Lɔmukalu 13:7 - Ala Ya Salatikan Kula Kitabu

⁷ Wo ma, ài yi mɔɔ kelenkelenna bɛ sala iwo ai ka kan k'a sɔlɔn teme. Ni a ka kɛ kɔnzɔn ni niisɔɔnsalako le, ài yi wolu sala. Ni a do ka kɛ buɲa ni magbiliyaliko le, ài yi wo tii buɲa k'a magbiliya.

Lɔmukalu 13:7 ပူးပေါင်းရင်းမြစ်များ

Matiyu 17:25

Piyɛli vɛɛ ai yɛ: «Aan, a a salala.» Piyɛli ka don bon na mingɛ, Isa vɛɛ a yɛ kunfɔlɔ le: «Simɔn, i miliya lɔ, dunuɲa masakɛlu yi kɔnzɔn minala jene la? Aiya jamanadennu, baa lonalu?»

Matiyu 22:21

Ai vɛɛ: «Sezale le.» Wo lɔ, Isa k'a fɔ ai yɛ, a vɛɛ: «Ni a yi ten ne, ài yi Sezale ta di Sezale ma, ka Ala ta di Ala ma.»

Malɛkɛ 12:17

Wo fɔ ai bolo, Isa do vɛɛ ai yɛ: «Ni a yi ten ne, ài yi Sezale ta di Sezale ma, ka Ala ta di Ala ma.» Isa ya javili k'ai kawakoya kosɛvɛ.

Luka 20:22

Wo lɔ saa, i miliya fɔ mɔ yɛ butu. Ka niisɔɔn sala Lɔmu masakɛba Sezale ma, wo ladaanyine mɔ ma, baa wo ladaannin tɛ?»

Luka 20:25

Wo fɔ ai bolo, Isa do vɛɛ ai yɛ: «Ni a yi ten ne, ài yi Sezale ta di Sezale ma, ka Ala ta di Ala ma.»

Luka 23:2

Ai do v'a jalakila, ai vɛɛ: «Mɔ na kɛ́ min yena maa mɔɔlu lafilila, k'ai dansii niisɔɔn salako la Lɔmu masakɛba ma. A do y'a fɔla a jɛlɛ ma ko Alimasihu, masakɛ koni.»

Lɔmukalu 12:10

Ài i ɲɔɔ kanu badenmaya boloma, k'i ɲɔɔ buɲa ka timin ài jɛlɛ la.

Lɔmukalu 13:6

Wo le y'a kɛla, ài yi niisɔɔn salala fana, kamasɔlɔn kuntii wolu yi Ala ya baale le la, ai vɛ ai jɛlɛ dila baale wo kɛko lɔ.

Ɛfɛsikalu 5:33

Wo le y'a ma, àilu kɛ́ kelenkelenna bɛ y'a moso kanu iwo ale gbu, ado moso fana y'a kɛ́ buɲa.

Ɛfɛsikalu 6:5

Jɔnnu, ài àiya jɔnfalu kumakan labato ɲasiyanɲɛ ni buɲali boloma, ka baale kɛ ai yɛ josolɔgbɛya boloma iwo ài y'a kɛla Masa Tɔɔmasenin gbu yɛ teme.

1 Timote 5:13

K'a dɔ la wo kɔkan, ai yi deinne baalekɛbaliya la, ai vɛ timintiminna luu ni luulu wotɛ. Baalekɛbaliyako tɛ dein, kɛɛ ai yi kɛle tɔɔfɔlikɛbalu le fana, ani mɔɔ minu y'ai da bilala dɔlu ya kolu lɔ, ka kolu fɔ minu man kan ka fɔ.

1 Timote 5:17

Ɲamɔɔ minu yi kuntiiya kɛla kobɛn, wolu ka kan ka buɲalifen siiyama fila le sɔlɔn, minu yi kawanili ani kalan kɛla bɛlɛbɛlɛ le.

1 Timote 6:1

Mɔɔ minu yi jɔnya lɔ, fɔ wolu bɛ yi aiya jɔnfalu jate mɔɔlu le minu ni buɲali bɛ kaannin, fɔsa Ala tɔɔ ni maa kalan la kana feya.

1 Piyɛli 3:7

Àilu kɛ́lu fana y'ài mosolu lɔmina koɲaye boloma, k'ài hangili to aiya fangandanya lɔ. Wo lɔ, ài y'ai buɲa, kamasɔlɔn Ala yi niimaya min dila aa nɛɛma lɔ, ài bɛ le kɛtɔ wo sɔlɔnna i ɲɔɔ fɛ. Ài yi wo kɛ, fɔsa ko ko si kana àiya Aladalilu lakoli.