Lɔmukalu 11:2 - Ala Ya Salatikan Kula Kitabu

² Ala m'i ban aa mɔɔlu lɔ, minu lɔnnin tɛɛ a bolo ka ta a damina ma. Ài m'a lɔn min sɛvɛnin kitabu kɔnɔ ka bɛn Nabi Iliya ma, a k'i makasi Ala yɛ teme Bani Isilankalu kanma?

Lɔmukalu 11:2 ပူးပေါင်းရင်းမြစ်များ

Malɛkɛ 12:26

Fulenilu lawuliko koni, Nabi Musa na kɔlɔmanjuni taalamaa taliku min sɛvɛla, jalasa ài ma wo kalan ba? Ala k'a fɔ Nabi Musa yɛ, a vɛɛ: ‹Ǹe le Ala le min yi batola Ibulahima ni Isiyaka ani Janguba bolo.›

Luka 4:1

Nii Sɛnɛyanin ka to Isa fɛ kosɛvɛ. A tɛɛ seikɔla mingɛ ka bɔ Julidɛn kɔɔ dala, Nii Sɛnɛyanin ka bila a ɲa ka taa a le fuwa lɔ,

Yohana 4:11

Moso vɛɛ: «Ǹ Kuntii, jitafen t'i bolo, kɔlɔn do lɔjiinin. I kɛtɔ niimaya ji wo sɔlɔnna mineja?

Kɛkolu 13:48

Siboloma gbɛlɛ mɔɔlu ka wo mɛn mingɛ, ai bɛ ka sawa ka mɔ Tii kumakan buɲa, ado niimaya banbali latɛɛnin tɛɛ mɔɔ minu ma, wolu bɛ ka limaniya.

Kɛkolu 15:18

min lɔnnin m̀ bolo kɔlɔkɔlɔ le.› »

Kɛkolu 3:17

«M̀ badenmalu, ǹ k'a lɔn ài na ko min kɛla Isa la kolɔnbaliya le boloma, àilu ni àiya ɲamɔɔlu.

Kɛkolu 7:40

Wo ma, ai vɛɛ Sedina Haluna yɛ: ‹I yi tii dɔlu ladan mɔ yɛ, minu kɛtɔ bilala mɔ ɲa. Mɔ do m'a lɔn ko min kɛnin Musa wo la, min nanin mɔ le ka bɔ Misilan.›

Lɔmukalu 6:16

Ài m'a lɔn ni ài k'ài jɛlɛ di mɔɔ min ma iwo jɔn k'a kumakan labato, wo vɛ kɛla, ài vɛ kɛ wo tii ma ya jɔn ne? Ni ài vɛ kɛla jɔnya lɔ julumbu bolo, wo laban yi saya le le. Ni ài do vɛ kɛla jɔnya lɔ Ala bolo k'a kumakan labato, wo laban yi telenmandeya le le.

Lɔmukalu 9:23

A na wo kɛla fɔsa a aa magbiliyali wala jate jiya dɔ mɔɔlu la, a na henala minu la k'ai lɔbɛn magbiliyali sɔlɔnko lɔ ka ta waate jaan ma.

Lɔmukalu 9:6

A tɛ k'a fɔ ko Ala kumakan koliyine, kamasɔlɔn mɔɔ minu bɛ yi bema Isilan bɔzɔn ne, wolu bɛ tɛ Bani Isilanka bɛlɛbɛlɛ le.

1 Kolɛntikalu 6:2

Ài m'a lɔn ko mumininnu le kɛtɔ dunuɲa kititɛɛba le? Komi ài kɛtɔ dunuɲa kititɛɛba le le, jalasa a see tɛ ài yɛ ka ko dennilu ɲabɔ?

1 Kolɛntikalu 8:3

Kɛɛ ni mɔɔ mɔɔ ka Ala kanu, Ala ka wo tii lɔn ne.

Filipikalu 1:22

Ni ǹ ka to ǹ nii la ǹ falikolo lɔ, ǹ'i sene ka baale nafata dɔ kɛ. Wo lɔ, ǹ'i min ta ko fila minu lɔ, m̀ ma wo lɔn!

Hebululu 1:1

Kɔlɔkɔlɔ le, Ala ka kuma mɔ bemanu yɛ kelalu lɔ boloɲa siyama ma ani siɲa siyama le.

1 Piyɛli 1:2

Ka bɛn mɔ Fa Ala ya kojatesiininnu ma, a n'ài tala mɔɔlu tɛma kɔlɔkɔlɔ le k'ài kɛ mɔɔ sɛnɛyanin ne Nii Sɛnɛyanin sabu la, fɔsa ài yi kolo Masa Tɔɔmasenin Isa yɛ k'ài lasɛnɛya ka bɛn a jeli bɔnko ma. Nɛɛma ni josolajii la yi sawati ài yɛ bɛlɛbɛlɛ kɛ.