Lɔmukalu 10:19 - Ala Ya Salatikan Kula Kitabu

¹⁹ Ǹ'i ɲiningali kɛla kɔtunun, ǹ ko: Jalasa Bani Isilankalu ma Ala kumakan ɲaye? Nabi Musa le na wo javila kunfɔlɔ le, a vɛɛ: «Ǹ kɛtɔ ài kɛla keleyatɔlu le ka bɛn mɔɔ wolu ma, minu tɛ siboloma le. Ado ǹ kɛtɔ ài lamɔnɛla ka bɛn siboloma hangilindan ne ya ko ma.»

Lɔmukalu 10:19 ပူးပေါင်းရင်းမြစ်များ

Lɔmukalu 10:18

Wo ma, ǹ'i ɲiningali kɛla, ǹ ko: Jalasa Jahudiyalu ma kuma wo mɛn? Ai v'a mɛn jɔ! Kamasɔlɔn a sɛvɛnin kitabu kɔnɔ, ko: «Kawanilikɛbalu kumakan vɛ jɛzɛn duukolo fan bɛ lɔ, ado aiya kumalu vɛ se haan fɔɔ dunuɲa dan na.»

Lɔmukalu 11:11

Wo ma yi ne, ǹ'i ɲiningali kɛla, ǹ ko: Bani Isilankalu sen ka tuu mingɛ, jalasa ai ma se ai wulila butu? Wo tɛ dɛ! Mafɔ, ai filiko le na kɛla sabu le kisiko vɛ se siboloma gbɛlɛ mɔɔlu ma, fɔsa keleya yi Bani Isilankalu mina.

Lɔmukalu 11:14

fɔsa keleya yi ǹ jɛlɛkanu mɔɔlu mina, tumadɔ wo yi kɛ ai dɔlu kisiko sabu le.

Lɔmukalu 3:26

A na wo kɛla aa telenmandeya jiyako le lɔ waate min nɔ, ani k'a jiya ko telenmande le a le, a do yi mɔɔlu jatela telenmande le minu limaniyanin Isa ma.

1 Kolɛntikalu 1:12

N'i min fɔla yi ne, wo le min ne: A dɔ vɛɛ ko: «Ǹe yi Pɔli le fɛ.» A dɔgbɛlɛ vɛɛ ko: «Ǹe yi Apolosi le fɛ.» A dɔgbɛlɛ vɛɛ ko: «Ǹe yi Piyɛli le fɛ.» A dɔgbɛlɛ vɛɛ ko: «Ǹe yi Masa Tɔɔmasenin le fɛ.»

1 Kolɛntikalu 10:19

Ǹ'i min fɔla yi ne, jalasa wo kɔlɔ le ko joosɔsoo ni joo wolu yi fen kaalama le le?

1 Kolɛntikalu 11:22

A yi di vɛ? Bon tɛ ài bolo, ài yi dɔnni kɛ k'i min tɛɛminja? Jalasa ài y'a fɛ ka Ala ya limaniyajama lafeya ka bolokolonnu lamaloya? Ǹ'i mindɛ fɔ ài yɛ wo lɔ? Ǹ'ài matɔɔ wo lɔ? Ǹ tɛ wo kɛ feu!

1 Kolɛntikalu 12:2

Ài k'a lɔn ne ko ài tɛɛ Alalɔnbali le waate min nɔ, ài la ka fili boloɲa suu bɛ dɔ ma k'ài bila joo dandannu kɔ.

1 Kolɛntikalu 15:50

M̀ badenmalu, ǹ'i min fɔla yi ne, wo kɔlɔ le ko mɔ falikolo min yi bu ni jeli le, wo tɛ se donna Ala ya masaya lɔ, ado fen tiɲata fɛ tɛ se kɛla fen tiɲabali la.

1 Kolɛntikalu 7:29

M̀ badenmalu, ǹ kan yi min ma, wo le ne: Dunuɲa laban ma vɛ sulunya. Wo lɔ, ka ta bi ma, kɛ́ mosotiilu yi kɛ iwo moso tɛ ai bolo.

Tite 3:3

Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.

1 Piyɛli 2:10

Waate lɔ, Ala ya mɔɔ tɛɛ tɛ ài le, kɛɛ ài vɛ kɛ aa mɔɔ le butu. Ài do tɛɛ ma aa henandeya sɔlɔn, kɛɛ ài v'a sɔlɔn yi ne.