, fɔsa a yi siboloma gbɛlɛlu lalɔnni ǹ tɔɔ la, ani masakɛlu ni Bani Isilankalu.

Lɔmukalu 1:1

Ǹe Pɔli, Masa Tɔɔmasenin Isa ya jɔn ne yi lɛtɛlɛ min sɛvɛla, ǹe min kilinin ka ǹ kɛ keladen ne, ani ka m̀ bila ǹ ta fan Ala ya Samakan Kein yɛ.

Lɔmukalu 11:13

Ǹ'i kumala àilu siboloma gbɛlɛ mɔɔlu le yɛ butu. Komi Ala na ǹ kɛla keladen ne siboloma gbɛlɛ mɔɔlu yɛ, wo le n'a kɛla, ǹ ɲalɔkɛnɛyayine ǹa baaleko lɔ,

Lɔmukalu 15:18

Ado ǹ tɛnala m̀ wakalila ka ko ko fɔ, mafɔ Masa Tɔɔmasenin na minu kɛla ǹ nɔ ka siboloma gbɛlɛ mɔɔlu kolo Ala yɛ ǹ kumakan ni ǹ kɛkolu fɛ,

Lɔmukalu 15:19

ani kawananko ni tɔɔmaselu, ani Nii Sɛnɛyanin ya foniseleya. Wo boloɲa ma, ka damina Jelusalɛmu ma ka taa sii Ilailikun koovi la, m̀'ɛ ǹa baale dafa ka Masa Tɔɔmasenin ya Samakan Kein lase fan wo bɛ lɔ.

Lɔmukalu 15:20

Masa Tɔɔmasenin tɔɔ ma fɔ dingila minu lɔ, a lɔɔ yi ǹ na waate bɛ ka Samakan Kein lase dingila wolu lɔ, jani ǹ'i bon lɔ mɔɔ gbɛlɛ ya bonjusii kɔkan.

Lɔmukalu 15:29

M̀'ɛ nala ài ma, ǹ k'a lɔn ko ǹ kɛtɔ nala Masa Tɔɔmasenin ya duwawu dafanin ne lɔ.

Lɔmukalu 5:5

Jeisii wo tɛnala maloya lasena mɔ ma, kamasɔlɔn mɔ josola vɛ fa Ala ya kanundeya la Nii Sɛnɛyanin sabu la, a na min dila mɔ ma.

1 Kolɛntikalu 3:5

Apolosi yi jene le? Pɔli yi jene le? Bɔiden ne mɔ le, minu kɛnin sabu le ài limaniyanin. Mɔ Tii na ke minu dila ǹu mɔɔ fila ma, m'i wo le la yi ne.

1 Kolɛntikalu 4:1

Wo le y'a ma, fɔ ài yi mɔ jate Masa Tɔɔmasenin ya bɔidennu le, Ala ya gbonokolu kalifanin minu la.

1 Kolɛntikalu 6:19

Ài m'a lɔn ko ài falikolo kɛnin Nii Sɛnɛyanin ya lɔhɔlɔmabon ne le? Nii Sɛnɛyanin min y'ài josokun nɔ, ài na wo sɔlɔnna Ala le fɛ. Ài do tɛ ài jɛlɛ ta le.

2 Kolɛntikalu 11:23

Jalasa ai y'a fɔla ai jɛlɛ ma ko Masa Tɔɔmasenin ya bɔiden? Ǹe vɛ wo le ka timin ai la feu! Ǹe do yi kumala iwo fatɔ. M̀'ɛ baale ka timin ai la. M̀'ɛ kasolabila kɛ ka timin ai la. Ai vɛ m̀ gbasi gbusan na ka timin ai la. Saya ma vɛ sulunya ǹ na siɲa siyama le.

2 Kolɛntikalu 5:20

Ǹu le taanin kɛla Masa Tɔɔmasenin ɲa le, ka kɛ iwo Ala yi ǹu le labaalela mɔɔlu kiliko lɔ. M'ài madiyala Masa Tɔɔmasenin tɔɔ lɔ, mɔ vɛɛ: «Àilu ni Ala wotɛ yi bɛn!»

2 Kolɛntikalu 8:5

Ado mɔ jii tɛɛ min ma, ai n'a kɛla ka timin wo la. Ai do n'ai jɛlɛ dila mɔ Tii ma kunfɔlɔ le, k'ai jɛlɛ di ǹu fana ma ka bɛn Ala sawo ma.

Galatiyakalu 3:5

Ala min yi Nii Sɛnɛyanin dila ài ma ka kawanankolu labaale ài tɛma, jalasa a yi wo kɛla ka bɛn àiya seliya latelenko le ma, baa ài na Samakan Kein le mɛnna ka limaniya a ma?

