Lɔmukalu 13:8 - Ala Ya Salatikan Kula Kitabu

⁸ Mɔɔ suu suu ya julu kà kɛ ài la, mafɔ kanundeya julu min ka kan ka kɛ ài wotɛ. Kamasɔlɔn mɔɔ min v'a mɔɔɲɔɔ kanula, wo tii vɛ Ala ya seliya lakunnin dafa.

Lɔmukalu 13:8 ပူးပေါင်းရင်းမြစ်များ

Matiyu 7:12

«Ni ài y'a fɛ mɔɔlu yi ko min bɛ kɛ ài yɛ, àilu gbu yi wo suu dɔ kɛ ai yɛ, kamasɔlɔn a sɛvɛnin ten ne Nabi Musa ya Taulati lɔ, ani kela dɔgbɛlɛlu ya kitabulu lɔ.»

Yohana 13:34

Ǹ'i jamali kula le dila ài ma yi ne, ǹ ko, ài ɲɔɔ kanu. Ǹ n'ài kanula teme, fɔ àilu fana y'i ɲɔɔ kanu ten ne.

Lɔmukalu 13:10

Ni i k'i siiɲɔɔ kanu, i tɛnala koyon kɛla a la wo le. Wo ma, mɔɔ min v'a siiɲɔɔ kanula, wo tii vɛ seliya lakunnin dafa.

Lɔmukalu 13:7

Wo ma, ài yi mɔɔ kelenkelenna bɛ sala iwo ai ka kan k'a sɔlɔn teme. Ni a ka kɛ kɔnzɔn ni niisɔɔnsalako le, ài yi wolu sala. Ni a do ka kɛ buɲa ni magbiliyaliko le, ài yi wo tii buɲa k'a magbiliya.

Galatiyakalu 5:14

Kamasɔlɔn Ala ya seliya bɛ lakunnin yi kuma kelen min ne lɔ, ko: «I i siiɲɔɔ kanu iwo ile gbu.»

Kɔlɔsikalu 3:14

Kɛɛ min timinnin wo bɛ la, wo le kanundeya le, min kɛtɔ àiya ko bɛ silila i ɲɔɔ ma ka dafa.

1 Timote 1:5

Maa jamali kun ne kanundeya le min yi bɔla josolɔgbɛnin nɔ, ani jososɛnɛyanin, ani limaniya bɛlɛbɛlɛ.

Janguba 2:8

Ni ài ka Ala ya masaya seliya latelen iwo a sɛvɛnin kitabu kɔnɔ teme, ko: «I siiɲɔɔ kanu iwo ile gbu,» wo vɛ kɛla, ài gbu v'a kɛ kobɛn.

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.