Lɔmukalu 13:11 - Ala Ya Salatikan Kula Kitabu

¹¹ Ài y'a kɛ ten, kamasɔlɔn ài k'a lɔn m'i waate suu min nɔ yi ne. Waate vɛ se ko m'i kunun ka bɔ sunɔɔ lɔ. Kamasɔlɔn mɔ kisi waate ma vɛ sulunya yi ne ka timin maa limaniya damina waate la.

Lɔmukalu 13:11 ပူးပေါင်းရင်းမြစ်များ

Matiyu 16:3

Sɔɔmadala, ài vɛ sangbolo ɲala finnin yena, ài y'a fɔla ko: ‹Sanji natɔle bi, kamasɔlɔn san finnin›. Ài senin sangbolo lasaala teme k'a kɔlɔ lɔn. A yi di vɛ ài tɛ se waate min tɔɔmaselu lasaala k'ai kɔlɔ lɔn fana?

Luka 21:28

Ni ài ka ko minu daminatɔ ye waate min nɔ, ài y'ài lɔ k'ài kun lawuli, kamasɔlɔn àiya kunmaka waate ma vɛ sulunya.»

1 Kolɛntikalu 10:11

Ko minu na kɛla ai la, wolu kɛnin misali le le k'ai sɛvɛ mɔ laliko lɔ, ǹu minu yi waate laban min nɔ.

1 Kolɛntikalu 15:34

Ài y'ài hangili sii iwo ài ka kan k'a kɛ teme! Ài do kà to julumbu tala. Kamasɔlɔn ài dɔlu ma Ala lɔn feu. Ǹ'i wo fɔla ka bɛn ài lamaloyako le ma.

Ɛfɛsikalu 5:14

Ado ko ko la vɛ bɔla gbesekele, wo yi kɛnɛya le lɔ. Wo le y'a kɛla, ai y'a fɔla, ko: «Ile sunɔɔbatɔ, kunun! I wuli, i yi bɔ fulenilu tɛma, ado Masa Tɔɔmasenin kɛtɔ aa kɛnɛya labɔla i yɛ.»

Janguba 5:8

Àilu fana y'ài sawali, k'ài lɔgbeleya, kamasɔlɔn mɔ Tii nalon ma vɛ sulunya.

1 Piyɛli 4:7

Dunuɲa laban waate ma vɛ sulunya. Wo le y'a ma, ài y'ài hangili sii k'ài kɛ jɛlɛlɔminamɔɔ le, fɔsa ài yi se Ala dalila a ɲa bɛlɛbɛlɛ ma.

2 Piyɛli 3:11

Komi fen wolu bɛ kɛtɔ halakila ten ne, ài ka kan ka kɛ mɔɔ suu mindɛ le wo lɔ? Fɔ ài yi kɛ taamana sɛnɛyali ni Alaɲasiyanɲɛ bolo le ma,

2 Piyɛli 3:9

Mɔ Tii kunsumanin tɛ aa lahedi mafako lɔ iwo a dɔlu y'ai milila teme. A do y'ài minala sawali bolo le ma, kamasɔlɔn a t'a fɛ mɔɔ foi yi halaki, mafɔ bɛ y'ai jɛlɛ lasei a ma.

1 Yohana 2:18

Ǹ dennu, dunuɲa laban waate ma vɛ sulunya. Ài n'a mɛnna ko Masa Tɔɔmasenin kɛlɛkɛɲɔɔ natɔ, ado tandainɔ yi ne, Masa Tɔɔmasenin kɛlɛkɛɲɔɔ siyama vɛ ban nala. Wo le n'a kɛla, mɔ k'a lɔn dunuɲa laban waate ma vɛ sulunya.

Ko Lankɛnɛmayanin 1:3

Mɔɔ min yi kelayakuma sɛvɛli min kalanna mɔɔlu yɛ, ani mɔɔ min y'a tolomalɔla a la, ani mɔɔ min yi sɛvɛli min kɔnɔ kolu latelenna, wo tii yi duwawuden ne le, kamasɔlɔn ko minu kɛ waate ma vɛ sulunya.

Ko Lankɛnɛmayanin 22:10

Mɛlɛka do vɛɛ ǹ yɛ kɔtunun: «I kà kitabu min kɔnɔ kelayakumalu lamala i kɔnɔ, kamasɔlɔn ko wolu kɛwaate ma vɛ sulunya.

Ko Lankɛnɛmayanin 22:12

Isa vɛɛ: «A ye, ǹ natɔ jona, mɔɔ bɛ sala vɛ m̀ bolo, fɔsa ǹ'i mɔɔ kelenkelenna bɛ sala ka bɛn ai kɛkolu ma.

Ko Lankɛnɛmayanin 22:20

Ale min yi ko min bɛ seleya dila, wo tii le y'a fɔla, a vɛɛ: «Tuɲa le feu, ǹ natɔ jona.» Amiina! Na, mɔ Tii Isa!