Lɔmukalu 14:18 - Ala Ya Salatikan Kula Kitabu

¹⁸ Mɔɔ min yi baalela Masa Tɔɔmasenin yɛ boloɲa min ma, wo tii ya ko diyayine Ala yɛ. A do yi tanuli sɔlɔnne mɔɔlu bolo.

Lɔmukalu 14:18 ပူးပေါင်းရင်းမြစ်များ

Malɛkɛ 13:34

A kɛyine iwo kɛ́ min tɛɛ taama boloma. A ka aa bonnako bɛ kalifa aa bɔidennu la, a bɛ ni a ta baale. A k'a fɔ dalasiiba yɛ ko a yi to a ɲana.

Yohana 12:26

Ni mɔɔ min y'a fɛ ka baale kɛ ǹ yɛ, fɔ wo tii yi bila ǹ kɔ, ado m̀'ɛ kɛla tɛɛminja, ǹa bɔiden fana kɛtɔ je le. Ni mɔɔ min ka baale kɛ ǹ yɛ, ǹ Fa kɛtɔ wo tii buɲala.»

Kɛkolu 10:35

Siboloma bɛ lɔ, ni mɔɔ minu ka siyan Ala ɲa ka kotelenninu kɛ, a a bolo siila wolu bɛ le kɔlɔ.

Lɔmukalu 12:11

Ài kà kɛ saakɔlɔ le, mafɔ ài y'ài tɛsili baaleko la. Ài do yi baale kɛ mɔ Tii yɛ ài josokun bɛ le.

Lɔmukalu 14:4

I i jɛlɛ yena mɔɔ suu mindɛ le k'a fɔ ko i yi dɔ ya bɔiden kiti? Ni a lɔnin ka to niwotɛ k'a ben, aa kuntii kunko le wo le. A do lɔnin kɛtɔ tola, kamasɔlɔn a see yi mɔ Tii yɛ k'a lalɔnin to.

Lɔmukalu 16:18

Mɔɔ suu wolu tɛ baalela mɔ Tii Masa Tɔɔmasenin yɛ, mafɔ ai kɔnɔgbolo. Ai do yi kuma madiyanin ne fɔla ka mɔɔlu matɔɔ fuun fɔsa ai yi koɲayebalilu manɛɛ.

Lɔmukalu 6:22

Kɛɛ komi ài la vɛ fɛlɛ ka bɔ julumbu lɔ k'ài kɛ Ala ya jɔn ne butu, ài yi nafa min sɔlɔnna, wo le sɛnɛyali le min laban yi niimaya banbali le.

1 Kolɛntikalu 7:22

Ni mɔ Tii ka jɔn min kili, wo tii vɛ kɛ mɔ Tii ya mɔɔ lafɛlɛnin ne. Wo boloɲa kelen ma, ni mɔ Tii ka mɔɔ lafɛlɛnin min kili, wo tii vɛ kɛ Masa Tɔɔmasenin ya jɔn ne.

2 Kolɛntikalu 4:2

Ǹu koni v'i ban maloyakolu ma minu yi kɛla divi lɔ. Mɔ do tɛ gbanaya kɛla, kumatɛ ka Ala kumakan jɛlɛma. Mafɔ, m'i tuɲa le fɔla k'a lagbɛ, fɔsa bɛ y'a jate ai jɛlɛ kɔnɔ m'i mɔɔ suu min ne Ala ɲakɔlɔ.

2 Kolɛntikalu 5:11

Komi m'i mɔ Tii ɲasiyanɲɛko kalama, wo lɔ, m'i mɔ lɔjala ka mɔɔlu lakunfa. Kɛɛ Ala gbu ka mɔ kɛɲa lɔn, ado ǹ layine a la ko àilu fana ka mɔ kɛɲa lɔn ài josokun nɔ.

