Lɔmukalu 10:8 - Ala Ya Salatikan Kula Kitabu

⁸ Kɛɛ mindɛ le sɛvɛnin je? A vɛɛ: «Ala kumakan masulunyanin i la, a y'i da, ani a y'i josokun nɔ.» Kumakan wo yi limaniya kuma le le, m'i min lasena.

Lɔmukalu 10:8 ပူးပေါင်းရင်းမြစ်များ

Kɛkolu 10:43

Seleya dinin ka bɛn a ma kelalu bɛ bolo, ko ni mɔɔ mɔɔ ka limaniya a ma, wo tii ya julumbulu lɔ yi kotole a tɔɔ sabu la.»

Kɛkolu 16:31

Pɔli ni Silasi k'a javi, ai vɛɛ: «I yi limaniya mɔ Tii Isa ma. Wo vɛ kɛla, i yi kisile, ile ni iya bonnamɔɔlu bɛ.»

Lɔmukalu 10:17

Wo le y'a ma, mɔɔ yi limaniya sɔlɔnna tolomalɔ le fɛ, mɔɔ do yi min mɛnna, wo yi bɔla Masa Tɔɔmasenin kumakan ne lɔ.

Galatiyakalu 3:2

Ǹ'a fɛ k'ài maɲininga ko kelen min na, wo le ne: Ài na Nii Sɛnɛyanin sɔlɔnna ka bɛn àiya seliya latelenko le ma, baa ài na Samakan Kein le mɛnna ka limaniya a ma?

Galatiyakalu 3:5

Ala min yi Nii Sɛnɛyanin dila ài ma ka kawanankolu labaale ài tɛma, jalasa a yi wo kɛla ka bɛn àiya seliya latelenko le ma, baa ài na Samakan Kein le mɛnna ka limaniya a ma?

Ɛfɛsikalu 5:26

fɔsa a aa limaniyajama bila a ta fan a jɛlɛ yɛ, a ban kɔ wo lasɛnɛyala ji le ka bɛn a kumakan ma.

1 Timote 4:6

Ni i ka ko minu lase mɔ badenmalu ma, i kɛtɔ kɛla Masa Tɔɔmasenin Isa ya bɔiden ɲuma le le, k'a jiya ko i balonin limaniya kuma ni kalan bɛlɛlu le la, i bilanin minu kɔ.

1 Piyɛli 1:23

Kamasɔlɔn ài ma sɔlɔn kula kɛ sɛnɛfensi tiɲata sabu la, mafɔ sɛnɛfensi tiɲabali, min kɛnin Ala kumakan ɲɛnɛma le, min yi je kudein.

1 Piyɛli 1:25

kɛɛ mɔ Tii kumakan yi je kudein.» Kumakan wo yi Samakan Kein ne le, min la ka se ài ma.