Lɔmukalu 12:6 - Ala Ya Salatikan Kula Kitabu

⁶ Komi senko suu bɛ dɔ yi mɔ kelenkelenna bɛ bolo min dinin ka bɛn Ala ya nɛɛma ma, wo lɔ, ài m'i wolu labaale. Ni a dɔ ta senko ka kɛ kelayakuma lasenko le, fɔ wo tii yi kelaya le kɛ ka bɛn aa limaniya jate ma.

Lɔmukalu 12:6 ပူးပေါင်းရင်းမြစ်များ

Matiyu 23:34

Wo le y'a kɛla, ǹ'i kelalu lataala ài ma, ani hangilimalu, ani seliya kalanmɔɔlu. Ài kɛtɔ a dɔlu gbaanna kɔlɔman ma k'ai faa, k'a dɔlu gbasi gbusan na àiya Aladalibonnu la, ani k'ai jangata so ni solu la.

Matiyu 25:22

Bɔiden min ka sanu gbana kɛmɛ fila (200) sɔlɔn, wo ka na k'a fɔ aa kuntii yɛ, a vɛɛ: ‹Ǹ kuntii, i na sanu gbana kɛmɛ fila (200) le tola m̀ bolo. A ye, m̀'ɛ kɛmɛ fila (200) gbɛlɛ tɔnɔ sɔlɔn a kɔkan.›

Luka 11:49

Wo le n'a kɛla, Ala n'a fɔla aa hangilimaya lɔ, a vɛɛ: ‹Ǹ kɛtɔ kela ni keladennu lataala ai ma. Ai do kɛtɔ a dɔlu faala k'a dɔlu jangata.›

Kɛkolu 13:1

Wo k'a talan kela ni kalanmɔɔ dɔlu tɛɛ limaniyajama tɛma Antiyɔsi so kɔnɔ. Wo dɔlu le ne: Baanabasi, Simiyɔn (ai tɛɛ a fɔla min ma ko Falafin), Lusiyusi ka bɔ Silɛni, Manayen (min ni jamanakunnasiiba Helodi ka buɲa i ɲɔɔ fɛ), ani Sawuli.

Kɛkolu 15:32

Judasi ni Silasi, minu gbu taanin kɛla kelalu le, wolu k'ai sɛmɛdon ani k'ai lasawati kuma siyama le.

Kɛkolu 2:17

‹Ala vɛɛ: Dunuɲa laban waate, ǹ kɛtɔ ǹ Nii Sɛnɛyanin lajiila adamaden bɛ kɔkan. Ài denkɛlu ni ài denmosolu kɛtɔ kelaya kɛla. Ǹ kɛtɔ ko dɔlu lajɛlɛla àiya kavelennu ɲa ma, ani àiya kɛmɔbalu kɛtɔ kolu yena siwolu lɔ.

Kɛkolu 21:9

A denmoso singbili naani tɛɛ je, minu tɛɛ ma kɛ́ ko lɔn ba bene. Wolu tɛɛ kelaya le kɛla.

Lɔmukalu 1:11

Tuɲa le, ài yenlɔɔ yi gbala ǹ na bubale, fɔsa ǹ'i Nii Sɛnɛyanin ya sɔli dɔ lase ài ma ka bɛn ài sɛmɛdonko ma.

Lɔmukalu 12:3

Ka bɛn Ala ya nɛɛma ma min dinin m̀ ma, ǹ'a fɔla ài kelenkelenna bɛ yɛ, ǹ ko, ài k'ài jɛlɛ jate mɔɔ le ài tɛ min ne. Mafɔ, ài yi mili ài jɛlɛ ma hangilimaya boloma ka bɛn limaniya jate ma min dinin ài ma Ala bolo.

1 Kolɛntikalu 12:18

Tuɲa le, Ala na falikolo fan kelenkelenna bɛ tuuntuunna i ɲɔɔ na ka bɛn a sawo le ma.

1 Kolɛntikalu 13:2

Hali ni ǹ ka kelayakɛ see sɔlɔn ka gbonoko bɛ ɲaye ani ka lɔnni bɛ sɔlɔn, hali ni ǹa limaniya ka wala haan fɔɔ ka ǹ se tinilu bɔla ai nɔlu lɔ, ni kanundeya ma kɛ ǹ josokun nɔ, ǹ tɛ foi le.

1 Kolɛntikalu 14:1

Ài y'ài sɛmɛdon kanundeya ma, k'ài nii la Nii Sɛnɛyanin ya senkolu kɔkan, kelayakuma lasenko bɛlɛbɛlɛ le.

1 Kolɛntikalu 14:24

Kɛɛ ni limaniyabali niwotɛ mɔɔ kula ka don ài tɛma, k'a talan ài bɛ yi kelayakuma lasena, ài bɛ ya kuma kɛtɔ wo tii kitila k'a lalɔnni aa julumbulu la.

1 Kolɛntikalu 14:29

Kelayakuma lasenba fila niwotɛ sawa yi kuma. Ai do vɛ min fɔla, mɔɔ tɔlu yi wo lakɔlɔsi kobɛn.

1 Kolɛntikalu 3:5

Apolosi yi jene le? Pɔli yi jene le? Bɔiden ne mɔ le, minu kɛnin sabu le ài limaniyanin. Mɔ Tii na ke minu dila ǹu mɔɔ fila ma, m'i wo le la yi ne.

1 Kolɛntikalu 7:7

Ni kɛ́ bɛ tɛɛ kɛ iwo ǹ ne, wo tɛɛ diyale ǹ yɛ. Kɛɛ Ala ma mɔ bɛ sɔ boloɲa kelen ma. A na ko dɔ see kɛla a dɔ yɛ, k'a dɔgbɛlɛ see kɛ a dɔ yɛ.

2 Kolɛntikalu 8:12

Ni mɔɔ min ka bɔ a jɛlɛ lɔ ka fen di, bolo yi siile wo kɔlɔ ka bɛn a senko ma. Kɛɛ ni fen t'a bolo, wo tɛ jatela.

Ɛfɛsikalu 3:5

Wo do la ma nkɛnɛmaya adamaden timinninu yɛ, iwo a la vɛ lankɛnɛmaya teme butu aa lɔhɔlɔma keladennu ni kelalu yɛ Nii Sɛnɛyanin sabu la.

Ɛfɛsikalu 4:11

Ale le na dɔlu kɛla keladen ne, k'a dɔlu kɛ kela le, k'a dɔlu kɛ Samakan Kein lasenba le, ani k'a dɔlu kɛ limaniyajama kunmafɛlɛnba ni kalanmɔɔlu le.

Filipikalu 3:15

Ǹu minu kunkɔlɔ vɛ ta limaniya lɔ, fɔ m'i mili tan ne. Ado ni miliya suu gbɛlɛ ka kɛ ài dɔlu la, Ala kɛtɔ wo le lagbɛla ài yɛ.

1 Tɛsalonikakalu 5:20

Ài kà kelalu ya kumalu lafeya.

2 Piyɛli 1:20

Kɛɛ ài y'a lɔn kunfɔlɔ le ko kelayakuma minu sɛvɛnin kitabulu kɔnɔ, mɔɔ suu suu tɛ se wolu kɔlɔ lɔnna a jɛlɛ ma.