Lɔmukalu 11:25 - Ala Ya Salatikan Kula Kitabu

²⁵ M̀ badenmalu, jani ài y'ài jɛlɛ jate hangilima le, ǹ'a fɛ ài yi kɛ gbonoko min kalama: Bani Isilankalu fan kelen kunnɔ vɛ gbeleya, haan fɔɔ siboloma gbɛlɛ mɔɔlu jate dafanin yi don Ala ya masaya lɔ.

Lɔmukalu 11:25 ပူးပေါင်းရင်းမြစ်များ

Matiyu 13:11

Isa k'ai javi, a vɛɛ: «Haijɛnɛ masaya gbonolu lɔnni vɛ di àilu ma, kɛɛ a ma di a dɔlu ma.

Luka 21:24

Ai dɔlu faatɔ siyamifan ne, ani a dɔlu fana minatɔ jɔnya boloma ka taa ai le jamana bɛ lɔ. Wo vɛ kɛla, Jelusalɛmu lɔ kɛtɔ tiɲala siboloma gbɛlɛ Alalɔnbalilu bolo haan fɔɔ aiya waate vɛ dafala.

Yohana 10:16

Saa gbɛlɛlu yi m̀ bolo, minu tɛ wɛlɛ min nɔ. Fɔ ǹ'i na wolu fana le. Ai do kɛtɔ ǹ kan mɛnna. Wo vɛ kɛla, ai bɛ kɛtɔ saa kulu kelen ne le, k'ai kɛ saakunnasiiba kelen bolo.

Lɔmukalu 1:13

M̀ badenmalu, ǹ'a fɛ ài y'a lɔn ko m̀'ɛ a latɛɛ siɲa siyama le ko ǹ natɔ ài fɛlɔ, kɛɛ m̀ ma siya sɔlɔn ba bene hali bi. Ǹ'a fɛ ǹ'i na fɔsa àilu fana yi ǹa baale nafa dɔ sɔlɔn, iwo siboloma gbɛlɛ mɔɔ tɔlu na a nafa sɔlɔnna teme.

Lɔmukalu 11:12

Bani Isilankalu filiko na kɛla dunuɲa ya nɛɛma sɔlɔnko sabu le, ani ai benko na kɛla siboloma gbɛlɛ mɔɔlu nafako le le. Wo lɔ saa, ni ai dafanin k'ai fannɔsei Ala ma, wo nɛɛma tɛnala walala ka timin a kunfɔlɔ ta la?

Lɔmukalu 11:24

Ni ile min tɛɛnin ka bɔ tuukɔlɔ kɔlɔman ma, i vɛ fasa zeitunaju sɛnɛnin ma, k'a talan ile ni wo tɛ suu kelen ne, a lagbɛyine feu ko kɔlɔman sɛnɛnin bolo bɛlɛbɛlɛlu fasako nɔyatɔle ka timin ile ta la.

Lɔmukalu 12:16

Bɛn yi kɛ ài wotɛ. Ài k'ài fannɔbuɲa, mafɔ diɲɔɔya yi kɛ àilu ni bolomadɔɔlu wotɛ. Ài k'ài jɛlɛ jate hangilima le feu.

Lɔmukalu 16:25

Tanuli yi Ala yɛ, a see yi min yɛ k'ài lasawati limaniya lɔ iwo ǹ na kawanili kɛla teme ǹa Samakan Kein nɔ ka bɛn Masa Tɔɔmasenin Isa ma. Ala ya gbonoko le wo le, a na min doonna waate timinninu kɔlɔ,

Lɔmukalu 9:18

Wo ma yi ne, Ala yi henala mɔɔ le la min v'a diyala, ani ka mɔɔ kɛ kataigbɛlɛn ne min v'a diyala.

1 Kolɛntikalu 10:1

M̀ badenmalu, ǹ'a fɛ k'ài hangili bila ko dɔ lɔ, min na kɛla mɔ bemanu la minu tɛɛ Nabi Musa kɔ. Ala ka sanbiliya lajɛlɛ ai kunma ka siya jiya ai la, ani ai bɛ ka kɔɔji tɛɛ duu jalan kɔkan.

1 Kolɛntikalu 12:1

M̀ badenmalu, ài na ɲiningali min kɛla ǹ na ka bɛn senkolu ma, Nii Sɛnɛyanin yi minu dila, ǹ t'a fɛ ài yi to divi lɔ ka bɛn wolu ma.

1 Kolɛntikalu 2:7

Ǹu do yi Ala ya hangilimaya le lasena, min kɛnin aa gbonoko doonnin ne, a na min latɛɛla jani dunuɲa tɛɛ dan maa magbiliyali sɔlɔnko lɔ.

1 Kolɛntikalu 4:1

Wo le y'a ma, fɔ ài yi mɔ jate Masa Tɔɔmasenin ya bɔidennu le, Ala ya gbonokolu kalifanin minu la.

Ɛfɛsikalu 1:9

ka mɔ lalɔnni aa kojatesii doonnin na, a tɛɛ vɛ min latɛɛ ka bɛn Masa Tɔɔmasenin ma kɔlɔkɔlɔ le.

Ɛfɛsikalu 3:9

Ado Dannimasa Ala tɛɛ vɛ jatesiili min doon ka ta waate jaan timinninu ma, ko ǹ'i gbonoko wo lankɛnɛmaya bɛ yɛ,

Ɛfɛsikalu 4:18

Aiya koɲaye lɔdiviyine, k'ai majaan Ala ya niimaya la, ka bɛn aiya kolɔnbaliya ni aiya josokunja ma.

2 Piyɛli 3:8

Ǹ diyananmɔɔlu, ài kà jɔ tuɲa min ma, k'a fɔ ko tele kelen kɛyine iwo sanji waa kelen (1 000) mɔ Tii ɲana, ani sanji waa kelen (1 000) kɛyine iwo tele kelen.

Ko Lankɛnɛmayanin 1:20

I na loloni wolowulan minu yena m̀ bolokini la, ani i na sanu fitinasiifen wolowulan minu yena, wolu gbonoko kɔlɔ le min ne: Loloni wolowulan, wolu yi limaniyajama wolowulan ya mɛlɛkalu le le. Ado fitinasiifen wolowulan, wolu yi limaniyajama wolowulan ne le.

Ko Lankɛnɛmayanin 10:7

Kɛɛ ni mɛlɛka wolowulanna ka a ta buulu fɛ lon min na, wo vɛ kɛla, Ala kɛtɔ aa gbonoko latɛɛnin kɛla iwo a n'a fɔla teme kelalu yɛ, aa bɔidennu.»

Ko Lankɛnɛmayanin 11:15

Mɛlɛka wolowulanna ka a ta buulu fɛ mingɛ, kumakan ba dɔlu ka bɔ haijɛnɛ kɔnɔ, wolu vɛɛ: «Dunuɲa masaya vɛ kɛ mɔ Tii ni aa Masa Tɔɔmasenin ta le. A do totɔle masaya la habadan!»

Ko Lankɛnɛmayanin 7:9

Wo timin kɔ, ǹ ka to kolasaala ka jama siyama ba ye, minu walanin tɛɛ haan fɔɔ mɔɔ tɛɛ tɛ se ai kɔndɛ jate lɔnna. Mɔɔ wolu bɔnin tɛɛ siboloma bɛ le lɔ, ani kabila bɛ, ani jamana bɛ, ani minu tɛɛ kan suu bɛ dɔ fɔla. Ai tɛɛ lɔnin masayasiifen ni Saa Bolan ɲafɛla lɔ, pipɔ gbɛ vɛ ai kanna, ani ten bululu vɛ ai bolo.