Lɔmukalu 1:8 - Ala Ya Salatikan Kula Kitabu

⁸ Ǹ'i balika bɔla ǹ Tii Ala yɛ kunfɔlɔ le bene ài bɛ ya ko lɔ Masa Tɔɔmasenin Isa fɛ, kamasɔlɔn àiya limaniyako la yi sena dunuɲa fan bɛ lɔ.

Lɔmukalu 1:8 ပူးပေါင်းရင်းမြစ်များ

Matiyu 24:14

Samakan Kein min ka bɛn haijɛnɛ masaya ma, wo lasentɔ dunuɲa fan bɛ lɔ ka kɛ seleya le siboloma bɛ yɛ. Wo vɛ kɛla, dunuɲa laban yi sene vɛ.

Luka 2:1

Wo waate lɔ, Lɔmu masakɛba Ogusite ka jamali di aa jamana fan bɛ lɔ, ko mɔɔ bɛ yi taa i tɔɔ sɛvɛ.

Kɛkolu 11:28

Ai lɔ mɔɔ kelen min tɔɔ tɛɛ ko Agabusi, wo k'i lɔ ka kuma Nii Sɛnɛyanin sabu la k'a fɔ ko kɔɔn fitina kɛtɔ donna dunuɲa fan bɛ lɔ. Kelayakuma wo ma ka fa Lɔmu masakɛ ba Kulodi ya waate lɔ.

Kɛkolu 28:22

Kɛɛ m'a fɛ k'ile gbu lamɛn k'i miliya lɔn, kamasɔlɔn mɔ k'a lɔn i yi diina kula siya min kɔkan, mɔɔlu yi wo tɔɔ yon ne fɔla fan bɛ lɔ.»

Lɔmukalu 10:18

Wo ma, ǹ'i ɲiningali kɛla, ǹ ko: Jalasa Jahudiyalu ma kuma wo mɛn? Ai v'a mɛn jɔ! Kamasɔlɔn a sɛvɛnin kitabu kɔnɔ, ko: «Kawanilikɛbalu kumakan vɛ jɛzɛn duukolo fan bɛ lɔ, ado aiya kumalu vɛ se haan fɔɔ dunuɲa dan na.»

Lɔmukalu 16:19

Kɛɛ àilu koni, bɛ k'a lɔn ài yi Samakan Kein labatola teme. Wo lɔ, ǹ sawanin àiya ko lɔ. Kɛɛ ǹ'a fɛ le ài yi kɛ hangilima le koɲuma lɔ, ani k'ài fɛ bɔ koyon na.

Lɔmukalu 6:17

M'i balika bɔla Ala yɛ, kamasɔlɔn àilu minu tɛɛ julumbu ya jɔn ne kɔlɔman ne, ài vɛ kalan min latelen ài josokun bɛ la, min dinin ai ma.

1 Kolɛntikalu 1:4

Ǹ'i balika bɔla ǹ Tii Ala yɛ waate bɛ àiya ko lɔ ka bɛn aa nɛɛma ma, min dinin ài ma Masa Tɔɔmasenin Isa sabu la.

2 Kolɛntikalu 2:14

Kɛɛ ǹ'i balika bɔla Ala yɛ, min yi bilala mɔ ɲa kudein Masa Tɔɔmasenin ya seesɔlɔn taama lɔ. A do yi baalela mɔ fɛ ka Masa Tɔɔmasenin lɔnko lajɛzɛn fan bɛ lɔ, iwo wusulan suma yi jɛzɛnna fan bɛ lɔ teme.

Ɛfɛsikalu 1:15

Wo le n'a kɛla, ka ta ǹ k'àiya limaniyako mɛn mɔ Tii Isa ma, ani ài yi kanundeya jiyala teme mumininnu bɛ la,

Ɛfɛsikalu 1:16

ǹ'i balika bɔla àiya ko lɔ kudein, m̀'ɛ kɛla Ala dalila ài yɛ.

Ɛfɛsikalu 3:21

Tanuli y'a yɛ limaniyajama lɔ, ani Masa Tɔɔmasenin Isa ya kafonɲɔɔya lɔ, waate bɛ ani habadan. Amiina!

Ɛfɛsikalu 5:20

Ài yi kɛ balika bɔla mɔ Fa Ala yɛ waate bɛ ni ko bɛ lɔ, mɔ Tii Masa Tɔɔmasenin Isa tɔɔ lɔ.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Filipikalu 1:3

M̀'ɛ m̀ milila ài ma waate o waate, ǹ'i balika bɔla ǹ Tii Ala yɛ.

Kɔlɔsikalu 1:3

Mɔ vɛ kɛla Ala dalila ài yɛ, ale min kɛnin mɔ Tii Masa Tɔɔmasenin Isa Fa le, m'i balika bɔla a yɛ waate bɛ ka bɛn ài ma.

1 Tɛsalonikakalu 1:2

M'i balika bɔla Ala yɛ waate bɛ ài bɛ ya ko lɔ, ka to àiya ko fɔla a yɛ kudein maa Aladalilu lɔ.

1 Tɛsalonikakalu 2:13

M'i balika bɔla Ala yɛ waate bɛ ka bɛn min ne ma, kamasɔlɔn ài na Ala kumakan mɛnna mɔ da mingɛ, ài ma a jate iwo adamaden kumakan dein, mafɔ ài n'ài bolo siila a kɔlɔ iwo a yi teme bɛlɛbɛlɛ kɛ, min yi Ala kumakan ne. Wo le do yi baalela àilu limaniyamɔɔlu josokun nɔ.

2 Tɛsalonikakalu 1:3

Mɔ badenmalu, a bɛnyine m'i kɛ Ala balika bɔla waate bɛ àiya ko lɔ, kamasɔlɔn àiya limaniya yi wala kan bɛlɛbɛlɛ kɛ, a dɔ le yi lala àiya ɲɔɔkanu kɔkan kudein.

2 Timote 1:3

M̀'ɛ kɛla Ala dalila waate o waate, ǹ hangili yi tola i lɔ su ni tele. Ado ka bɛn iya ko ma, ǹ'i balika bɔla Ala yɛ, ǹ'i baale kɛla min yɛ jososɛnɛyanin boloma iwo m̀ bemanu tɛɛ a kɛla teme.

Filemɔn 1:4

M̀ badenma Filemɔn, m̀'ɛ kɛla Ala dalila waate o waate, ǹ'i balika bɔla a yɛ ka bɛn i ma,

Hebululu 13:15

Wo lɔ saa, ài m'i tanuli kɛ salaka le min la yi sena Ala ma waate bɛ ka bɛn Isa ma, mɔ v'i lɔla a tɔɔ la bala lɔ.

1 Piyɛli 2:5

Àilu fana kɛyine iwo kawakulun niimalu, Ala yi minu siisiila i ɲɔɔ kɔkan k'a kɛ a ta bon ne, ani Nii Sɛnɛyanin makɛya. Ala ya bon wo kɔnɔ, ài kɛtɔ kɛla salakalaseba sɛnɛyanin ne le, fɔsa ài yi kɛ Ala ladiyanan salakalu lasena a ma ka bɔ ài josokun nɔ Masa Tɔɔmasenin Isa sabu la.

1 Piyɛli 4:11

Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!