Lɔmukalu 12:8 - Ala Ya Salatikan Kula Kitabu

⁸ Ni min ta ka kɛ sɛmɛdonko le, wo tii yi mɔɔlu sɛmɛdon. Ni mɔɔsɔko see dinin mɔɔ min ma, wo tii bolo yi fɔlin sɔli boloma. Ni kuntiiya see dinin ka kɛ mɔɔ min ma, wo tii y'a baale kɛ sɔvɛdon boloma. Ni do see dinin mɔɔ min ma ka henandeyakolu kɛ, wo tii y'a kɛ sawa boloma.

Lɔmukalu 12:8 ပူးပေါင်းရင်းမြစ်များ

Matiyu 25:40

Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

Kɛkolu 11:23

A ka se je ka Ala ya nɛɛma ye ai kan mingɛ, a ka sawa k'a fɔ ai yɛ k'a magbeleya ko ai y'ai sɛmɛdon mɔ Tii ya ko ma ai josokun bɛ la.

Kɛkolu 13:12

Jamanatii ka ko min kɛnin ye mingɛ, a ka limaniya, kamasɔlɔn mɔ Tii ya kalan k'a lakawakoya kosɛvɛ.

Kɛkolu 13:15

Mɔɔ dɔ vɛ Nabi Musa ya Taulati fan dɔ kalanna, ka kelalu ya kitabu fan dɔ fana kalan. Kalan wo bannin, Aladalibon ɲamɔɔlu ka kela lataa Pɔli ni Baanabasi ma, ai vɛɛ: «Mɔ badenmalu, ni kuma ka kɛ ài bolo k'a fɔ jama sɛmɛdonko lɔ, ài yi wo fɔ.»

Kɛkolu 15:32

Judasi ni Silasi, minu gbu taanin kɛla kelalu le, wolu k'ai sɛmɛdon ani k'ai lasawati kuma siyama le.

Kɛkolu 20:2

A do ka fan wolu lɔtimin ka je limaniyamɔɔlu sɛmɛdon lailikan siyama le, ka ban ka se Gɛlɛki jamana lɔ

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Kɛkolu 4:36

Kɛ́ dɔ tɛɛ ai tɛma je, min tɛɛ Levi kabiladen ne ka bɔ Sipele. A tɔɔ le tɛɛ Jusufu, kɛɛ keladennu tɛɛ a fɔla a ma ko Baanabasi, min kɔlɔ le ko Mɔɔ Sɛmɛdonba. Wo ka aa duu dɔ fele ka na wo wɔli le, k'a don keladennu bolo.

Lɔmukalu 12:13

Ài yi mumininnu madɛmɛn k'ai makolu laɲia, ani ka lonalu jiya.

Lɔmukalu 13:6

Wo le y'a kɛla, ài yi niisɔɔn salala fana, kamasɔlɔn kuntii wolu yi Ala ya baale le la, ai vɛ ai jɛlɛ dila baale wo kɛko lɔ.

1 Kolɛntikalu 12:28

Ala na mɔɔ minu lasiila limaniyajama tɛma, keladennu le ka kɛ a kunfɔlɔ le, ka kelalu kɛ a filana le, ka kalanmɔɔlu kɛ a sawana le. A do ka kawanankokɛbalu tuun wolu la, ani mɔɔ minu yi jangalotɔlu lakɛnɛyala, ani mɔɔ minu yi dɔlu madɛmɛnna, ani ɲamɔɔlu, ani mɔɔ minu yi kumala kan gbɛlɛlu lɔ.

1 Kolɛntikalu 14:3

Kɛɛ mɔɔ min yi kelayakuma lasena, wo tii yi kumala mɔɔlu le yɛ k'ai lasawati, k'ai sɛmɛdon, ani k'ai josolajii.

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

2 Kolɛntikalu 11:3

Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ.

2 Kolɛntikalu 8:12

Ni mɔɔ min ka bɔ a jɛlɛ lɔ ka fen di, bolo yi siile wo kɔlɔ ka bɛn a senko ma. Kɛɛ ni fen t'a bolo, wo tɛ jatela.

2 Kolɛntikalu 9:11

A do kɛtɔ ài labanayala boloɲa bɛ ma, fɔsa ài bolo yi fɔlin waate bɛ. Ado mɔɔ siyama kɛtɔ balika bɔla Ala yɛ ka bɛn àiya niilifennu ma, m'i minu lasena ai ma.

