Lɔmukalu 1:30 - Ala Ya Salatikan Kula Kitabu

³⁰ ani mɔɔtɔɔtiɲaba, ani Ala lagbeyaɲɛmɔɔ, ani jɛvɛlikɛba, ani mɔɔ fannɔba, ani wasokɛba. Ai do yi koyon kɛɲa kula le lɔbɛnna. Ai tɛ ai wolobalu kumakan labatola.

Lɔmukalu 1:30 ပူးပေါင်းရင်းမြစ်များ

Matiyu 15:4

Kamasɔlɔn Ala vɛɛ ko: ‹I i fa ni i ba buɲa.› A vɛɛ fana ko: ‹Ni mɔɔ min v'a fa niwotɛ a ba lafeyala, fɔ wo tii yi faale.›

Matiyu 16:21

Ka ta waate wo ma, Isa tɛɛ a fɔla a kɔbiladennu yɛ k'a lagbɛ, ko a ka kan ka taa Jelusalɛmu ka tɔlɔya siyama masɔlɔn kɛmɔbalu ni salakalase kuntiibalu ani seliya kalanmɔɔlu bolo. Ko a faatɔle, kɛɛ tele fila a sawana, a wulitɔle.

Luka 21:16

Hali ài sɔlɔnbalu gbu, ni ài badenmalu, ni ài balamɔɔlu, ani ài tɔvalu, wolu le kɛtɔ ài donna mɔɔlu bolo fɔsa ai y'ài dɔlu faa.

Yohana 7:7

Ài tɛ se gbeyala dunuɲa yɛ, kɛɛ ǹe do gbeyayine a yɛ, kamasɔlɔn ǹ'i seleya dila ka bɛn a ma ko a kɛkolu kɛwonyanin.

Kɛkolu 5:36

Kamasɔlɔn waate timinnin, Tedasi k'i wuli, min tɛɛ a jɛlɛ kɛla mɔɔba le, ado kɛ́ mɔɔ kɛmɛ naani (400) jate ka bila a kɔ. Kɛɛ ai ka a faa mingɛ, aa mɔɔlu bɛ ka jɛzɛn a ma, aa ko do ka ban.

Lɔmukalu 2:17

Kɛɛ ile do? I y'a fɔla i jɛlɛ ma ko Jahudiya, k'i bolomala Nabi Musa ya seliya ma, ani k'i waso ko Ala ta le i le.

Lɔmukalu 2:23

I i jɛlɛ matɔɔla seliya lɔnko lɔ, k'a talan i yi Ala dɔɔyala ka bɛn aa seliyatiɲako ma.

Lɔmukalu 3:27

Mindɛ le tonin mɔ bolo butu, k'a fɔ ko m'i mɔ waso wo la? Foi! Jalasa m'i sene ka mɔ waso ka bɛn maa seliya latelenko ma? Ɛnɛn dɛ! Mafɔ, limaniya dein!

2 Kolɛntikalu 10:15

Mɔ do tɛ mɔ wasola k'a dannatimin ka dɔlu sɛyɛnɔ kɛ mɔ ta le. Kɛɛ mɔ jii y'a ma le ko ni àiya limaniya ma ka to kafonna, wo vɛ kɛla, maa baale la yi sawatile ài tɛma bubale, ka bɛn maa baale dakun ma.

2 Kolɛntikalu 12:20

M̀'ɛ siyan k'a fɔ ko ni ǹ ka taa ài fɛlɔ, ǹ kɛtɔ ài talanna boloɲa dɔ ma min tɛnala bɛnna m̀ ma. Ado àilu fana kɛtɔ ǹ yena boloɲa dɔ ma min tɛnala bɛnna ài ma. M̀'ɛ siyan k'a fɔ ko ǹ kɛtɔ sɔsɔyali talanna ài tɛma, ani keleya ni josobɔ ni jɛlɛlafisaya ni tɔɔtiɲali ni mafɔli ni fannɔbaya ani sɔɔnsɔɔn.

2 Tɛsalonikakalu 2:4

Mɔɔlu y'a fɔla fen fen si ma ko ai tii, ani ai yi fen fen si batola, kɛ́ wo kɛtɔ a wulila wolu bɛ le kanma, haan fɔɔ ka taa don Ala ya lɔhɔlɔmabonba gbu kɔnɔ, k'i sii je k'a fɔ a jɛlɛ ma ko Ala.

2 Timote 3:2

Kamasɔlɔn mɔɔlu kɛtɔ gbalala ai jɛlɛkanu kunko le le dein, ka kɛ nataba le wɔliko lɔ, ani wasokɛba, ani mɔɔ kafanin, ani jɛvɛlikɛba, ani kolobali ai wolobalu kanma, ani koɲumalɔnbali, ani Alabuɲabali,

Tite 3:3

Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.

Janguba 3:5

Wo boloɲa kelen ma, hali mɔɔ nɛɛ ka kɛ i falikolo fannu lɔ dɔɔmandani dɔ le, kɛɛ a yi wasola ko babalu le la. Ài y'ài mili kɔtunun, taalolo ni a dɔɔya bɛ, a yi sene wola ba dɛgbɛ ɲɛninna.

Janguba 4:16

Kɛɛ tandainɔ yi ne, ài y'ài wasola ka bɛn àiya fannɔbaya le ma. Waso suu wolu bɛ kɛwonyayine.

2 Piyɛli 2:18

Ai y'ai wasola kuma kundannu le, fɔsa mɔɔ minu yi kisi boloma ka bɔ mɔɔ filininnu tɛma, ai yi wolu manɛɛ ka bɛn falikolo niikanukolu ma.

Jude 1:16

Faɲafɔ kalanmɔɔ wolu yi kunnɔkumafɔbalu le le, ani wasabali, minu bilanin ai jɛlɛkanu niikanuko yonnu kɔ. Ai do y'ai wasola kuma babalu le le, ka mɔɔlu matɔɔ fuun nafa sɔlɔnko lɔ.