Lɔmukalu 14:17 - Ala Ya Salatikan Kula Kitabu

¹⁷ Kamasɔlɔn Ala ya masaya tɛ dɔnni ni minni ko le, mafɔ telenmandeya ani josolajii ani josoladiya, Nii Sɛnɛyanin yi minu dila.

Lɔmukalu 14:17 ပူးပေါင်းရင်းမြစ်များ

Matiyu 3:2

«Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Matiyu 6:33

Ài yi Ala ya masaya ɲinin kunfɔlɔ le ani aa telenmandeya, wo vɛ kɛla, wo bɛ yi lale wo kɔkan ka di ài ma.

Luka 14:15

Mɔɔ dɔ tɛɛ siinin Isa dafɛ dɔnnikɛya lɔ, wo ka kuma min mɛn mingɛ, a k'a fɔ Isa yɛ, a vɛɛ: «Mɔɔ minu kɛtɔ feetikɛya lɔ Ala ya masaya lɔ, wolu yi duwawuden ne le.»

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Yohana 3:3

Isa k'a javi, a vɛɛ: «Ǹ'i tuɲa fɔ i yɛ, ni mɔɔ min ma sɔlɔn kula kɛ, wo tii tɛ se Ala ya masaya yena.»

Yohana 3:5

Isa k'a javi, a vɛɛ: «Ǹ'i tuɲa fɔ i yɛ, ni mɔɔ ma sɔlɔn kula kɛ ji ni Nii Sɛnɛyanin sabu la, a tɛ se donna Ala ya masaya lɔ.

Kɛkolu 13:52

Ado Isa kɔbiladen minu tɛɛ Antiyɔsi, wolu joso lafanin tɛɛ sawa ni Nii Sɛnɛyanin la.

Kɛkolu 9:31

Wo lɔ, limaniyajama minu tɛɛ Jude, ani Galile ni Samaliya, wolu ka waate dɔ kɛ josolajii lɔ, ai vɛ sawatila. Ai ka to taamana mɔ Tii ɲasiyanɲɛ lɔ, Nii Sɛnɛyanin tɛɛ ai sɛmɛdonna, ani k'ai lasiyaya.

Lɔmukalu 15:13

Ala min yi jeisii dila, wo y'ài josoladiya k'ài josolajii bɛlɛbɛlɛ kɛ àiya limaniya fɛ, fɔsa a dɔ yi to lala àiya jeisii kɔkan ka bɛn Nii Sɛnɛyanin ya seetiiya ma.

Lɔmukalu 8:6

K'i nii la i falikolo ladiyanankolu kɔkan, wo laban yi saya le le. Kɛɛ k'i nii la Nii Sɛnɛyanin ladiyanankolu kɔkan, wo laban yi niimaya ni josolajii le le.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

1 Kolɛntikalu 4:20

Kamasɔlɔn Ala ya masaya tɛ danna kumalɔbɔko ma dein, mafɔ fanga.

1 Kolɛntikalu 6:9

Ài m'a lɔn ko mɔɔ telenbalilu tɛnala donna Ala ya masaya lɔ? Ài k'ài jɛlɛ manɛɛ! Kanukɛbalu, joosɔbalu, jalonnu, kɛ́ minu y'ai lala ai kɛ́ ɲɔɔlu fɛ,

1 Kolɛntikalu 8:8

Ado dɔnnifen tɛ mɔ masulunyala Ala la. Ni mɔ ma a dɔn, wo tɛnala mɔ labɔnɔla foi la. Ni mɔ do k'a dɔn, mɔ tɛnala tɔnɔ foi sɔlɔnna wo la.

2 Kolɛntikalu 5:21

Masa Tɔɔmasenin ma julumbu foi ta, kɛɛ Ala na maa julumbu doni lala ale le kun, fɔsa m'i kɛ telenmande le Ala ɲakɔlɔ aa kafonɲɔɔya lɔ.

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Filipikalu 2:1

Damanda ài sɛmɛdonnin Masa Tɔɔmasenin ya kafonɲɔɔya lɔ, ani ài josolajiinin ka bɛn aa kanundeya ma, ani ài ka kɛ kafonɲɔɔya lɔ Nii Sɛnɛyanin fɛ, ani diyaɲɛ ni henandeya ka kɛ ài wotɛ,

Filipikalu 3:3

Ǹu koni yi mɔɔ makɛnɛkɛnin bɛlɛbɛlɛ le le, ǹu minu yi Ala batola ka bɛn a Nii Sɛnɛyanin ma, ka mɔ ɲalɔkɛnɛya Masa Tɔɔmasenin Isa ya kafonɲɔɔya lɔ, ani ǹu minu bolomalanin tɛ mɔ jɛlɛkanu falikolo ya kolu ma.

Filipikalu 3:9

ka ǹ kafonnin to a kɔkan. Ǹ tɛ m̀ bolomalala ǹe gbu ya telenmandeya ma min yi sɔlɔnna seliya latelenko fɛ, mafɔ m̀'ɛ a dɔgbɛlɛ sɔlɔn min yi nala limaniya fɛ Masa Tɔɔmasenin ma, wo le Ala ya telenmandeya le min jusiinin limaniya kɔkan.

Filipikalu 4:4

Ài yi sawa mɔ Tii ya kafonɲɔɔya lɔ. Ǹ'a fɔla yi ne kɔtunun, ài yi sawa!

Filipikalu 4:7

Wo vɛ kɛla, Ala ya josolajii min timinnin adamadennu ya koɲaye bɛ la, wo kɛtɔ ài josokun ni ài miliya ladalola Masa Tɔɔmasenin Isa ya kafonɲɔɔya lɔ.

Kɔlɔsikalu 1:11

M'i Ala dalila kɔtunun k'a fɔ ko a ài sɛmɛdon boloɲa suu bɛ ma ka bɛn aa fanga makawanin ma, fɔsa ài yi se ko bɛ minala ài ma sawali ni josoladiya boloma.

1 Tɛsalonikakalu 1:6

Ài n'ài sumala mɔ taamaɲa le ma ani mɔ Tii Isa taamaɲa, kamasɔlɔn ài n'ài bolo siila Samakan Kein kɔlɔ sawa bolo le ma, sawa min bɔnin Nii Sɛnɛyanin fɛ, hali ài bannin ka kɛ tɔlɔya siyama masɔlɔnna.

1 Tɛsalonikakalu 2:12

Mɔ tɛɛ ài lalila, k'ài sɛmɛdon, ani k'a fɔ ài yɛ k'a magbeleya ko ài yi Ala buɲa ài taamaɲa lɔ, ale min y'ài kilila k'ài ladon aa masaya ni aa magbiliyali lɔ.

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.

1 Piyɛli 1:8

Ài ma Isa ye ba bene, kɛɛ ài y'a kanula. Ài do ɲa t'a la yi ne, kɛɛ ài limaniyanin a ma. Wo ma, àiya kɔnɔlɔdiya magbiliyaɲa jate ɲa tɛ se fɔla,

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.