Lɔmukalu 12:1 - Ala Ya Salatikan Kula Kitabu

¹ M̀ badenmalu, ǹ'ài madiyala ka bɛn Ala ya henandeya ba ma ài yɛ, ǹ ko, ài y'ài jɛlɛ di Ala ma iwo salaka ɲɛnɛma, Ala a bolo siila salaka sɛnɛyanin min suu kɔlɔ. Wo do yi batokɛɲa bɛlɛbɛlɛ le le, ài ka kan ka min kɛ.

Lɔmukalu 12:1 ပူးပေါင်းရင်းမြစ်များ

Luka 7:47

Wo lɔ saa, ǹ'a fɔ i yɛ, moso min ya julumbu siyama bɛ lɔ vɛ koto ka bɛn aa kanundeya wala jate ma. Kɛɛ do, ni a dɔni lɔ ka koto mɔɔ min yɛ, wo tii ya kanundeya dɔɔyatɔle fana.»

Lɔmukalu 12:2

Ài k'ài suma dunuɲakolu ma, mafɔ ài yi diɲa Ala y'ài miliya mafalin ka hangili kula di ài ma. Wo vɛ kɛla, ài kɛtɔ Ala sawo lɔnna, min keinyanin, ani min diyanin a yɛ, ani min dafanin.

Lɔmukalu 15:16

ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

Lɔmukalu 15:30

M̀ badenmalu, ǹ'ài madiyala mɔ Tii Masa Tɔɔmasenin Isa tɔɔ lɔ ani Nii Sɛnɛyanin ya kanundeya, ǹ ko, ài y'ài lɔja ka Ala dali ǹ yɛ kosɛvɛ,

Lɔmukalu 2:4

Niwotɛ, i jɔyine Ala ya ɲumaya ba ma, ani aa sɔniyali ni aa sawali? Jalasa i m'a lɔn ko Ala ya ɲumaya le ka kan ka kɛ sabu le i i jɛlɛ lasei a ma?

Lɔmukalu 6:13

Ài k'ài falikolo fan suu suu di julumbu ma k'a kɛ telenbaliyakokɛfen ne. Mafɔ, ài y'ài jɛlɛ di Ala ma iwo mɔɔ minu wulinin ka bɔ saya lɔ, k'ài falikolo fan bɛ don Ala bolo k'ai kɛ kolatelenninkɛfen ne.

Lɔmukalu 6:16

Ài m'a lɔn ni ài k'ài jɛlɛ di mɔɔ min ma iwo jɔn k'a kumakan labato, wo vɛ kɛla, ài vɛ kɛ wo tii ma ya jɔn ne? Ni ài vɛ kɛla jɔnya lɔ julumbu bolo, wo laban yi saya le le. Ni ài do vɛ kɛla jɔnya lɔ Ala bolo k'a kumakan labato, wo laban yi telenmandeya le le.

Lɔmukalu 6:19

Ǹe do yi kumala adamadenya bolo le ma ka bɛn ài falikolo ya fangandanya ma. Waate lɔ, ài n'ài falikolo fannu bilala kokɔsɔninnu ni seliyatiɲakolu ya jɔnya le lɔ, ka to a dɔ lala àiya koyonnu kɔkan kudein. Kɛɛ tandainɔ, fɔ ài y'ài falikolo fannu bɛ bila telenmandeya ya jɔnya lɔ ten ne, min laban yi sɛnɛyali le.

Lɔmukalu 9:23

A na wo kɛla fɔsa a aa magbiliyali wala jate jiya dɔ mɔɔlu la, a na henala minu la k'ai lɔbɛn magbiliyali sɔlɔnko lɔ ka ta waate jaan ma.

1 Kolɛntikalu 1:10

M̀ badenmalu, ǹ'ài madiyala mɔ Tii Masa Tɔɔmasenin Isa tɔɔ lɔ, ǹ ko, ài yi bɛn a lɔ, fɔsa falanɲɔɔya kana don ài tɛma, mafɔ ài yi kɛ kelen ne ài miliya ni àiya kolatɛɛnin bɛ lɔ.

2 Kolɛntikalu 10:1

Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma.

2 Kolɛntikalu 4:1

Komi baale min kalifanin mɔ la ka bɛn Ala ya henandeya le ma, wo le y'a ma, mɔ falilɔ tɛ teeyala.

2 Kolɛntikalu 4:16

Wo le y'a ma, mɔ jei tɛɛnin tɛ. Hali ni mɔ falikolo fanga ma ka kɛ jiila, mɔ nii yi kɛla a kula le tele o tele.

2 Kolɛntikalu 5:20

Ǹu le taanin kɛla Masa Tɔɔmasenin ɲa le, ka kɛ iwo Ala yi ǹu le labaalela mɔɔlu kiliko lɔ. M'ài madiyala Masa Tɔɔmasenin tɔɔ lɔ, mɔ vɛɛ: «Àilu ni Ala wotɛ yi bɛn!»