2 Kolɛntikalu 9:13

Àiya baale wo sabu la, mɔɔlu kɛtɔ magbiliyali dila Ala ma, ka bɛn àiya kannabato ma, min yi Masa Tɔɔmasenin ya Samakan Kein labɔla gbɛ la. Ai kɛtɔ magbiliyali dila kɔtunun ka bɛn àiya niilifen wolu ma, ai yi minu lɔtalala i ɲɔɔ wotɛ, ailu ni dɔlu bɛ.

2 Kolɛntikalu 9:7

Wo le y'a ma, ài kelenkelenna bɛ yi niilifen di iwo ài n'a latɛɛla teme ài josokun nɔ. A do kà kɛ ɲakɔlɔsili boloma, niwotɛ diyanigbeyako. Kamasɔlɔn mɔɔ min yi niilifen dila sawa boloma, wo tii le diyanin Ala yɛ.

Ɛfɛsikalu 6:5

Jɔnnu, ài àiya jɔnfalu kumakan labato ɲasiyanɲɛ ni buɲali boloma, ka baale kɛ ai yɛ josolɔgbɛya boloma iwo ài y'a kɛla Masa Tɔɔmasenin gbu yɛ teme.

Kɔlɔsikalu 3:22

Jɔnnu, ài yi kolo àiya jɔnfalu yɛ ko bɛ lɔ minu y'ài kunna dunuɲa. Ài kà baale kɛ ka bɛn ai ɲakɔlɔla ma dein, fɔsa àiya ko yi diya ai yɛ teme, mafɔ ài yi baale josolɔgbɛya lɔ ka bɛn mɔ Tii ɲasiyanɲɛ ma.

1 Tɛsalonikakalu 2:3

Mɔ do tɛ maa kawanili kɛla ka bɛn mɔɔlafiliko ma, niwotɛ miliya yon ma, niwotɛ mɔɔmajuwayako ma.

1 Tɛsalonikakalu 2:8

Ka bɛn maa kanundeya ba ma ài yɛ, mɔ tɛɛ tɛ a fɛ ka Ala ya Samakan Kein lase ài ma dein, mafɔ mɔ lɔbɛnyine tɛɛ ka hali mɔ jɛlɛkanu nii di àiya ko lɔ, kamasɔlɔn àiya ko tɛɛ vɛ diya mɔ yɛ kosɛvɛ.

1 Timote 4:13

I yi to kitabulu kalanna jama yɛ k'ai kawani ani ka to ai kalanna haan fɔɔ m̀'ɛ nala lon min na.

1 Timote 5:17

Ɲamɔɔ minu yi kuntiiya kɛla kobɛn, wolu ka kan ka buɲalifen siiyama fila le sɔlɔn, minu yi kawanili ani kalan kɛla bɛlɛbɛlɛ le.

1 Timote 6:18

A fɔ ai yɛ ko ai yi koɲumalu kɛ, ka nafolotiiya kɛ koɲumakɛko lɔ, ani k'ai bolo fɔlin dɔlu sɔko lɔ.

Hebululu 10:25

Mɔ k'i nɔningɛ maa ladɛnko ma, iwo dɔlu deinin a kɛla teme, mafɔ k'i ɲɔɔ sɛmɛdon, k'a dɔ la wo kɔkan iwo ài yi mɔ Tii nalon masulunyatɔla yena teme.

Hebululu 13:17

Ài y'ài ɲamɔɔlu kumakan labato k'ài fanmajii ai yɛ, kamasɔlɔn ai y'ai jandola ài nunakili lɔ, ai do kɛtɔ wo le dandɛɛli kɛla Ala yɛ. Wo le y'a ma, ài yi diɲa ɲamɔɔlu yi baale min kɛ sawa boloma. Ni ai do niila ka fin wo lɔ, wo tɛnala ài wunafala.

Hebululu 13:22

M̀ badenmalu, ǹ'ài madiyala, ài y'ài bolo sii ài sɛmɛdon kuma minu kɔlɔ, kamasɔlɔn ǹ na kuma dana le sɛvɛla ài ma dein.

Hebululu 13:24

Ài y'ài ɲamɔɔlu bɛ fo, ani mumininnu bɛ. Mɔ badenma minu bɔnin Itali jamana lɔ, wolu y'ài fola.

Hebululu 13:7

Ài y'ài hangili to àiya ɲamɔɔ kɔlɔlu lɔ, minu na Ala kumakan lasena ài ma. Ài y'ài mili aiya dunuɲalɔtɛɛ labanɲa ma, ka bila ai kɔsiya kan limaniya lɔ.