Lɔmukalu 10:17 - Ala Ya Salatikan Kula Kitabu

¹⁷ Wo le y'a ma, mɔɔ yi limaniya sɔlɔnna tolomalɔ le fɛ, mɔɔ do yi min mɛnna, wo yi bɔla Masa Tɔɔmasenin kumakan ne lɔ.

Lɔmukalu 10:17 ပူးပေါင်းရင်းမြစ်များ

Malɛkɛ 4:24

Isa vɛɛ ai yɛ kɔtunun: «Ài tolomalɔ kobɛn k'ài mili min ma. Ài yi sumali kɛla ài mɔɔɲɔɔlu yɛ teme, Ala fana kɛtɔ sumali kɛla ài yɛ ten ne, k'a dɔ la wo kɔkan.

Luka 11:28

A do vɛɛ a yɛ: «Mɔɔ minu y'ai tolomalɔla Ala kumakan na k'a labato, wolu le koni yi duwawuden ne.»

Luka 8:11

«Sana wo kɔlɔ le min ne: Malo yi Ala kumakan ne le.

Luka 8:21

A do k'ai javi, a vɛɛ: «Mɔɔ mɔɔ vɛ Ala kumakan mɛnna k'a labato, wolu le m̀ ba ni ǹ dɔɔkɛlu le.»

Yohana 1:37

Yaya kɔbiladen mɔɔ fila ka aa kuma wo mɛn mingɛ, ai do vɛ bilala Isa kɔ.

Lɔmukalu 1:16

Ǹ tɛ maloyala Samakan Kein ya ko lɔ, kamasɔlɔn Ala ya seetiiya le wo le min yi nala kisiko le Isa malimaniyamɔɔlu bɛ yɛ, ka damina Jahudiyalu ma ani siboloma gbɛlɛ mɔɔlu fana.

Lɔmukalu 10:14

Kɛɛ ai kɛtɔ a tɔɔ kilila di vɛ, ni ai ma limaniya a ma? Ai kɛtɔ limaniyala a ma di vɛ, ni ai ma aa ko mɛn? Ai do kɛtɔ aa ko mɛnna di vɛ, ni mɔɔ ma ai kawani?

2 Kolɛntikalu 2:17

Mɔ do kɛnin tɛ iwo dɔ mɔɔ siyama minu yi Ala kumakan kɛla julayafen ne, mafɔ mɔɔ sɔvɛ le mɔ le, minu yi kumala Ala ɲakɔlɔ Masa Tɔɔmasenin ya see lɔ, iwo mɔɔ minu kelanin Ala bolo.

Galatiyakalu 3:2

Ǹ'a fɛ k'ài maɲininga ko kelen min na, wo le ne: Ài na Nii Sɛnɛyanin sɔlɔnna ka bɛn àiya seliya latelenko le ma, baa ài na Samakan Kein le mɛnna ka limaniya a ma?

Galatiyakalu 3:5

Ala min yi Nii Sɛnɛyanin dila ài ma ka kawanankolu labaale ài tɛma, jalasa a yi wo kɛla ka bɛn àiya seliya latelenko le ma, baa ài na Samakan Kein le mɛnna ka limaniya a ma?

Kɔlɔsikalu 3:16

Masa Tɔɔmasenin kumakan yi sawati ài tɛma boloɲa bɛ ma, ài v'i ɲɔɔ kalanna k'i ɲɔɔ lali hangilimaya bɛ la, ani ka Zabuli kitabu dɔngililu la, ani baiti ni dɔngililu Nii Sɛnɛyanin yi minu dila, ka balika bɔ Ala yɛ ài josokun bɛ le.

1 Tɛsalonikakalu 2:13

M'i balika bɔla Ala yɛ waate bɛ ka bɛn min ne ma, kamasɔlɔn ài na Ala kumakan mɛnna mɔ da mingɛ, ài ma a jate iwo adamaden kumakan dein, mafɔ ài n'ài bolo siila a kɔlɔ iwo a yi teme bɛlɛbɛlɛ kɛ, min yi Ala kumakan ne. Wo le do yi baalela àilu limaniyamɔɔlu josokun nɔ.

Hebululu 4:2

Tuɲa le, Samakan Kein la ka se mɔ ma, iwo a la ka se Bani Isilankalu ma teme fuwa lɔ. Kɛɛ ai ka samakan min mɛn, wo ma foi ɲia ai ma, kamasɔlɔn ai m'ai bolo sii a kɔlɔ limaniya boloma.

1 Piyɛli 1:23

Kamasɔlɔn ài ma sɔlɔn kula kɛ sɛnɛfensi tiɲata sabu la, mafɔ sɛnɛfensi tiɲabali, min kɛnin Ala kumakan ɲɛnɛma le, min yi je kudein.

Ko Lankɛnɛmayanin 1:9

Ǹe ài badenma Yohana min y'ài lankan ne àiya jangatalu lɔ, ani àiya masaya, ani àiya sawali Masa Tɔɔmasenin ya kafonɲɔɔya lɔ, ǹ tɛɛ kaso la Patimɔsi kɔɔtɛmaduu lɔ ka bɛn Ala kumakan ne ma, ani Isa ya seleyakan.