2 Kolɛntikalu 5:9

Wo le y'a ma, ni mɔ ka to falikolo min nɔ o, ni mɔ ka taa mɔ Tii fɛlɔ o, m'i mɔ lɔjala maa ko yi diya mɔ Tii yɛ.

2 Kolɛntikalu 6:4

Ǹu koni y'a jiyala ko bɛ lɔ ko Ala ya bɔiden ne mɔ le. Tɔlɔya kunyine mɔ lɔ, ani gbɛlɛgbɛlɛ ni masuwakolu.

2 Kolɛntikalu 8:21

Kamasɔlɔn m'a fɛ le mɔ taamaɲa yi bɛn mɔ Tii ɲakɔlɔ, ani mɔɔlu.

Filipikalu 4:18

Ài na fen fen si lanala m̀ ma, ǹ na wo bɛ le yena. Ài na samalifen min donna Ɛpafolodite bolo, wo le na ǹ ɲɛnɛla ka m̀ mako laɲia bubale. Wo kɛyine iwo salaka min suma diyanin, Ala a bolo siila a ladiyanan salaka suu min kɔlɔ.

Filipikalu 4:8

Ka ǹa kuma laban m̀ badenmalu, ǹ'a fɛ ài yi kɛ ài milila ko minu ma, wolu le ne: ko minu yi tuɲa le, magbiliyalikolu, kotelenninu, kosɛnɛyaninnu, kokeinnu, kobɛnninu, ani ko minu ni matɔɔli kaannin.

Kɔlɔsikalu 3:24

Kamasɔlɔn ài k'a lɔn ne ko mɔ Tii yi balayi minu ladalola a jɛlɛkanu mɔɔlu yɛ, ài kɛtɔ wolu le sɔlɔnna ka kɛ ài sala le. Ài do yi mɔ Tii Masa Tɔɔmasenin Isa ya bɔidenya le la.

1 Timote 2:3

Wo le bɛnnin, ado wo le diyanin mɔ Lakisiba Ala yɛ,

1 Timote 5:4

Kɛɛ ni dennu ka kɛ kɛsamoso min bolo, niwotɛ mamanilu, fɔ den wolu yi Alaɲasiyanɲɛ jiyaɲa lɔn kunfɔlɔ le ka bɛn aiya demayalu minaɲa ma. Ai banu na min bɛ kɛla ai yɛ, ailu yi wo ɲɔɔzii kɛ, kamasɔlɔn wo le diyanin Ala yɛ.

1 Piyɛli 2:12

Ài taamaɲa yi keinya Alalɔnbalilu tɛma, fɔsa hali ni ai k'ài mafin, ko koyonkɛba le ài le, ai y'ài kɛko ɲumalu ye ka magbiliyali di Ala ma a nalon.

1 Piyɛli 2:20

Ni ài do ka gbasili mina ài ma ka bɛn àiya koyonkɛko ma, jalasa wo y'ài matanuko le le? Kɛɛ do, ni ài ka tɔlɔya mina ài ma ka bɛn àiya koɲumakɛko ma, wo yi kobɛnnin ne le Ala ɲakɔlɔ.

1 Piyɛli 2:5

Àilu fana kɛyine iwo kawakulun niimalu, Ala yi minu siisiila i ɲɔɔ kɔkan k'a kɛ a ta bon ne, ani Nii Sɛnɛyanin makɛya. Ala ya bon wo kɔnɔ, ài kɛtɔ kɛla salakalaseba sɛnɛyanin ne le, fɔsa ài yi kɛ Ala ladiyanan salakalu lasena a ma ka bɔ ài josokun nɔ Masa Tɔɔmasenin Isa sabu la.

1 Piyɛli 3:16

Kɛɛ ài y'ai javi buɲali ni sɔniyali boloma, k'ài joso sɛnɛyanin to, fɔsa mɔɔ minu y'ài mafinna ka bɛn ài taamaɲa ɲuma ma Masa Tɔɔmasenin ya kafonɲɔɔya lɔ, wolu yi maloya.