Lɔmukalu 12:7 - Ala Ya Salatikan Kula Kitabu

⁷ Ni a dɔ ta ka kɛ madɛmɛli le, wo tii yi mɔɔlu madɛmɛn. Ni min ta ka kɛ kalan ne, wo tii yi mɔɔlu kalan.

Lɔmukalu 12:7 ပူးပေါင်းရင်းမြစ်များ

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Yohana 3:2

Lon dɔ, a ka taa Isa fɛlɔ su lɔ k'a fɔ a yɛ, a vɛɛ: «Kalanmɔɔ, mɔ k'a lɔn Ala le n'i kelayala mɔɔlu kalanko lɔ, kamasɔlɔn mɔɔ foi tɛ se iya kawananko minu ɲɔɔzii kɛla, ni Ala ma kɛ mɔɔ min fɛ.»

Kɛkolu 13:1

Wo k'a talan kela ni kalanmɔɔ dɔlu tɛɛ limaniyajama tɛma Antiyɔsi so kɔnɔ. Wo dɔlu le ne: Baanabasi, Simiyɔn (ai tɛɛ a fɔla min ma ko Falafin), Lusiyusi ka bɔ Silɛni, Manayen (min ni jamanakunnasiiba Helodi ka buɲa i ɲɔɔ fɛ), ani Sawuli.

Kɛkolu 20:20

Ài k'a lɔn ǹ tɛɛ ài kalanna bala lɔ ani àiya bonnu la waate min nɔ, m̀ ma ko ko si doon ài ma min yi kɛ ài nafako le.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Kɛkolu 6:1

Waate wo lɔ, Isa kɔbiladennu ka to siyayala. Ado Jahudiya minu bɔnin tɛɛ jamana gbɛlɛlu lɔ minu tɛɛ Gɛlɛkikan fɔla, wolu ka Jahudiya duulennu matelemasɔɔli di, ko mɔɔ minu tɛɛ balo lɔtalala lon bɛ, wolu jɔyine aiya kɛsamosolu ma.

1 Kolɛntikalu 12:28

Ala na mɔɔ minu lasiila limaniyajama tɛma, keladennu le ka kɛ a kunfɔlɔ le, ka kelalu kɛ a filana le, ka kalanmɔɔlu kɛ a sawana le. A do ka kawanankokɛbalu tuun wolu la, ani mɔɔ minu yi jangalotɔlu lakɛnɛyala, ani mɔɔ minu yi dɔlu madɛmɛnna, ani ɲamɔɔlu, ani mɔɔ minu yi kumala kan gbɛlɛlu lɔ.

1 Kolɛntikalu 12:5

Baale suu siyama yi je fana, kɛɛ wo bɛ yi kɛla mɔ Tii kelen ne yɛ.

1 Kolɛntikalu 14:26

M̀ badenmalu, ài ka kan k'a kɛ di wo lɔ? Ni ài vɛ ladɛn kɛla waate min nɔ, ni mɔɔ dɔ y'a fɛ ka baiti la, a a la. Ni kalan y'a dɔgbɛlɛ fɛ, a yi mɔɔlu kalan. Ni ko lankɛnɛmayanin dɔ ka kɛ a dɔgbɛlɛ fɛ ka bɔ Ala fɛ, wo tii y'a fɔ. Ni dɔ y'a fɛ ka kuma kan gbɛlɛ lɔ, a yi kuma. Ni a see yi mɔɔ dɔ yɛ ka kan gbɛlɛ wo latimin, a a latimin. Kɛɛ ko bɛ yi kɛ ka bɛn limaniyajama lasawatiko le ma.

Galatiyakalu 6:6

Mɔɔ min yi kalannadenya la ka bɛn Ala kumakan ma, wo tii ka kan ka aa kalanmɔɔ sɔ fen ɲuma suu bɛ dɔ la.

Ɛfɛsikalu 4:11

Ale le na dɔlu kɛla keladen ne, k'a dɔlu kɛ kela le, k'a dɔlu kɛ Samakan Kein lasenba le, ani k'a dɔlu kɛ limaniyajama kunmafɛlɛnba ni kalanmɔɔlu le.

Kɔlɔsikalu 4:17

Ài y'a fɔ Alisipi yɛ, ài vɛɛ: «Mɔ Tii na baale min dila i ma, fɔ yi wo kɛ k'a dafa.»

1 Timote 2:7

Wo le n'a kɛla, Ala na m̀ bilala aa keladenya la ka ǹ kɛ kawanilikɛba le, ko ǹ'i siboloma gbɛlɛ mɔɔlu kalan ka bɛn limaniya ni tuɲandeya ma. Ǹ'i tuɲa le fɔla, ǹ tɛ faɲa fɔla.

1 Timote 3:2

Wo ma, fɔ limaniyajama kunmafɛlɛnba yi kɛ mɔɔ jalakibali le le, ani moso kelen tii, ani jɛlɛlɔminamɔɔ min k'a dan lɔn kolu lɔ, ani mɔɔ sɔvɛ, ani jetii ɲuma, a do yi se mɔɔlu kalanna.

1 Timote 4:16

I i jɛlɛ lakɔlɔsi, ani iya kalan. I i bolo kɛ ko minu la, kamasɔlɔn ni i ka wolu kɛ, i kɛtɔ i jɛlɛ lakisila ani i lamɛnbalu.

1 Timote 5:17

Ɲamɔɔ minu yi kuntiiya kɛla kobɛn, wolu ka kan ka buɲalifen siiyama fila le sɔlɔn, minu yi kawanili ani kalan kɛla bɛlɛbɛlɛ le.

2 Timote 2:2

I na kuma minu mɛnna ǹ da sele siyama ɲakɔlɔ, i yi wolu kalifa mɔɔ sɔvɛlu la, minu yi se ka dɔlu fana kalan.

2 Timote 2:24

Mɔ Tii ya bɔiden ma kan ka kɛ sɔsɔyalikɛba le, mafɔ a yi kɛ ɲumayande le le mɔɔ bɛ ma, min yi se ka mɔɔlu kalan k'aiya kolu kun a lɔ sawali boloma,

2 Timote 4:2

i yi Ala kumakan kawani ka to wo la waate ɲuma ni waate gbɛlɛnnu lɔ, ka mɔɔlu jobaliya, k'ai makuma, k'ai lali, i vɛ ai kalanna sawali bɛlɛ boloma.