Lɔmukalu 15:15 - Ala Ya Salatikan Kula Kitabu

¹⁵ Wo bɛ n'a kɛ, m̀'ɛ ko dɔ sɛvɛ ài ma wakali boloma ài hangili bilako lɔ ka bɛn nɛɛma ma, Ala na min dila m̀ ma,

Lɔmukalu 15:15 ပူးပေါင်းရင်းမြစ်များ

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

Lɔmukalu 12:3

Ka bɛn Ala ya nɛɛma ma min dinin m̀ ma, ǹ'a fɔla ài kelenkelenna bɛ yɛ, ǹ ko, ài k'ài jɛlɛ jate mɔɔ le ài tɛ min ne. Mafɔ, ài yi mili ài jɛlɛ ma hangilimaya boloma ka bɛn limaniya jate ma min dinin ài ma Ala bolo.

Lɔmukalu 12:6

Komi senko suu bɛ dɔ yi mɔ kelenkelenna bɛ bolo min dinin ka bɛn Ala ya nɛɛma ma, wo lɔ, ài m'i wolu labaale. Ni a dɔ ta senko ka kɛ kelayakuma lasenko le, fɔ wo tii yi kelaya le kɛ ka bɛn aa limaniya jate ma.

1 Kolɛntikalu 15:10

Kɛɛ ǹ'i min ne bi, ǹ kɛnin wo le ka bɛn Ala ya nɛɛma le ma. Ado aa nɛɛma min dinin m̀ ma, wo ma kɛ kofuun ne. Tuɲa le, ǹ na baale kɛla ka timin keladen tɔ bɛ la. Wo do tɛ ǹe gbu senko le, mafɔ Ala ya nɛɛma min kɛnin ǹ yɛ.

1 Kolɛntikalu 3:10

Ka bɛn Ala ya nɛɛma ma min dinin m̀ ma, ǹ na bon jusiila iwo bonlɔba ɲuma. Ado mɔɔ gbɛlɛ le yi bonlɔ kɛla bonjusii wo kɔkan. Kɛɛ fɔ mɔɔ kelenkelenna bɛ y'a jando aa bonlɔɲa lɔ.

Galatiyakalu 2:9

Janguba ni Piyɛli ni Yohana, ai tɛɛ minu yena ɲamɔɔ balu le koni, wolu k'a ɲaye ko Ala le na ǹ kilila keladenya kanma aa nɛɛma lɔ. Wo le k'a kɛ, ai k'ai bolo la ǹe ni Baanabasi tɛɛ la, k'a jiya ko mɔ bɛ yi baalekɛɲɔɔma le le. Mɔ do ka bɛn a ma ko m'i taa siboloma gbɛlɛlu fɛlɔ, ailu yi taa Jahudiyalu fɛlɔ.

1 Timote 4:6

Ni i ka ko minu lase mɔ badenmalu ma, i kɛtɔ kɛla Masa Tɔɔmasenin Isa ya bɔiden ɲuma le le, k'a jiya ko i balonin limaniya kuma ni kalan bɛlɛlu le la, i bilanin minu kɔ.

2 Timote 1:6

Wo le y'a kɛla, ǹ'i hangili bilala k'a fɔ ko i yi Ala ya senko labaale a ɲa gbugbu ma, i na min sɔlɔnna ǹa bololankan sabu la.

2 Timote 2:14

Iya mɔɔlu hangili bila k'a magbeleya Ala ɲakɔlɔ ko ai kà sɔsɔyali kɛ ka bɛn kumalu kɔlɔ ma. Sɔsɔyali wo suulu tɛ foi ɲiala, mafɔ ka fitina lana a lamɛnbalu ma.

Tite 3:1

I iya mɔɔlu hangili bila ko ai y'ai fanmajii kuntiilu ni fangatiilu yɛ, k'ai kumakan labato, ani k'ai lɔbɛn koɲumakɛko lɔ waate bɛ.

Hebululu 13:22

M̀ badenmalu, ǹ'ài madiyala, ài y'ài bolo sii ài sɛmɛdon kuma minu kɔlɔ, kamasɔlɔn ǹ na kuma dana le sɛvɛla ài ma dein.

1 Piyɛli 5:12

Silasi, ǹ'i min jatela m̀ badenma lanande le, wo vɛ m̀ madɛmɛn lɛtɛlɛ kulunni min sɛvɛko lɔ, fɔsa ǹ'a magbeleya ài yɛ ani ka ǹa seleya di ko Ala ya nɛɛma bɛlɛbɛlɛ le min ne, ài bolo kɛnin min na kpekpe.

2 Piyɛli 3:15

Ài yi mɔ Tii ya sawali jate àiya kisiko le, iwo mɔ diyanan badenma Pɔli n'a sɛvɛla ài ma teme ka bɛn hangilimaya ma min dinin a ma.

1 Yohana 5:13

Ǹ'i ko minu sɛvɛla ài ma, àilu minu limaniyanin Ala Denkɛ tɔɔ ma, fɔsa ài y'a lɔn ko niimaya banbali y'ài bolo.