Lɔmukalu 15:14 - Ala Ya Salatikan Kula Kitabu

¹⁴ M̀ badenmalu, ǹe gbu layine a la ko àiya ɲumaya dafayine, ani àiya lɔnni walayine, ani a see y'ài yɛ k'i ɲɔɔ lali.

Lɔmukalu 15:14 ပူးပေါင်းရင်းမြစ်များ

1 Kolɛntikalu 1:5

Ka bɛn ale le ma, ài vɛ sawati boloɲa suu bɛ ma, kumafɔɲa see ni lɔnni bɛ lɔ.

1 Kolɛntikalu 12:8

Nii Sɛnɛyanin yi see dila dɔ ma ka kuma hangilimaya boloma, ka see di a dɔgbɛlɛ ma ka kuma lɔnni boloma.

1 Kolɛntikalu 13:2

Hali ni ǹ ka kelayakɛ see sɔlɔn ka gbonoko bɛ ɲaye ani ka lɔnni bɛ sɔlɔn, hali ni ǹa limaniya ka wala haan fɔɔ ka ǹ se tinilu bɔla ai nɔlu lɔ, ni kanundeya ma kɛ ǹ josokun nɔ, ǹ tɛ foi le.

1 Kolɛntikalu 8:1

Ài na ɲiningali min kɛla ǹ na ka bɛn joosɔsoo dɔnko ma, ài m'i ɲa kaa wo lɔ vɛ. Mɔ k'a lɔn ne ko lɔnni yi mɔ bɛ fɛ ka bɛn ko min ma. Kɛɛ do, lɔnni wo suu yi mɔɔ fannɔbuɲala, k'a talan kanundeya le yi dɔlu lasawatila.

1 Kolɛntikalu 8:10

Lɔnni ile min bolo limaniya lɔ, ni i limaniyaɲɔɔ fangandan dɔ k'i ye dɔnnila joobatobon na, jalasa wo tii josola tɛnala gbeleyala joosɔsoo dɔnko lɔ?

1 Kolɛntikalu 8:7

Kɛɛ lɔnni wo tɛ bɛ bolo. Mɔɔ minu deinin tɛɛ joosɔko la, hali bi ni ai ka soo dɔn waate o waate, ai y'a jatela joosɔsoo le le. Komi fanga tɛ ai josokun nɔ, ai y'ai milila ko a vɛ ai lakɔsɔ.

2 Kolɛntikalu 8:7

Ài dafanin ko minu bɛ le lɔ: limaniya, kumafɔ, lɔnni, sɛmɛdon bɛ, ani àiya kanundeya ka bɛn mɔ ma kɔtunun. Wo boloɲa kelen ma, ài y'ài lɔja k'ài dafa koɲuma min kɛko lɔ.

Ɛfɛsikalu 5:9

Kamasɔlɔn ɲumaya ni telenmandeya ni tuɲandeya suu bɛ yi nala kɛnɛya le fɛ.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Filipikalu 1:7

Ado ǹ jo le a lɔ ka m̀ mili tan ka bɛn ài ma, kamasɔlɔn àiya ko gbaanyine ǹ josokun na. Kamasɔlɔn àilu le ǹ lankan ne Ala ya nɛɛma lɔ, m̀'ɛ kɛla kaso la, niwotɛ m̀'ɛ ǹ lɔla Samakan Kein kɔ kɔlɔ k'a lasawati.

Kɔlɔsikalu 3:16

Masa Tɔɔmasenin kumakan yi sawati ài tɛma boloɲa bɛ ma, ài v'i ɲɔɔ kalanna k'i ɲɔɔ lali hangilimaya bɛ la, ani ka Zabuli kitabu dɔngililu la, ani baiti ni dɔngililu Nii Sɛnɛyanin yi minu dila, ka balika bɔ Ala yɛ ài josokun bɛ le.

1 Tɛsalonikakalu 5:11

Wo lɔ, ài yi to ài ɲɔɔ sɛmɛdonna k'i ɲɔɔ lasawati, iwo ài y'a kɛla teme yi ne.

1 Tɛsalonikakalu 5:14

Mɔ badenmalu, m'a fɔla ài yɛ k'a magbeleya ko ài yi baalekɛbalilu lali, ka mɔɔ jeitɛɛninnu sɛmɛdon, ani ka fangandannu madɛmɛn. Ài yi mɔɔ minu bɛ mina sawali boloma.

2 Tɛsalonikakalu 1:11

Wo le y'a ma, m'i Ala dalila ài yɛ waate bɛ, fɔsa a n'ài kilila ko min kanma, ài taamaɲa yi bɛn wo ma. Ala a kɛ, koɲuma min bɛ kɛ lɔɔ y'ài la, ài yi se wo bɛ kɛla ka bɛn aa seetiiya ma, ka àiya limaniya baale dafa.

2 Timote 1:5

Ǹ hangili toyine iya limaniya bɛlɛbɛlɛ lɔ, min ɲɔɔzii tɛɛ i mama Loyise ni i ba Yunise bolo kunfɔlɔ le, ado ǹ layine a la ko limaniya kelen wo le yi ile fana bolo hali bi.

Filemɔn 1:21

Komi ǹ lanin i la k'a fɔ ko i kɛtɔ ǹ kumakan labatola, wo lɔ, ǹ'i min sɛvɛla i ma, ǹ k'a lɔn i kɛtɔ wo kɛla ka timin ǹa madiyalikan na.

Hebululu 5:12

Ài tɛɛ ka kan ka kɛ kalanmɔɔlu le butu waate min nɔ, kɛɛ hali bi ài mako yi kalanmɔɔ la, min y'ài kalan Ala ya kojiyanin kunfɔlɔlu la kɔtunun. Ài mako yi sinji le la, dɔnnifen lɔjanin tɛ!

Hebululu 6:9

Mɔ diyananmɔɔlu, hali ni mɔ ka kɛ kuma minu fɔla yi ne, mɔ gbɛyine a ma ko ài yi siya bɛlɛ le kɔkan, kisiko yi sɔlɔnna min fɛ.

2 Piyɛli 1:12

Wo le y'a ma, ǹ totɔle ài hangili bilala ko minu lɔ kudein, hali ni ài bannin ka kɛ ai lɔnna ani k'ài bama tuɲa lɔ, ài na min sɔlɔnna.

1 Yohana 2:21

Ni ǹ ka sɛvɛ min lataa ài ma, a tɛ k'a fɔ ko ài ma tuɲa lɔn dɛ! Ài ka tuɲa lɔn, wo le y'a ma, ǹ'a lataala ài ma. Ài do k'a lɔn ne ko faɲa foi tɛ bɔla tuɲa lɔ.