2 Kolɛntikalu 6:1

Komi Ala baalekɛɲɔɔ le mɔ le, wo lɔ, m'a fɔla ài yɛ k'a magbeleya ko ài na nɛɛma min sɔlɔnna Ala bolo, ài kà diɲa wo yi kɛ kofuun ne.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Ɛfɛsikalu 5:10

Ài y'ài lɔja ka mɔ Tii ladiyanankolu lɔn.

Filipikalu 1:20

Ǹ jii y'a ma le bubale ko foi tɛnala kɛla ǹa maloyako le, mafɔ m̀ wakalinin totɔ feu tandainɔ ani waate bɛ, fɔsa ǹ'i Masa Tɔɔmasenin buɲa ǹ falikolo bɛ le, ǹa niimaya lɔ, niwotɛ ǹa saya lɔ.

Filipikalu 2:17

Ài limaniyanin teme Ala ma k'àiya ko bɛ di a ma, wo kɛyine iwo salaka min la yi sena Ala ma. Tumadɔ fɔ ǹe gbu jeli yi bɔn àiya salaka kɔkan, iwo fen min yi niila. Wo vɛ kɛla, ǹ kɔnɔ kɛtɔ diyala, ado ǹ'i sawale ài fɛ.

Filipikalu 4:18

Ài na fen fen si lanala m̀ ma, ǹ na wo bɛ le yena. Ài na samalifen min donna Ɛpafolodite bolo, wo le na ǹ ɲɛnɛla ka m̀ mako laɲia bubale. Wo kɛyine iwo salaka min suma diyanin, Ala a bolo siila a ladiyanan salaka suu min kɔlɔ.

1 Tɛsalonikakalu 4:1

Mɔ badenmalu, ka maa kuma laban, mɔ vɛ ban ài kalanna k'a fɔ ko ài ka kan ka taama teme, fɔsa àiya ko yi diya Ala yɛ. Tuɲa le, ài yi wo le la yi ne. Kɛɛ m'ài madiyala mɔ Tii Isa tɔɔ lɔ k'a magbeleya ko ài y'ài lɔja k'a dɔ la wo kɔkan.

1 Tɛsalonikakalu 4:10

Tuɲa le, ài yi wo le kɛla ài badenmalu bɛ yɛ Masaduwani koovi fan bɛ lɔ. Kɛɛ m'a fɔla ài yɛ k'a magbeleya ko ài y'a dɔ la kanundeya wo kɔkan kudein.

1 Tɛsalonikakalu 5:12

Mɔ badenmalu, m̀'ài madiyala ko ài yi mɔɔlu magbiliya minu yi baale gbɛlɛn kɛla ài tɛma, ka kuntiiya kɛ ài kunna, k'ài lali ani k'ài kalan mɔ Tii ya ko la.

1 Timote 2:3

Wo le bɛnnin, ado wo le diyanin mɔ Lakisiba Ala yɛ,

1 Timote 5:4

Kɛɛ ni dennu ka kɛ kɛsamoso min bolo, niwotɛ mamanilu, fɔ den wolu yi Alaɲasiyanɲɛ jiyaɲa lɔn kunfɔlɔ le ka bɛn aiya demayalu minaɲa ma. Ai banu na min bɛ kɛla ai yɛ, ailu yi wo ɲɔɔzii kɛ, kamasɔlɔn wo le diyanin Ala yɛ.

Filemɔn 1:10

Ǹ'i madiyala ka bɛn ǹ denkɛ Onɛsimu ma, m̀'ɛ kɛ min fa le limaniya lɔ kasobon na jan.

Filemɔn 1:9

kɛɛ a diyayine ǹ yɛ ǹ'i madiya kanundeya boloma, ǹe Pɔli min yi kɛmɔba le ani kasoden butu ka bɛn Masa Tɔɔmasenin Isa ya ko ma.

Hebululu 13:22

M̀ badenmalu, ǹ'ài madiyala, ài y'ài bolo sii ài sɛmɛdon kuma minu kɔlɔ, kamasɔlɔn ǹ na kuma dana le sɛvɛla ài ma dein.

1 Piyɛli 2:20

Ni ài do ka gbasili mina ài ma ka bɛn àiya koyonkɛko ma, jalasa wo y'ài matanuko le le? Kɛɛ do, ni ài ka tɔlɔya mina ài ma ka bɛn àiya koɲumakɛko ma, wo yi kobɛnnin ne le Ala ɲakɔlɔ.

1 Piyɛli 2:5

Àilu fana kɛyine iwo kawakulun niimalu, Ala yi minu siisiila i ɲɔɔ kɔkan k'a kɛ a ta bon ne, ani Nii Sɛnɛyanin makɛya. Ala ya bon wo kɔnɔ, ài kɛtɔ kɛla salakalaseba sɛnɛyanin ne le, fɔsa ài yi kɛ Ala ladiyanan salakalu lasena a ma ka bɔ ài josokun nɔ Masa Tɔɔmasenin Isa sabu la.