Lɔmukalu 12:10 - Ala Ya Salatikan Kula Kitabu

¹⁰ Ài i ɲɔɔ kanu badenmaya boloma, k'i ɲɔɔ buɲa ka timin ài jɛlɛ la.

Lɔmukalu 12:10 ပူးပေါင်းရင်းမြစ်များ

Matiyu 20:26

Kɛɛ a do man kan ka kɛ ten ài tɛma. Mafɔ, mɔɔ min y'a fɛ ka kɛ mɔɔba le ài lɔ, fɔ wo tii yi kɛ àiya bɔiden ne le.

Luka 14:10

Wo le y'a ma, ni ai k'i kili, i t'i sii kɔfɛ. Wo vɛ kɛla, mɔɔ min n'i kilila, wo natɔ a fɔla i yɛ, a vɛɛ: ‹Ǹ tɔva, i wuli, i t'i sii ɲafɛ.› Ado i kɛtɔ buɲa sɔlɔnna mɔɔ kilinin bɛ ɲakɔlɔ.

Yohana 15:17

Ǹ'ài jamalila min na, wo le ài ɲɔɔ kanu.

Yohana 17:21

fɔsa ai bɛ yi kɛ kelen ne, iwo ile ǹ Fa kafonnin ǹ kan teme, ani ǹe gbu kafonnin i kan teme. Diɲa ailu fana yi kafon mɔ kan ten, fɔsa dunuɲa yi limaniya k'a fɔ ko ile le na ǹ kelayala.

Kɛkolu 4:32

Limaniyajama bɛ bɛnnin tɛɛ a lɔ ai josokun ni ai miliya lɔ. Wo lɔ, mɔɔ mɔɔ tɛɛ tɛ a bolofennu jatela ale kelen ta le, mafɔ k'ai dɛn ai bolofennu la.

Lɔmukalu 13:7

Wo ma, ài yi mɔɔ kelenkelenna bɛ sala iwo ai ka kan k'a sɔlɔn teme. Ni a ka kɛ kɔnzɔn ni niisɔɔnsalako le, ài yi wolu sala. Ni a do ka kɛ buɲa ni magbiliyaliko le, ài yi wo tii buɲa k'a magbiliya.

Galatiyakalu 5:13

Àilu koni m̀ badenmalu, Ala n'ài kilila ài lafɛlɛko le lɔ. Kɛɛ àiya lafɛlɛ wo kà kɛ sabu le k'ài bila ài falikolo ladiyanankolu kɔ, mafɔ ài ɲɔɔ madɛmɛn kanundeya boloma.

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Filipikalu 2:3

Ài kà ko ko si kɛ jɛlɛlafisaya boloma niwotɛ fannɔbaya, mafɔ ài y'ài fanmajii ka dɔlu ta iwo ai fisayanin vɛ ài le.

Kɔlɔsikalu 1:4

Kamasɔlɔn mɔ v'a mɛn ko ài limaniyanin Masa Tɔɔmasenin Isa ma teme ani àiya kanundeya, ài yi min jiyala mumininnu bɛ la.

1 Tɛsalonikakalu 4:9

Dailu tɛ a la butu k'a fɔ ko mɔɔ dɔ yi sɛvɛ lataa ài ma ka bɛn ɲɔɔkanuko ma, kamasɔlɔn Ala vɛ ài kalan ka bɛn ɲɔɔkanuko ma.

2 Tɛsalonikakalu 1:3

Mɔ badenmalu, a bɛnyine m'i kɛ Ala balika bɔla waate bɛ àiya ko lɔ, kamasɔlɔn àiya limaniya yi wala kan bɛlɛbɛlɛ kɛ, a dɔ le yi lala àiya ɲɔɔkanu kɔkan kudein.

Hebululu 13:1

Ài yi to i ɲɔɔ kanula badenmaya boloma.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

1 Piyɛli 2:17

Ài yi bɛ buɲa, k'ài badenmalu kanu. Ài yi siyan Ala ɲa, ka masakɛ buɲa.

1 Piyɛli 5:5

Wo boloɲa kelen ma, àilu fɔningelu y'ài fanmajii kɛmɔbalu yɛ. Ài bɛ i ɲɔɔ madɛmɛn fanmajii boloma, kamasɔlɔn a sɛvɛnin kitabu kɔnɔ, ko: «Ala yi mɔɔ fannɔbalu le kɛlɛla, kɛɛ a yi nɛɛma le dila mɔɔ fanmajiininnu ma.»

2 Piyɛli 1:7

ka badenmaya la àiya Alaɲasiyanɲɛ kɔkan, ani ka kanundeya la àiya badenmaya kɔkan.

1 Yohana 4:11

Ǹ diyananmɔɔlu, komi Ala vɛ mɔ kanu boloɲa wo ma, wo lɔ, fɔ ǹu fana y'i ɲɔɔ kanu.

1 Yohana 4:20

Ni mɔɔ min k'a fɔ ko a yi Ala kanula, k'a talan a a badenma lagbeyaɲɛla, faɲafɔba le wo tii le. Kamasɔlɔn mɔɔ min tɛ a badenma kanula, a ɲa yi min na, wo tii tɛ se Ala kanula, a ɲa tɛ min na.