Lɔmukalu 10:14 - Ala Ya Salatikan Kula Kitabu

¹⁴ Kɛɛ ai kɛtɔ a tɔɔ kilila di vɛ, ni ai ma limaniya a ma? Ai kɛtɔ limaniyala a ma di vɛ, ni ai ma aa ko mɛn? Ai do kɛtɔ aa ko mɛnna di vɛ, ni mɔɔ ma ai kawani?

Lɔmukalu 10:14 ပူးပေါင်းရင်းမြစ်များ

Matiyu 20:7

Ai do vɛɛ a yɛ: ‹Mɔɔ ma mɔ ta baaleko lɔ.› Wo lɔ, gbeletii vɛɛ ai yɛ: ‹Àilu fana yi taa baalekɛya lɔ ǹa gbele lɔ.›

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Yohana 9:36

A do ka Isa javi, a vɛɛ: «Ǹ Kuntii, jene wo le? I y'a jiya ǹ na fɔsa ǹ'i limaniya a ma.»

Kɛkolu 19:2

ka wolu maɲininga, a vɛɛ: «Ài na limaniyala waate min nɔ, jalasa Nii Sɛnɛyanin na jiila ài kɔkan?» Ai ka Pɔli javi, ai vɛɛ: «Ɛnɛn, kaipa mɔ ma Nii Sɛnɛyanin ko mɛn ba bene.»

Kɛkolu 8:31

A do vɛɛ Filipe yɛ: «Ni mɔɔ ma a kɔlɔ fɔ ǹ yɛ, ǹ'i se a ɲayena di?» A do k'a fɔ Filipe yɛ ko a yi jɛlɛ k'i sii a tɔɔfɛ soowotolo kɔnɔ.

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

Ɛfɛsikalu 2:17

A do ka na dunuɲa k'ài kawani josolajii la, àilu minu majaannin tɛɛ Ala la, ani ka Jahudiyalu fana kawani josolajii la, minu masulunyanin tɛɛ Ala la.

Ɛfɛsikalu 4:21

Ǹ jii y'a ma le k'a fɔ ko ài na Isa ya ko mɛnna k'ài kalan aa tuɲa la,

2 Timote 4:17

Kɛɛ mɔ Tii gbu le n'i lɔla ǹ fɛ ka ǹ sɛmɛdon, fɔsa ǹ tɛɛ se ka aa samakan dafanin lase siboloma gbɛlɛ mɔɔ wolu bɛ ma, ai tɛɛ a mɛn. Wo ma, ǹ ka kisi ka bɔ jala da.

Tite 1:3

Kɛɛ tandainɔ, Ala ya waate latɛɛnin nɔ, a v'a kumakan lankɛnɛmaya ǹa kawanili fɛ, min kalifanin ǹ na ka bɛn mɔ Lakisiba Ala ya jamali ma.

Hebululu 11:6

Ka bɔ limaniya kɔ, mɔɔ tɛ se diyala Ala yɛ feu. Ni mɔɔ min y'a fɛ k'i masulunya Ala la, fɔ wo tii yi limaniya k'a fɔ ko Ala yi je, ani a yi mɔɔlu balayila minu y'a ɲininna.

Janguba 5:15

Aladali min kɛtɔ limaniya lɔ, wo kɛtɔ jangalotɔ lakisila, ado mɔ Tii kɛtɔ a lawulila. Ni do a k'a talan a tɛɛ vɛ julumbu dɔlu ta, wo bɛ lɔ yi kotole.