Ɛfɛsikalu 2:18

Kamasɔlɔn Isa sabu la, ǹu mɔɔ suu fila bɛ yi sena mɔ madonna mɔ Fa Ala la ka bɛn Nii Sɛnɛyanin kelen wo le ma.

Ɛfɛsikalu 2:22

Isa ya kafonɲɔɔya lɔ, Ala y'àilu fana tuuntuunna bon wo la ten ne, ka kɛ a jɛlɛkanu makɛya le Nii Sɛnɛyanin sabu la.

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

Filipikalu 2:17

Ài limaniyanin teme Ala ma k'àiya ko bɛ di a ma, wo kɛyine iwo salaka min la yi sena Ala ma. Tumadɔ fɔ ǹe gbu jeli yi bɔn àiya salaka kɔkan, iwo fen min yi niila. Wo vɛ kɛla, ǹ kɔnɔ kɛtɔ diyala, ado ǹ'i sawale ài fɛ.

Filipikalu 4:18

Ài na fen fen si lanala m̀ ma, ǹ na wo bɛ le yena. Ài na samalifen min donna Ɛpafolodite bolo, wo le na ǹ ɲɛnɛla ka m̀ mako laɲia bubale. Wo kɛyine iwo salaka min suma diyanin, Ala a bolo siila a ladiyanan salaka suu min kɔlɔ.

1 Tɛsalonikakalu 2:2

Ài do k'a lɔn ne mɔ na tɔlɔya ni jɛvɛli masɔlɔnna teme Filipi so kɔnɔ jani mɔ tɛɛ se ài fɛlɔ. Hali mɔɔ siyama tɛɛ v'i wuli mɔ kanma, mɔ Tii Ala na mɔ josolagbeleyala ka aa Samakan Kein lase ài ma.

1 Tɛsalonikakalu 2:9

Mɔ badenmalu, ǹ layine a la ài hangili toyine maa baale ni maa sɛyɛ lɔ, mɔ tɛɛ min na su ni tele, alako mɔ kana kɛ doni le ài dɔ kun, mɔ tɛɛ Ala ya Samakan Kein lasena ài ma waate min nɔ.

1 Tɛsalonikakalu 5:23

Ala gbu min yi josolajii dila, wo y'ài kɛ mɔɔ sɛnɛyanin ne boloɲa bɛ ma. Ala yi ài nunakili ni ài josokun ni ài falikolo bɛ matanga, fɔsa ài yi kɛ jalakibali le mɔ Tii Masa Tɔɔmasenin Isa nalon.

1 Timote 1:11

Kalan min bɛnnin Samakan Kein ne ma, min yi Tanulitii Ala nɔɔlɔ jiyala, a na min kalifala ǹ na.

1 Timote 2:7

Wo le n'a kɛla, Ala na m̀ bilala aa keladenya la ka ǹ kɛ kawanilikɛba le, ko ǹ'i siboloma gbɛlɛ mɔɔlu kalan ka bɛn limaniya ni tuɲandeya ma. Ǹ'i tuɲa le fɔla, ǹ tɛ faɲa fɔla.

2 Timote 1:11

Ala na ǹ lɔla ka ǹ kɛ Samakan Kein min kawanilikɛba le le, ani keladen, ani kalanmɔɔ.

Hebululu 13:16

Ài do kà ɲina koɲumakɛko lɔ, ani ka sɔniya i ɲɔɔ yɛ, kamasɔlɔn salaka suu wolu le diyanin Ala yɛ.

1 Piyɛli 1:12

A do la ka nkɛnɛmaya ai yɛ k'a fɔ ko ai tɛɛ tɛ kelaya kɛla ai jɛlɛ yɛ, mafɔ àilu. Wo lɔ saa, kelalu tɛɛ kumala ka bɛn ko minu ma, àilu gbu vɛ wo ɲɔɔzii le mɛn yi ne Samakan Kein lasenbalu da, minu tɛɛ kawanili kɛla ài yɛ Nii Sɛnɛyanin sabu la, min lajiinin ka bɔ haijɛnɛ. A lɔɔ yi mɛlɛkalu gbu la ka ko wolu ɲaye.

1 Piyɛli 2:5

Àilu fana kɛyine iwo kawakulun niimalu, Ala yi minu siisiila i ɲɔɔ kɔkan k'a kɛ a ta bon ne, ani Nii Sɛnɛyanin makɛya. Ala ya bon wo kɔnɔ, ài kɛtɔ kɛla salakalaseba sɛnɛyanin ne le, fɔsa ài yi kɛ Ala ladiyanan salakalu lasena a ma ka bɔ ài josokun nɔ Masa Tɔɔmasenin Isa sabu la.